Hosea 8:1-14
8 “Embuslah trompet tanduk!+
Reh musuh nyerang umat* Jahwe bagi kuliki,+Sebap kalak e la setia man perjanjinKu,+ langgar kalak e undang-undangKu.+
2 Serko kalak e man bangKu, ‘O Dibata kami, kami kalak Israel, tandai kami Kam!’+
3 Tulak Israel kai si mehuli.+
Pediatlah ayaki musuh ia.
4 La pe Kusuruh, lantik kalak e raja-raja.
Lantik kalak e peminpin-peminpin tapi la sungkun kalak e Aku.
Ban kalak e berhala-berhala alu pirak ras emas kalak e.+
Emaka ikernepken kalak e.+
5 O Samaria, patung anak lembundu enggo itulak.+
Merawa kel Aku man kalak e.+
Ngasa ndigan nge kalak e la ngelakoken kai si benar?
6 Sebap e rehna arah Israel.
Tukang si ahli si erbanca, labo Dibata.
Ihancurken pagi patung anak lembu Samaria e.
7 Sebap suan kalak e angin,Emaka perani kalak e pagi angin badai.+
Gandum kalak e la ngasilken biji-bijin.*+
Biji-bijin la ngasilken tepung.
Adi lit pe hasilna, kalak si la itandai* si ngkerikenca.+
8 Keriken musuh pagi kalak Israel.+
Kalak e i tengah bangsa-bangsa pagi,+Bagi barang si la erguna.
9 Sebap lawes kalak e ndahi Assur,+ bagi kelede liar si mekeng.
Galari Eperaim pelacur-pelacur gelah jadi rondongna.+
10 Amin gia rondong-rondong si galarina e reh arah bangsa-bangsa si deban,Kupepulung pagi kalak e.
Mesui kel pagi akap kalak e+ perban baban si tamaken raja ras peminpin-peminpin ku kalak e.
11 Tambahi Eperaim ingan nutung* persembahen janah lakokenna dosa.+
Kerina ingan nutung persembahen e pakena guna ngelakoken dosa.+
12 Melala Kutulis undang-undang* man bana,Tapi la diatena.+
13 Persembahken kalak e korban man bangKu janah pan kalak e dagingna,Tapi Aku Jahwe, la senang kerna si e.+
Pasti Kuinget kesalahen kalak e janah Kuhukum kalak e perban dosa-dosana.+
Enggo mulih kalak e ku Mesir.*+
14 Enggo lupaken Israel Si Erban+ ia janah bangunna ingan-ingan ersembah,+Enggo tambahi Juda kota-kota si erbenteng.+
Tapi Kukirim pagi api ku kota-kotana,Keri pagi pan api e menara-menara bas tiap kota e.”+
Cataten i teruh
^ Ntah “rumah pertoton.”
^ Ntah “kalak asing.”
^ Ntah “petunjuk.”
^ Ntah banci saja “Mulih pagi kalak e ku Mesir.”
