Hosea 9:1-17
9 “O Israel, ula ermeriah ukur,+Ula ersurak-surak bagi bangsa-bangsa si deban.
Sebap kam enggo ndauh arah Dibatandu perban kam jadi pelacur.*+
Meriah kapndu ngaloken upah arah pelacuren si lakokenndu bas ingan-ingan ngerik* gandum.+
2 Tapi ingan ngerik ras ingan meras anggur la mere kam man,Janah anggur si mbaru lanai pagi lit.+
3 Lanai pagi kam terus tading i negri Jahwe.+
Tapi, mulihken pagi Eperaim ku Mesir,Janah bas Assur panndu pagi kai si najis.+
4 Lanai pagi persembahken kalak e anggur man Jahwe.+
Korban-korban kalak e la erban Ia senang.+
Korban-korban e bagi roti si ipan sanga lit kalak si mate.
Najis pagi kerina kalak si manca.
Sebap roti kalak e guna kalak e saja ngenca.
E labo pagi ibaba ku rumah Jahwe.
5 Kai nge pagi si lakoken kena bas wari kena pulung?*
Kai pagi si lakoken kena bas wari perayan Jahwe?
6 Sebap kiam pagi kalak e perban negri kalak e ihancurken.+
Ipepulung pagi kalak e i Mesir,+ janah ikuburken i Mempis.+
Barang-barang kalak e si merga si iban arah pirak itutupi dukut si erduri,Kemah-kemah kalak e itamburi peren si erduri.
7 Reh pagi wari penghukumen,+Reh pagi wari pembalasen,Arus teh Israel kerna si e.
Motu pagi nabi-nabi kalak e, adon pagi kalak si ngaku ngerana arah Dibata.
Segat kel pagi ate kalak man bandu sebap mbue kel kesalahenndu.”
8 Mbarenda penjaga+ Eperaim lit ras Dibataku.+
Tapi gundari, kerina perbahanen nabi-nabina+ bagi siding guna nangkap perik.
Lit ate segat bas rumah Dibatana.
9 Ncedai kel perbahanen kalak e, bagi bas jaman Gibea.+
Inget Dibata pagi kesalahenna, ihukum pagi kalak e perban dosa-dosana.+
10 “Kudat Israel bagi ndatken anggur i taneh mesawang.*+
Bas mataKu, nini bulangndu bagi buah si pertama arah batang ara.
Tapi lawes kalak e ku Baal Peor.+
Bereken kalak e dirina ku dibata si man kemelanken,+Ban kalak e dirina ciga ate Dibata, bagi dibata si isembah kalak e.
11 Kemulian Eperaim bene, kabang bagi perik.
La lit si hamil ntah pe si melahirken.+
12 Lit pe anak-anak kalak e si ipebelin-belinna,La lit sekalak pe arah anak-anak e si Kupediat pagi nggeluh.+
Cilaka pagi kalak e sanga Kutadingken kalak e!+
13 Eperaim seri Kuidah bagi Tirus si isuan i mbalmbal.+
Tapi gundari arus baba Eperaim anak-anakna guna ibunuh musuh-musuhna.”
14 O Jahwe, berekenlah man kalak e kai si arus ibereken man bana.
Pediatlah kalak e keguguren janah pediatlah kalak e la banci pepinemken.*
15 “Kerina kejahaten kalak e ilakoken i Gilgal,+ i je me segat ateKu kalak e.
Kupelawes pagi kalak e arah rumahKu perban kejahaten si lakoken kalak e.+
Lanai pagi keleng ateKu kalak e.+
Keras kepala kerina peminpin-peminpin kalak e.
16 Itabah pagi Eperaim bagi batang kayu.+
Kerah pagi urat kalak e janah la erbuah.
Amin gia kalak e melahirken, Kubunuh pagi anak kesayangen kalak e.”
17 Tulak Dibataku pagi kalak e,Sebap la begiken kalak e Ia,+Jadi buronen pagi kalak e i tengah bangsa-bangsa.+
Cataten i teruh
^ Ntah “kam ngelakoken perbahanen seks si salah.”
^ Ntah “wari perayan pilihen kena?”
^ Taneh si mbelang si jarang iingani.
^ Ntah “pediatlah buah dadana la lit launa.”
