Imamat 17:1-16
17 Nina Jahwe ka man Musa,
2 “Kataken man Harun, man anak-anakna, bage pe man kerina kalak Israel, ‘Enda me perentah Jahwe:
3 “‘“Adi lit kalak Israel si nggeleh lembu, biri-biri, ntah pe kambing bas perkemahen ntah pe i darat perkemahen,
4 adi la babana binatang e ku pintu kemah perjumpan guna ipersembahken bas kemah Jahwe eme i lebe-lebe kemah ingan ersembah Jahwe, ia enggo ersalah. Ia enggo munuh janah arus ia ibunuh.
5 Perentah enda iban gelah kalak Israel lanai nggeleh asuh-asuhen i mbalmbal, tapi babana ku lebe-lebe Jahwe. Arus bereken kalak e binatang e man imam i pintu masuk kemah perjumpan. Binatang e arus ikorbanken jadi korban persadan man Jahwe.+
6 Arus percikken imam darehna ku ingan nutung* persembahen Jahwe i pintu masuk kemah perjumpan, janah arus tutungna lemakna gelah ku das asapna si merim* akap Jahwe.+
7 Emaka kalak Israel lanai banci mpersembahken korban ntah pe nembah+ man malekat-malekat jahat si bentukna bagi kambing.+ Enda ndai me peraturen si arus terus patuhi kena bage pe keturunen kena.”’
8 “Arus katakenndu man kalak e, ‘Ise pe arah kalak Israel ntah pe kalak asing si tading ras kena si mpersembahken persembahen tutungen ntah pe korban si deban,
9 adi la babana e ku pintu masuk kemah perjumpan guna ipersembahken man Jahwe, ia arus ibunuh.+
10 “‘Ise pe arah kalak Israel ntah pe kalak asing si tading ras kena si man dareh kai pe,+ pasti Kutulak kalak si man dareh e, janah Kukernepken ia.
11 Sebap kegeluhen kerina si nggeluh lit bas darehna.+ Enggo Kutetapken maka dareh arus iamburken ku datas ingan nutung persembahen+ guna pendamen man diri kena. Dareh e me si erban pendamen,+ perban bas dareh e kap kegeluhen.
12 E me sebapna Kukataken man kalak Israel, “La banci pan kena dareh, kalak asing si tading ras kena+ pe la banci man dareh.”+
13 “‘Adi lit kalak Israel si erburu ntah kalak asing si tading ras kena erburu, janah datna perik ntah pe binatang si deban si banci ipan, arus amburkenna darehna+ janah tutupina alu taneh.
14 Kegeluhen kerina si nggeluh lit bas darehna, sebap kegeluhen bas dareh kap. E me sebapna Kukataken man kalak Israel, “Ula pan kena dareh kai pe, perban kegeluhen lit bas dareh. Ise pe si man dareh arus ibunuh.”+
15 Ise pe ia, la soal kalak Israel ntah pe kalak asing, adi panna binatang si enggo mate sanga idatna ntah pe mate perban icabik-cabik binatang buas,+ arus cucina bajuna janah ridi ia, najis ia seh asa terbenam matawari.+ Kenca si e ia lanai najis.
16 Tapi adi la cucina bajuna ras la ia ridi, ia sendiri si nanggung akibatna.’”+
