Imamat 6:1-30
6 Kenca si e nina Jahwe man Musa,
2 “Sekalak jelma ikataken erdosa janah la setia man Jahwe+ adi nangko ia, adi tokohina janah tipuna kalak si minjamken ntah pe si nitipken barang man bana,+
3 ntah pe adi datna barang si bene janah erbual ia kerna si e. Adi banna sumpah si la tuhu maka labo lit lakokenna si e ndai kerina,+ enda si arus lakokenna:
4 Adi tuhu kin ia erdosa ras ersalah, arus ulihkenna kai si tangkona e, kai si ibuatna alu paksa ntah pe nipu, kai si titipken kalak man bana, ntah barang si bene si idatna,
5 ntah barang si idatna alu erban sumpah si la tuhu. Arus dem galarina ganti rugina+ janah arus ka tambahina seperlima arah erga barang e. Arus berekenna kerina e man si mpuna barang ndai bas wari ia terbukti ersalah.
6 Arus babana biri-biri jantan si sehat man imam jadi persembahen kesalahenna man Jahwe, janah erga persembahen e arus menurut erga si enggo itetapken.+
7 Imam me si erban pendamen i lebe-lebe Jahwe, janah kesalahen kai pe si lakoken kalak ndai banci iampuni.”+
8 Nina Jahwe ka man Musa,
9 “Bagendalah nindu man Harun ras anak-anakna, ‘Enda me undang-undang kerna persembahen tutungen:+ Persembahen tutungen arus itutung i datas ingan nutung* persembahen gedang-gedang berngi seh ngasa erpagi-pagi. Api i bas ingan nutung persembahen e arus tetap gara.
10 Arus ipake imam jubahna si resmi ras celana pendekna*+ si iban arah linen nari.+ Kenca si e, arus buatna abu*+ arah bekas nutung persembahen tutungen si lit bas ingan nutung persembahen, jenari tamakenna ku samping ingan nutung persembahen e.
11 Kenca si e arus gantina pakenna+ alu paken si deban, jenari babana abu e ku darat perkemahen ku ingan si enggo itetapken.+
12 Api bas ingan nutung persembahen arus tetap gara, la banci mate. Tiap erpagi-pagi, arus tama imam ranting ku api e+ janah tamana persembahen tutungen ku datas ranting e. Lemak korban persadan e arus tutungna gelah ku das asapna.+
13 Api bas ingan nutung persembahen arus tetap gara, la banci mate.
14 “‘Enda me undang-undang kerna persembahen pangan:*+ Anak-anak Harun arus maba persembahen e ku ingan nutung persembahen i lebe-lebe Jahwe.
15 Sekalak imam arus muat sengkerauk tepung halus arah persembahen pangan e ras minakna bage pe kerina kemenyan mbentar si lit i datas persembahen pangan e. Arus tutungna kerina e i datas ingan nutung persembahen. Alu bage ku das me asapna si jadi tanda maka persembahen e enggo ipersembahken janah merim* akap Jahwe.+
16 Sisa tepung e arus ipan Harun ras anak-anakna.+ Arus iban kalak e jadi roti si la itama ragi janah panna bas ingan si badia. Ipan kalak e kari bas halamen kemah perjumpan.+
17 Roti e la banci itama ragi.+ Arah persembahen si itutung alu api man bangKu, enggo Kubereken e jadi bagin kalak e.+ Enda badia kel+ bali bagi persembahen dosa ras persembahen kesalahen.
18 Roti e arus ipan kerina dilaki arah keturunen Harun.+ Arah persembahen si itutung alu api man Jahwe, enda ndai me si lalap jadi bagin kalak e ras keturunenna.+ Kai pe si kena ku persembahen e jadi badia.’”
19 Nina Jahwe ka man Musa,
20 “Bas wari Harun ilantik jadi imam si mbelin, ia ras anak-anakna arus mereken persembahen pangan si tetap man Jahwe:+ sada kilo*+ tepung halus jadi persembahen pangan.+ Setengah arah persembahen e ipersembahken sanga erpagi-pagi, janah setengah nari ipersembahken sanga berngi.
21 Tepung e arus icampur ras minak janah ipanggang i datas belanga si rata.+ Kenca si e cepik-cepikken roti e janah tuangken minak ku roti e sanga ipersembahken jadi persembahen pangan gelah merim* akap Jahwe.
22 Kerina anak Harun si dilaki si enggo ilantik jadi imam+ arus erban persembahen e. Enda me peraturen si arus terus ipatuhi: Kerina persembahen e arus itutung gelah ku das asapna man Jahwe.
23 Kerina persembahen pangan si ipersembahken imam arus itutung, la banci ipan.”
24 Nina Jahwe ka man Musa,
25 “Bagendalah nindu man Harun ras anak-anakna, ‘Enda me undang-undang kerna persembahen dosa:+ Gelehlah persembahen dosa bas ingan nggeleh persembahen tutungen i lebe-lebe Jahwe.+ Persembahen e badia kel.
26 Imam si mpersembahken persembahen e arus panna+ persembahen e bas ingan si badia i halamen kemah perjumpan.+
27 “‘Kai pe si kena persembahen e jadi badia, janah baju ise pe si kena dareh persembahen e arus icuci bas ingan si badia.
28 Kudin taneh si ipake guna mbelgang persembahen e arus ipecahken. Tapi adi kudin e iban arah tembaga nari, arus igusgus ras icuci alu lau.
29 “‘Kerina dilaki si jadi imam banci panna persembahen e.+ Persembahen e badia kel.+
30 Tapi adi dareh persembahen dosa e enggo ibaba deba ku ingan si badia,+ eme ku bas kemah perjumpan guna mindo gelah dosa iampuni, daging persembahen e la banci ipan. Kerina daging e arus itutung.
Cataten i teruh
^ Ntah “abu si lit lemakna,” eme abu si tercampur ras lemak korban.
^ Ntah “paken dalam.”
^ Ntah “erban meriah.”
^ Ntah “erban meriah.”
