Imamat 7:1-38
7 “‘Enda undang-undang kerna persembahen kesalahen:+ Persembahen enda badia kel.
2 Binatang persembahen kesalahen arus igeleh bas ingan nggeleh persembahen tutungen. Darehna+ arus ipercikken ku kerina bagin ingan nutung* persembahen.+
3 Kerina lemakna arus ipersembahken,+ termasuk ikurna si erlemak, lemak si nutupi ususna,
4 duana ginjalna si lit i deher awakna bage pe kerina lemakna, ras lemak si lit bas atena.+
5 Itutung imam kerina e bas ingan nutung persembahen gelah ku das asapna jadi persembahen si itutung alu api man Jahwe.+ Enda ndai me persembahen kesalahen.
6 Kerina dilaki si jadi imam banci man daging persembahen e+ tapi arus bas ingan si badia. Persembahen e badia kel.+
7 Undang-undang persembahen dosa seri ras undang-undang persembahen kesalahen. Daging persembahen e jadi jang imam si mpersembahken persembahen e gelah dosa iampuni.+
8 “‘Adi ipersembahken imam persembahen tutungen si ibaba kalak,+ kulit binatang persembahen e jadi jang imam si mpersembahkenca.
9 “‘Kerina persembahen pangan* si ipanggang ras si iban bas kudin ntah pe bas belanga si rata,+ kerinana jadi jang imam si mpersembahkenca.+
10 Tapi kerina persembahen pangan si itama minak+ ntah pe si kerah+ arus jadi jang Harun ras keturunenna. Tiap kalak arus seri buena baginna.
11 “‘Enda undang-undang kerna korban persadan+ man Jahwe:
12 Adi lit si mereken korban guna pengatan bujur,+ arus berekenna roti si la itama ragi si bentukna bagi gelang si icampur minak, roti si menipes si la itama ragi si iolesi minak, ras roti si bentukna bagi gelang si iban arah tepung halus nari si icampur ras minak.
13 Arus ka babana roti si bentukna bagi gelang si itama ragi radu ras korban persadan si babana guna korban pengatan bujur e.
14 Sada arah tiap jenis roti e arus berekenna man Jahwe jadi bagin si badia. Si e kari jadi bagin imam si mercikken dareh korban persadan.+
15 Daging arah korban persadan si ibereken jadi korban pengatan bujur arus ipan i bas wari korban e ipersembahken. La banci sitik pe isimpan seh ngasa erpagi-pagi.+
16 “‘Adi lit si mereken korban guna jadi persembahen perban enggo ibanna janji+ ntah pe iberekenna persembahen sukarela,+ korban e arus ipan bas wari korban e ipersembahken, janah adi lit si sisa, paginna banci denga ipan.
17 Tapi adi daging korban e sisa denga seh ngasa wari si peteluken, sisana e arus itutung.+
18 Tapi adi daging korban persadan e ipan i bas wari si peteluken, persembahen e lanai erguna man kalak si merekenca. La ateKu jadi ngidah ia. Ciga ateKu daging e janah kalak si man korban e arus tanggungna akibat kesalahenna.+
19 Ula pan daging si enggo kena kai pe si najis. Daging e arus itutung. Tapi kalak si la najis banci panna daging persembahen.
20 “‘Adi lit kalak si najis si man daging korban persadan si ibereken man Jahwe, kalak e arus ibunuh.+
21 Adi lit kalak si ngkuit kai pe si najis la soal e najis perban manusia,+ perban binatang,+ ntah perban kai pe si najis si erban ciga ate Dibata,+ jenari panna daging korban persadan si ibereken man Jahwe, ia arus ibunuh.’”
22 Nina Jahwe ka man Musa,
23 “Bagendalah nindu man kalak Israel, ‘Ula pan kena lemak+ lembu jantan, lemak biri-biri jantan si nguda denga, ntah pe lemak kambing.
24 Lemak binatang si ibunuh binatang si deban ntah pe binatang si enggo mate sanga idat, banci igunaken man keperlun si deban tapi la banci ipan.+
25 Ise pe si panna lemak binatang si berekenna jadi persembahen si itutung alu api man Jahwe, arus ibunuh.
26 “‘I japa pe kena tading, ula pan kena dareh+ kai pe la soal dareh perik-perik ntah pe dareh kerina binatang.
27 Ise pe si man dareh arus ibunuh.’”+
28 Nina Jahwe ka man Musa,
29 “Bagendalah nindu man kalak Israel, ‘Ise pe si mereken korban persadan man Jahwe arus babana deba korban persadan e man Jahwe.+
30 Ia sendiri si arus mereken lemak+ ras dada binatang persembahen e, janah e arus itutung alu api jadi persembahen man Jahwe. Arus iayunken e jadi persembahen si iayunken+ i lebe-lebe Jahwe.
31 Arus itutung imam lemak e i datas ingan nutung persembahen gelah ku das asapna,+ tapi dadana jadi jang Harun ras anak-anakna.+
32 “‘Nahe kanan arah binatang si ipersembahken jadi korban persadan,+ arus ibereken man imam jadi bagin si badia.
33 Nahe kanan e jadi jang anak Harun si mpersembahken dareh ras korban persadan e.+
34 Arah korban persadan si ibereken kalak Israel, Kubuat dada arah persembahen si iayunken e bage pe nahe si jadi bagin si badia, janah Kubereken man Imam Harun ras anak-anakna. Enda me si arus terus ipatuhi kalak Israel.+
35 “‘Enda me bagin si arus ibereken man Harun ras anak-anakna bas wari kalak e ngelayani jadi imam man Jahwe. Bagin e ibuat arah persembahen si itutung alu api man Jahwe.+
36 Iperentahken Jahwe kalak Israel gelah mereken bagin e man imam-imam bas wari kalak e ilantik.+ Enda me peraturen si arus terus ipatuhi kalak Israel.’”
37 Enda ndai me undang-undang kerna persembahen tutungen,+ persembahen pangan,+ persembahen dosa,+ persembahen kesalahen,+ korban pelantiken,+ ras korban persadan,+
38 bagi si perentahken Jahwe arah Musa i Gunung Sinai.+ Perentah enda ibereken Jahwe i bas wari sanga suruhNa kalak Israel erban persembahen man baNa i Taneh Mesawang* Sinai.+
Cataten i teruh
^ Taneh si mbelang si jarang iingani.
