Jakup 4:1-17
4 Kai si erban kena rubati ras erjengil? La kin sura-sura daging kena si erdosa nge si erperang bas diri* kena?+
2 Merhat kena tapi la dat kena. Terus kena munuh janah merhat kena jang kalak, tapi la dat kena. Terus kena erjengil ras rubati.+ La dat kena perban la pindo kena.
3 Adi pindo kena pe, labo dat kena perban salah tujun kena, eme gelah puas sura-sura daging kena si erdosa.
4 O perlua-lua,* la kin teh kena maka adi erteman kena ras doni enda, kena jadi musuh Dibata? Ise pe si nggit jadi teman doni enda, banna dirina jadi musuh Dibata.+
5 Lit ayat si ngataken, “Perban lit cian ate bas pusuhta, merhat kita rusur kerinana.”+ Sia-sia kin kap kena ayat e itulis?
6 Tapi belinen kap kiniulin Dibata si luar biasa asangken si e. Lit tertulis, “Tulak Dibata kalak si meganjang ukurna,+ tapi man kalak si meteruk ukurna, berekenNa kiniulinNa si luar biasa.”+
7 Emaka patuhlah man Dibata,+ lawanlah Iblis,+ pasti kiam Iblis e arah kena nari.+
8 Rembakkenlah diri kena ku Dibata, emaka rembakkenNa ka diriNa man kena.+ Bersihken tan kena, o kalak si erdosa.+ Bersihken pusuh kena,+ o kalak si erdua ukur.
9 Erceda atelah, tangislah, janah ngandunglah.+ Jadikenlah tawa kena e jadi tangis, janah jadikenlah keriahen kena e jadi ceda ate!
10 Peteruklah diri kena i lebe-lebe Jahwe,*+ emaka peganjangNa kena.+
11 O turang senina, ula nai kena sipandang-pandangen.+ Adi lit si mandangi ntah pe si ngakimi seninana, undang-undang kap si pandangina ras si hakimina e. Adi hakimi kena undang-undang, la kap lakoken kena undang-undang e, tapi kena si enggo jadi hakimna.
12 Sada ngenca Si Mereken Undang-Undang ras si jadi Hakim,+ eme Dibata si banci nelamatken ras engkernepken.+ Ise kin kena maka hakimi kena kalak?+
13 Gundari begikenlah, o kena si ngataken, “Wari enda ntah pe pagi, berkat kami ku kota, tading kami i je setahun dekahna guna erbinaga ras ndarami untung,”+
14 padahal la teh kena uga geluh kena pagi.+ Kena bagi remang si ntisik ngenca lit, kenca e bene.+
15 Arusna kataken kena, “Adi sesuai ras peraten Jahwe,*+ nggeluh kami janah banci lakoken kami si enda ntah pe si ah.”
16 Tapi gundari sombong kel kena, tual kel kena ngerana. Adi bage perbahanen kena, lakoken kena kap si jahat.
17 Emaka, adi teh kalak cara ngelakoken kai si benar tapi la lakokenna, erdosa kap ia.+
