Jeremia 1:1-19
1 Enda kata-kata Jeremia* anak Hilkia. Hilkia e imam arah Anatot+ nari si lit i daerah Benyamin:
2 Reh kata Jahwe man bangku bas tahun pe-13-ken pemerentahen Josia+ anak Amon,+ raja Juda.
3 Ngerana ka Dibata man bangku bas jaman Joyakim+ anak Josia, raja Juda, seh ngasa dung 11 tahun masa pemerentahen Sedekia+ anak Josia, raja Juda, eme sanga penduduk Jerusalem itaban bas bulan pelimaken.+
4 Nina Jahwe man bangku,
5 “Sope Kubentuk kam bas rahim mamakndu, enggo Kupilih* kam.+
Sope kam lahir, enggo Kupilih* kam guna ngelakoken tugas si badia.+
Kuban kam jadi nabi man bangsa-bangsa.”
6 Tapi ningku, “Jahwe, Tuhan Si Meganjangna!
Aku la beluh ngerana,+ sebap aku nguda denga.”+
7 Kenca si e, nina Jahwe man bangku,
“Ula katakenndu kam nguda denga.
Arus dahindu ise pe si Kusuruh dahindu,Pesehlah man kalak e kerina si Kuperentahken.+
8 Ula mbiar man kalak e,+Sebap ‘Aku ras kam guna nelamatken kam,’ nina Jahwe.”+
9 Kenca si e, dudurken Jahwe tanNa janah kuitNa babahku.+ Nina Jahwe, “Enggo Kutamaken kata-kataKu bas babahndu.+
10 Nenlah! Wari enda, Kubereken man bandu kuasa nandangi bangsa-bangsa ras kerajan-kerajan, guna ncabut ras ngeruntuhken, guna engkernepken ras ngancurken, guna mbangun ras nuan.”+
11 Nina Jahwe ka man bangku, “O Jeremia, kai si idahndu?” Ningku ngaloi, “Lit kuidah kalak si medak.”*
12 Nina Jahwe, “Payo katandu ena. Sebap Aku tetap medak guna ngelakoken kataKu.”
13 Nina Jahwe ka pedua kaliken, “Kai si idahndu?” Ningku ka ngaloi, “Kuidah panci si isina luam,* rehna arah utara janah babah panci e miring ku selatan.”
14 Kenca si e nina Jahwe man bangku,
“Kuban pagi reh bencana arah utara nariEngkenai penduduk negri enda.+
15 Sebap nina Jahwe, ‘Kulebuh pagi kerina keluarga arah kerajan-kerajan utara,+Reh pagi kalak e. Ban raja-rajana pagi tahtanaI lebe-lebe gerbang Jerusalem,+I deher tembok si engkelilingi Jerusalem,Bage pe bas kerina kota Juda.+
16 Kuhukum pagi kalak e perban kerina kejahatenna,Perban enggo tadingken kalak e Aku,+Tutung kalak e korban man dibata-dibata si deban,+Sujud kalak e nembah kai si ban tanna.’+
17 Arus kam ersikap guna ertindak.
Cinderlah kam, kataken man kalak e kerna kerina si Kuperentahken man bandu.
Ula mbiar man kalak e,+Gelah la pagi Kuban kam mbiar i lebe-lebe kalak e.
18 Sebap wari enda Kuban kam bagi kota si erbenteng,Bagi tiang besi ras tembok tembaga gelah banci hadapindu kerina negri e,+Raja-raja Juda ras peminpin-peminpinna,Imam-imamna bage pe rakyat negri e.+
19 Pasti lawan kalak e kam,Tapi labo pagi taluken kalak e kam,Perban nina Jahwe, ‘Aku ras kam+ guna nelamatken kam.’”
Cataten i teruh
^ Mungkin ertina “Jahwe Mpeganjangsa.”
^ Ntah “Kutandai.”
^ Ntah “Kupisahken.”
^ Ntah “kuidah cabang batang almond.”
^ As. “si isempul,” maksudna i teruhna lit api si ikipas.
