Jeremia 10:1-25
10 O bangsa Israel, begikenlah kai nina Jahwe man bandu.
2 Bagenda nina Jahwe,
“Ula pelajari kena kebiasan bangsa-bangsa si deban,+Ula kena mbiar man tanda-tanda i langit,Amin pe bangsa-bangsa mbiar man tanda-tanda e.+
3 Sebap sia-sia nge kebiasan kalak e.
E batang kayu si itabah arah kerangen ngenca,Jenari ban tukang kayu sada patung alu alat-alatna.+
4 Hiasi kalak e alu pirak ras emas,+Peteguhina alu martel ras paku gelah ula guling.+
5 Bagi tembut-tembut* bas kebun cimen, la ia banci ngerana,+Arus iangkat sebap la banci erdalan.+
Ula mbiar man bana, sebap ise pe labo banci cilakaina,La banci lakokenna si mehuli.”+
6 O Jahwe, la lit si bagi Kam.+
Mulia kap Kam, gelarNdu pe mulia ras dem kuasa.
7 O Raja bangsa-bangsa,+ kerina kalak arus mbiar man baNdu, sebap bage kin arusna.
Sebap i tengah-tengah kalak si pentar arah bangsa-bangsa ras kerina kerajan kalak e,La lit si bagi Kam.+
8 Kerina kalak e motu janah la rukur.+
Sia-sia kap petunjuk arah batang kayu.+
9 Lempengen pirak itukur arah Tarsis,+ janah emas arah Upas,E me si pake tukang si beluh ras tukang besi guna ngelapisi kayu-kayu.
Baju patung-patung e arah benang biru ras wol ungu.
Kerina patung e, kalak si beluh si erbanca.
10 Tapi Jahwe kap Dibata situhu-tuhu.
Ia kap Dibata si nggeluh+ ras Raja si rasa lalap.+
RawaNa erban doni mugur-ugur,+La lit bangsa si ngasup nahanken rawaNa.
11 * Kataken bagenda man kalak e,
“Dibata-dibata si labo erban langit ras doni,Kernep pagi arah doni bage pe arah teruh langit nari.”+
12 Alu kuasaNa, ciptakenNa doni,Alu kepentarenNa, banNa taneh si subur,+Alu pengertinNa, kimbangkenNa langit.+
13 Sanga pedaratNa soraNa,Ergelombang langit,+BanNa embun* naik arah ujung-ujung doni nari.+
BanNa ndarat kilap radu ras udan,PedaratNa angin arah ingan nimpansa.+
14 Tiap kalak, motu perbahanenna ras la masuk akal.
Tiap tukang logam, ipermelaken pagi perban patung si pahatna,+Sebap palsu kap patung logamna* e,La banci erkesah.+
15 Sia-sia kerina, hasil pendahinna patut itawa-tawai.+
Bas wari penghukumenna, kernep pagi kalak e.
16 Tapi Dibata Jakup labo seri ras si e kerina.
Sebap Ia kap si erban kerinana.
Israel kap jangna si mergana.+
GelarNa eme Jahwe penguasa malekat.+
17 O diberu si sangana ikepung,Pepulunglah barang-barangndu si amparen i taneh.
18 Sebap bagenda nina Jahwe,
“Gundari Kupelawes penduduk negri enda,+Kuban pagi kalak e susah.”
19 Cilaka kap aku perban kehancurenku!+
Lukaku lanai tertambari.
Ningku, “Enda kap penakitku, janah arus kugengken.
20 Kemahku enggo ihancurken janah nali-nalina enggo ipeltepken.+
Anak-anakku enggo nadingken aku, lanai kalak e lit.+
Lanai lit si banci ngkimbangken kemahku ntah pe mpenangkih kain kemahku.
21 Sebap permakan-permakan bodoh perbahanenna,+La pindo kalak e petunjuk arah Jahwe nari.+
E me sebapna kalak e ertindak alu la erpengangka,Janah merap kerina asuh-asuhen kalak e.”+
22 Begikenlah! Lit laporen!
Guntar negri utara,+Reh prajurit kalak e erban kota-kota Juda la iurus, jadi ingan biang kerangen.+
23 O Jahwe, kuteh maka manusia la erkuasa nentuken dalan geluhna.
Nentuken perdalanna pe la lit kuasana.+
24 O Jahwe, persingetilah aku alu adil,Tapi ula sanga Kam merawa,+ gelah la kernepkenNdu aku.+
25 Amburkenlah rawaNdu man bangsa-bangsa si la mperdiateken Kam,+Bage pe man suku-suku si la erlebuh man gelarNdu.
Sebap enggo kernepken kalak e Jakup,+Kernepkenna seh asa keri,+Janah hancurken kalak e negrina.+
Cataten i teruh
^ Ntah “orang-orangan.”
^ Ayat 11 aslina itulis bas bahasa Aram.
^ Ntah “uap.”
^ Ntah “patung tuangenna.”