Jeremia 12:1-17
12 O Jahwe, Kam lalap adil+ sanga mengeluh aku man baNdu,Sanga kucakapken kerna keadilen man baNdu.
Tapi engkai maka kalak jahat berhasil?+
Engkai maka penghianat tenang geluhna?
2 SuanNdu kalak e, dungna rurat.
Turah ia janah erbuah.
Cakapken kalak e kerna Kam, tapi pusuh kalak e ndauh arah Kam nari.+
3 O Jahwe, tandaiNdu kel aku.+
PereksaNdu pusuhku, tehNdu kap ersada pusuhku ras Kam.+
Pisahkenlah kalak e bagi biri-biri si nandangi igeleh,Pisahkenlah kalak e guna wari pembunuhen.
4 Ngasa ndigan gersang negri e,Ngasa ndigan melus sinuan-sinuan i juma?+
Binatang liar ras perik-perik pe enggo keri,Perban kejahaten kalak si tading i je.
Ning kalak e, “Labo tehNa kai pagi si terjadi banta.”
5 Jenari nina Dibata man bangku, “Adi erlumba ras jelma saja pe latih kapndu,La mungkin kam erlumba ras kuda.+
Banci saja aman akapndu tading bas negri si dame,Tapi kai pagi si lakokenndu sanga kam i tengah kerangen i gedang-gedang Lau Jordan?
6 Sebap senina-seninandu eme keluarga bapakndu pe,Enggo erhianat man bandu.+
Sergangi kalak e kam.
Ula kam tek man kalak e,Amin pe katakenna si mehuli man bandu.
7 “Enggo Kutadingken rumahKu+ ras lanai diateKu umatKu.+
Enggo Kuserahken umat si Kukelengi man musuh-musuhna.+
8 UmatKu enggo bagi singa i kerangen.
Erngaung ia man bangKu.
Emaka segat ateKu ia.
9 UmatKu bagi perik pemangsa si warna-warni.*
Perik pemangsa si deban ngepung ia janah nyerang ia,+Rehlah janah pulunglah, o kerina binatang buas i taneh mesawang,*Rehlah ku jenda guna man.+
10 Melala permakan si erban hancur kebun anggurKu.+
Perjaki kalak e taneh baginKu.+
Ubah kalak e taneh baginKu si merga jadi taneh mesawang* si la iurus.
11 Taneh e enggo jadi ingan si tandus.
Jadi ingan si gersang,*Jadi ingan si la iurus i lebe-lebeKu.+
Kerina negri e enggo lanai iurus,Tapi la lit si ermediate.+
12 Si erban hancur enggo reh arah dalan si rusur ilewati i taneh mesawang,*Sebap pedang Jahwe si nyerang negri e arah ujung ku ujung.+
La lit dame man ise pe.
13 Suan kalak e gandum, tapi sinuan si erduri si peranina.+
Kerja keras kalak e, tapi sia-sia kerina.
Mela pagi akap kalak e sebap la datna hasil rani,Sebap gara rawa Jahwe man kalak e.”
14 Bagenda nina Jahwe, “Kerina bangsa si jahat si lit i deher kena, si ncedai taneh warisen si Kubereken man umatKu Israel,+ Kucabut pagi arah taneh kalak e.+ Kalak Juda pe Kucabut pagi arah tengah-tengah kalak e.
15 Tapi kenca Kucabut kalak e, mekuah ka pagi ateKu kalak e, Kubaba kalak e mulih ku negrina ras tanehna masing-masing.”
16 “Entabeh pagi akap kalak e nggeluh i tengah-tengah umatKu, adi erusaha kalak e mpelajari dalan-dalan umatKu janah ersumpah guna gelarKu, alu ngataken, ‘I lebe-lebe Jahwe si nggeluh!’ bagi si mbarenda iajarken kalak e man umatKu guna ersumpah man Baal.
17 Tapi adi la kalak e patuh, Kucabut pagi bangsa e jenari Kukernepken,” nina Jahwe.+
Cataten i teruh
^ Ntah “erbintik; bintik-bintik.”
^ Taneh si mbelang si jarang iingani.
^ Taneh si mbelang si jarang iingani.
^ Ntah banci saja “ingan erceda ate.”
^ Taneh si mbelang si jarang iingani.