Jeremia 13:1-27
13 Bagenda nina Jahwe, “Laweslah kam, tukur ikat pinggang linen. Pakeken bas awakndu tapi ula banndu kena lau.”
2 Emaka kutukur ikat pinggang e bagi si kataken Jahwe, jenari kupake bas awakku.
3 Nina Jahwe ka man bangku pedua kaliken,
4 “Laweslah kam ku Lau Eprat, bunikenlah bas celah tebing batu ikat pinggang si enggo tukurndu ras pakendu e.”
5 Emaka lawes aku janah kubuniken ikat pinggang e i deher Lau Eprat, pas bagi si kataken Jahwe.
6 Tapi kenca piga-piga waktu, nina Jahwe man bangku, “Laweslah kam ku Lau Eprat, buatlah ikat pinggang si sange Kusuruh bunikenndu i je.”
7 Emaka lawes aku ku Lau Eprat, kukurak ingan ikat pinggang si kubuniken sange. Kuidah ikat pinggang e enggo ceda, lanai lit gunana.
8 Kenca si e nina Jahwe man bangku,
9 “Bagenda nina Jahwe, ‘Bage pagi kesombongen Juda ras Jerusalem Kuhancurken.+
10 Bangsa si jahat enda la matuhi kataKu.+ Ikutken kalak e ukurna, keras kepala ia,+ ikutkenna dibata-dibata si deban, sujud ia nembah dibata-dibata e. Bali pagi kalak e bagi ikat pinggang si la erguna e.’
11 ‘Bagi ikat pinggang si teriket bas awak sekalak jelma, Kuban kerina keturunen Israel ras keturunen Juda teriket man bangKu, Kuban kalak e jadi umatKu,+ kemulianKu,+ kehamatenKu, bage pe jadi si mejile man bangKu. Tapi kalak e la patuh,’+ nina Jahwe.
12 “Peseh ka pesan enda man kalak e, ‘Bagenda nina Jahwe Dibata Israel, “Tiap ingan lau si galang arus iisi lau anggur.”’ Nina kalak e pagi ngaloi kam, ‘Enggo teh kami maka tiap ingan lau si galang arus iisi lau anggur.’
13 Kenca si e bagenda ningen man kalak e, ‘Bagenda nina Jahwe, “Kuisi pagi kerina penduduk negri enda+ alu anggur seh ngasa mabuk, eme raja-rajana si kundul i tahta Daud, imam-imam ras nabi-nabi, bage pe kerina penduduk Jerusalem.
14 Kenca si e Kuban pagi kalak e sientamen, la soal bapak ntah pe anak,” nina Jahwe.+ “Labo pagi ateKu mekuah ntah pe sedih Kuakap. Kukernepken pagi kalak e, labo lit si banci mpengadi Aku.”’+
15 Begikenlah janah perdiateken.
Ula kam sombong, sebap Jahwe si enggo ngerana.
16 Muliaken Jahwe, Dibata kena,Sope banNa kegelapen reh,Sope tertuktuk nahe kena i gunung sanga gelap wari.
Arapken kena pagi terang,Tapi berekenNa pagi kegelapen si seh kel gelapna.
UbahNa pagi terang jadi gelap si la teralang.+
17 Adi la kena nggit megikenca,Erbuni-buni pagi aku tangis perban kesombongen kena e.
Mbue pagi iluhku naktaken ras mamburen.+
Sebap biri-biri Jahwe+ enggo ibaba jadi tabanen.
18 Kataken man raja bage pe man mamak raja,+ ‘Kundullah bas ingan si meteruh,Sebap ndabuh pagi mahkota kena si mejile arah takal kena.’
19 Kota-kota i selatan enggo itutup,* la lit si mbukasa.
Kerina kalak Juda enggo ibaba jadi tabanen, kerinana enggo itaban.+
20 Tataplah janah nenlah kalak si reh arah utara nari.+
I ja asuh-asuhenndu ras biri-birindu si mejile sange?+
21 Uga nge nindu adi datndu penghukumenArah kalak si mbarenda nari ianggapndu temanndu?+
La kin mesui akapndu bagi diberu si sangana melahirken?+
22 Adi nindu bas pusuhndu, ‘Engkai maka enda terjadi man bangku?’+
Si e terjadi perban mbelin kel kesalahenndu, eme sebapna bajundu itangtangi,+Janah mesui tumitndu* iban kalak.
23 Banci kin ubah kalak Kus* warna kulitna? Banci kin ubah macan tutul rupana si erbintik?+
Adi banci, kena pe banci ngelakoken si mehuli,Amin pe kena enggo iajari ngelakoken si jahat.
24 Emaka Kumerapken pagi kalak e bagi nggala* si embus angin arah gurun pasir nari.+
25 Bage pagi si terjadi man bandu. E pagi si jadi baginndu,” nina Jahwe,“Sebap enggo lupakenndu Aku+ janah tek kam man bual.+
26 E me sebapna, Kuangkat pagi ujung jubahndu seh ku ayondu,Idah kalak pagi kam tilanjang,+
27 Erlua-lua kam,+ galang napsundu,Jadi pelacur kam, la tehndu mela.
I bukit-bukit ras i juma,Enggo Kuidah perbahanenndu si erban ciga ate e.+
Cilaka pagi kam, o Jerusalem!
Asa kai nari dekahna lalap kam najis?”+
