Jeremia 16:1-21
16 Bagenda ka nina Jahwe man bangku,
2 “Ula kam erjabu, ula lit anakndu dilaki ras diberu bas ingan enda.
3 Sebap bagenda nina Jahwe kerna anak dilaki ras anak diberu si lahir i jenda, bage pe kerna bapak kalak e ras mamak kalak e:
4 ‘Mate pagi kalak e perban penakit si mekelek,+ tapi la pagi lit si erceda ate ras si nguburken kalak e. Kalak e bali pagi bagi pupuk i taneh.+ Mate pagi kalak e perban pedang ras kelihen,+ mayat kalak e jadi pangan perik-perik i langit ras binatang-binatang liar i doni.’
5 Sebap bagenda nina Jahwe,‘Ula kam masuk ku rumah kalak si rate ceda,Ula kam lawes guna nderkuh ntah pe ikut rate ceda.’+
‘Sebap lanai pagi Kubereken kedamen,Bage pe kekelengen si setia ras perkuah ate man bangsa enda,’+ nina Jahwe.
6 ‘Mate pagi kerina kalak penting ntah pe kalak mesera bas negri enda.
La pagi kalak e ikuburken,La lit si rate ceda,La lit si sayatina bana ntah pe cukurna bukna seh asa botak guna kalak e.*
7 La pagi lit si nikapken pangan man kalak si rate cedaGuna ngapuli kalak e perban mate kalak si kelengina.
La pagi lit si mereken segelas anggurGuna ngapuli kalak e perban mate bapakna ntah pe mamakna.
8 Ula masuk ku rumah kalak si erpestaGuna kundul ras kalak e, man bage pe minem.’
9 “Sebap bagenda nina Jahwe penguasa malekat, Dibata Israel, ‘Bas ingan enda, bas jaman kena, i lebe-lebe kena, Kupengadi pagi sora ermeriah ukur ras sora ersenang-senang, bage pe sora penganten si dilaki ras penganten si diberu.’+
10 “Sanga pesehndu kerina enda man bangsa enda, sungkun kalak e pagi kam, ‘Engkai maka kataken Jahwe kerina bencana si mbelin enda man kami? Kai kin salah ras dosa kami man Jahwe Dibata kami?’+
11 Bagendalah nindu ngaloi kalak e, ‘“Sebap tadingken nini bulang kena Aku,”+ nina Jahwe. “Lalap ikutken kalak e dibata-dibata si deban, layanina dibata-dibata e janah sembahna.+ Tapi tadingken kalak e Aku, la dalankenna undang-undangKu.+
12 Perbahanen kena ndauh keleken asangken nini bulang kena.+ Masing-masing kena ngikutken pusuh kena si jahat, la kena patuh man bangKu.+
13 Emaka Kubenterken pagi kena ndarat arah negri enda ku negri si la tandai kena ras la tandai nini bulang kena.+ I je pagi, arus layani kena dibata-dibata si deban suari ras berngi,+ sebap lanai pagi mekuah ateKu kena.”’
14 “Tapi nina Jahwe, ‘Bas masana pagi, lanai kataken kalak e, “Ersumpah kami i lebe-lebe Jahwe si nggeluh, si maba kalak Israel ndarat arah Mesir!”+
15 tapi ning kalak e pagi, “Ersumpah kami i lebe-lebe Jahwe si nggeluh, si maba kalak Israel ndarat arah negri i utara bage pe arah negri ingan kalak e tading kenca imerapkenNa!” Kubaba pagi kalak e mulih ku negrina eme negri si enggo Kubereken man nini bulangna.’+
16 Nina Jahwe, ‘Kukirim pagi melala nelayan,Tangkap nelayan-nelayan e pagi kalak e.
Kenca si e, Kukirim pagi melala perburu,Iburu perburu e pagi kalak e bas tiap gunung ras bukit,Bage pe bas celah tebing batu.
17 Sebap Kuidah kerina perbahanen kalak e.
La kalak e banci cebuni arah Aku nari,Kesalahen kalak e pe la terbuni arah Aku nari.
18 Sope Kubaba kalak e mulih, Kubalas pagi kerina kesalahen ras dosa kalak e,+Sebap enggo najis ban kalak e negriKu alu berhala-berhala kalak e si la erkesah ras* si erban ciga ate.
Enggo dem ban kalak e tanehKu alu kai si erban ciga ate.’”+
19 O Jahwe, gegehku ras bentengku,Inganku erlindung paksa susah,+Reh pagi bangsa-bangsa arah ujung-ujung doni nari man baNdu,Ning kalak e man baNdu, “Warisen nini bulang kami eme berhala-berhalaSi la erguna, si sia-sia, ras la lit ertina.”+
20 Banci kin manusia erban dibata-dibata?
Kerina si iban kalak e labo tuhu-tuhu dibata.+
21 “Emaka Kuban pagi teh kalak e,Sekalenda Kuban pagi teh kalak e kuasaKu ras gegehKu,Teh kalak e pagi maka gelarKu eme kap Jahwe.”
Cataten i teruh
^ Kebiasan kalak kafir si erceda ate si biasana ilakoken kalak Israel si murtad.
^ As. “alu mayat-mayat berhala.”
