Jeremia 18:1-23
18 Bagenda nina Jahwe man Jeremia,
2 “Laweslah kam ku rumah tukang kudin taneh.+ I je kari ngerana Aku man bandu.”
3 Emaka lawes aku ku rumah tukang kudin taneh, janah sangana ia erdahin make alatna.
4 Tapi kudin taneh si sangana bentukna e kepeken la bagi sura-surana. Emaka bentukna mulihi taneh liat e jadi kudin si deban, bagi sura-surana.
5 Kenca si e nina Jahwe man bangku,
6 “‘O kalak Israel, akapndu kin Aku la ngasup ertindak bagi tukang kudin taneh e?’ nina Jahwe. ‘Bas tanKu, kena bagi taneh liat bas tan tukang kudin taneh.+
7 Tiap Kukataken Kucabut, Kuruntuhken, ras Kukernepken ateKu sada bangsa ntah pe kerajan,+
8 janah lanai lakoken kalak e kai si jahat si enggo Kukataken, berubah pikiren* pagi Aku kerna bencana si Kurencanaken man kalak e.+
9 Tapi tiap Kukataken Kubangun ateKu janah Kusuan ateKu sada bangsa ntah pe kerajan,
10 jenari lakoken bangsa e kai si jahat Kuakap ras la patuhina kata-kataKu, berubah pikiren* pagi Aku kerna kai si mehuli si Kurencanaken man kalak e.’
11 “Gundari kataken dage man dilaki-dilaki kalak Juda ras penduduk Jerusalem, ‘Bagenda nina Jahwe, “Enggo Kusikapken bencana ras Kurencanaken kai si la mehuli man kena. Robahlah kena arah dalan geluh kena si la mehuli e. Ubahlah dalan geluh kena ras perbahanen kena.”’”+
12 Tapi nina kalak e, “La kami nggit!+ Ikutken kami ate kami perukuren kami, ertindak ate kami ngikutken pusuh kami si la nggit patuh ras jahat enda.”+
13 Emaka nina Jahwe,
“Cuba sungkun bangsa-bangsa si deban.
Lit nge si pernah megi si bage?
Parah kel si lakoken anak Israel si diberu.+
14 Banci kin bene salju Libanon arah lerengna si erbatu-batu?
Banci kin kerah lau mbergeh si maler arah ingan si ndauh?
15 Tapi enggo tadingken umatKu Aku,+Berena korban* man kai si la erguna,+Banna kalak tertuktuk bas dalan si mbarenda,+Kenca si e nilah kalak e ku dalan-dalan si kitik, si la mejile ras la rata.
16 Perban si e, ingan kalak e jadi ingan si ngeri pagi,+Ingan si ihina kalak rasa lalap.+
Kerina kalak si lewat arah je, ngeri pagi kapna ngidahsa, gelengkenna pagi takalna.+
17 Kuban pagi kalak e merap i lebe-lebe musuhna, bagi angin timur.
Sanga kalak e kena bencana, buang muka pagi Aku arah kalak e.”+
18 Jenari nina kalak e, “Ota siban rencana ngelawan Jeremia,+ sebap imam-imam nge si arusna ngajari kita kerna undang-undang,* kalak si pentar pagi si lalap mereken nasehat man banta, janah nabi-nabi pagi si lalap mpeseh kata Dibata. Ota situduh ia, ula sibegiken kai nina.”
19 O Jahwe, perdiateken min aku.
Begiken min kai si kataken musuh-musuhku.
20 Cocok kin adi kiniulin ibalas alu kejahaten?
Gali kalak e lubang guna munuh aku.+
Inget min uga aku tedis i lebe-lebeNdu guna ngataken kai si mehuli kerna kalak e,Gelah lanai Kam merawa man kalak e.
21 Pediatlah anak-anak kalak e mate perban kelihen,Pediatlah kalak e mate ibunuh pedang.+
Pediatlah diberu kalak e jadi janda janah kebenen anak-anakna.+
Pediatlah dilaki-dilaki mate kena penakit si mekelek,Janah anak perana ibunuh alu pedang bas perang.+
22 Pediatlah sora kalak e serko terbegi arah rumah kalak e,Sanga rempet banNdu reh gerombolen perampok.
Sebap gali kalak e lubang guna nangkap aku,Pasang kalak e perangkap guna njerat naheku.+
23 Tapi Kam, o Jahwe,TehNdu kel rencana kalak e guna munuh aku.+
Ula ampuni salah kalak e,Ula hapus dosa kalak e arah lebe-lebeNdu nari.
Pediatlah kalak e tertuktuk i lebe-lebeNdu,+Sanga hukumNdu kalak e perban rawaNdu.+
