Jeremia 2:1-37
2 Nina Jahwe man bangku,
2 “Laweslah, umumken man Jerusalem, ‘Bagenda nina Jahwe,
“Kuinget kel kesetianndu sanga kam nguda denga,+Kekelengenndu si setia sanga kam tunangen ras Aku,+Ikutkenndu Aku ku taneh mesawang,*Ku taneh si la lit isuan benih i je.+
3 Bas Jahwe, Israel e badia,+ eme hasil peraninNa si pertama.”’
‘Ise pe si ncilakai ia, ianggap pagi ersalah.
Reh pagi bencana man bana,’ nina Jahwe.”+
4 Begikenlah kai nina Jahwe, o keturunen Jakup,Bage pe kerina keluarga keturunen Israel.
5 Bagenda nina Jahwe,
“Kai kin salahKu man nini bulang kena,+Maka reh dauhna kalak e arah Aku nari,Janah ikutken kalak e berhala si la erguna,+ si erban kalak e pe jadi la erguna?+
6 Labo kataken kalak e, ‘Ota sidarami Jahwe,Si maba kita ndarat arah taneh Mesir nari,+Si maba kita ngelewati taneh mesawang,*Ngelewati gurun pasir+ ras lubang-lubang,Ngelewati taneh si kerah+ ras bayangen si gelap,Ngelewati taneh si la ilewati jelmaRas la lit si ngianisa.’
7 Kubaba kena ku negri si subur,Gelah pan kena buahna ras hasilna si mehuli.+
Tapi kenca reh kena, ban kena tanehKu jadi najis.
Ban kena ertaKu jadi kai si erban ciga ate.+
8 Imam-imam pe la nungkun, ‘I ja Jahwe?’+
Kalak si arusna ngajarken Undang-Undang la nandai Aku,Permakan-permakan mberontak ngelawan Aku,+Nabi-nabi pe ernubuat alu gelar Baal,+Ikutken kalak e dibata-dibata si la ngasup mereken kai pe.
9 Nina Jahwe, ‘Lalap pagi Kutuntut kena+Bage pe keturunen kena.’
10 ‘Tapi nyebranglah ku pulau-pulau Kitim+ janah nenlah.
Utuslah kalak ku Kedar+ janah ukurilah alu mehuli.
Nenlah, pernah ntah lang si enda terjadi.
11 Lit kin bangsa si nukarken dibatana alu kai si labo dibata?
Tapi enggo tukarken umatKu kemulianKu alu kai si la erguna.’+
12 Nina Jahwe, ‘O langit, nenlah si e, mamanglah atendu,Nggirgirlah perban biarna.
13 Enggo lakoken umatKu dua kejahaten enda:
Tadingkenna Aku, sumber lau kegeluhen,+Janah kurakna* sumurna,*Sumur si retak si la banci nampung lau.’
14 ‘Kalak Israel labo budak ntah pe pelayan si lahir bas rumah tuanna.
Adi bage engkai maka kalak e jadi jarahen?
15 Singa-singa nguda erngaung man kalak e,+Megang sorana.
Banna negri e jadi ingan si erban mbiar.
Kota-kotana itutung, emaka lanai lit si ngianisa.
16 Ijarah kalak Nop*+ ras Tahpanhes+ negri kena.
17 La kin kam nge si erban enda terjadi?
Sebap tadingkenndu Jahwe Dibatandu,+Sanga babaiNa kam bas perdalanen.
18 Engkai maka nggit kam erdalan ku Mesir+Guna minem lau arah Sihor?*
Engkai maka nggit kam erdalan ku Assur+Guna minem arah Lau Eprat?
19 Arus kam erlajar arah kejahatenndu.
Arus kam ipersingeti perban la kam setia.
Sadarlah kam janah gejapkenlah uga suina+Adi tadingkenndu Jahwe Dibatandu.
Sitik pe la kam mbiar man bangKu,’+ nina Tuhan Si Meganjangna, Jahwe penguasa malekat.
20 ‘Sebap mbarenda Kuhancurken pasangenndu,*+Kulepasken rantendu.
Tapi nindu, “La aku nggit ngelayani Kam.”
I datas tiap bukit si meganjang, i teruh tiap batang kayu si melala bulungna,+Tayang kam guna erlua-lua.+
21 Kusuan kam bagi batang anggur megara si mejilena,+ kerinana bibit unggul.
Tapi engkai maka kam jadi batang anggur si la mejile si ngasilken tunas si la mejile?’+
22 Nina Jahwe Tuhan Si Meganjangna, ‘Kesalahenndu bagi noda si la banci bene,+Amin pe e ibersihken alu soda ras mbue sabun, tapi tetap pagi Kuidah.’
23 Uga maka nindu, ‘Labo kuban najis bangku.
Labo kuikutken Baal’?
Nenlah dalanndu bas lembah.
Ukurilah kai si enggo lakokenndu.
Kam bagi unta beruna si nguda denga si meter kiam,Si kiam ku jah ku je, la lit tujunna.
24 Bali bagi kelede liar si nggeluh bas taneh mesawang,*Si galang kesahna perban napsuna.
Ise si ngasup njagai ia sanga galang napsuna?
Labo mesera ndarami ia.
Sebap pasti pagi dat sanga musim kawin.
25 Ula banndu latih nahendu,Ula banndu kerah kalah-kalahndu.
Tapi nindu, ‘Aku lang!+
La aku nggit mulihken! Ngena ateku dibata-dibata si deban,*+Kuikutken ateku kalak e.’+
26 Bagi pinangko si mela kapna perban terdat,Bage me kalak Israel ipermelaken,Bage pe raja-rajana, peminpin-peminpinna,Imam-imamna, ras nabi-nabina.+
27 Nina kalak e man batang kayu, ‘Kam bapakku,’+
Nina man batu, ‘Kam mamakku.’
Tapi man bangKu, buang muka kalak e.+
Sanga ngenanami kesusahen ning kalak e pagi,‘Ertindaklah, selamatken kami!’+
28 O Juda, gundari i ja dage dibata-dibata si banndu?+
Adi ngasup kin ia, suruhlah selamatkenna kam arah kesusahen nari,Sebap dibata-dibatandu enggo seri buena ras kota-kotandu.+
29 Nina Jahwe, ‘Engkai maka lalap lawan kena Aku?
Engkai maka mberontak kena kerina man bangKu?’+
30 Labo lit gunana Kupekpeki anak-anakndu.+
Kalak e labo nggit ngaloken persinget.+
Pedangndu kap si munuh nabi-nabindu,+Bagi singa si ndarami mangsa.
31 O umatKu, ukurkenlah si kataken Jahwe.
Payo kin Aku bagi taneh mesawang,*Ntah bagi ingan si seh gelapna man kalak Israel?
Engkai maka nina umatKu bebas ia ku jah ku je
Janah lanai pagi ia mulihken man bangKu?+
32 Banci kin sekalak singuda-nguda lupa man perhiasenna?
Banci kin penganten si diberu lupa man ikat pinggangna?
Tapi umatKu enggo ndekah ngelupaken Aku.+
33 Beluh kel kam ndarami dalan ndatken atendu ngena!
Beluh kel kam ngelakoken kejahaten.+
34 Bas pakenndu pe lit dareh kalak si mesera ras si la ersalah,+Amin pe kalak e la masuk ku rumahndu,Dareh kalak e lit bas kerina pakenndu.+
35 Tapi nindu, ‘Aku la ersalah.
Pasti lanai Ia merawa man bangku.’
Gundari, Kuhukum kamSebap katakenndu kam la ersalah.
36 Engkai maka sepele kam nandangi perukurenndu si berubah-ubah?
Kam pe mela pagi akapndu perban Mesir,+Bagi sanga mela akapndu perban Assur.+
37 Perban si e lawes pagi kam, mela pagi kapndu,*+Sebap enggo tulak Jahwe kerina si andalkenndu e.
Labo banci ban kalak e kam berhasil.”
Cataten i teruh
^ Taneh si mbelang si jarang iingani.
^ Taneh si mbelang si jarang iingani.
^ Ntah “potongna guna erban.” Mungkin motong batu.
^ Maksudna, lubang guna nimpan lau.
^ Ntah “Mempis.”
^ Maksudna, salah sada cabang Lau Nil.
^ Pasangen eme alat si biasa itama ku kuduk manusia ntah pe binatang guna maba baban.
^ Taneh si mbelang si jarang iingani.
^ Ntah “ateku kalak asing.”
^ Taneh si mbelang si jarang iingani.
^ As. “janah tamandu tanndu i takalndu.”
