Jeremia 24:1-10
-
Buah ara si mejile ras si mejin (1-10)
24 Cidahken Jahwe man bangku dua keranjang buah ara si itamaken i lebe-lebe rumah pertoton Jahwe. CidahkenNa e kenca Jekonia*+ anak Joyakim+ raja Juda, bage pe pejabat-pejabat Juda, tukang-tukang besi,* ras tukang si beluh si debanna itaban arah Jerusalem nari ku Babilon.+ Si nabanca eme Nebukadnesar* raja Babilon.
2 Sada keranjang e isina buah ara si mejile kel, bagi buah si pertama tasak. Keranjang si peduaken isina buah ara si mejin, ban mejinna lanai terpan.
3 Kenca si e nungkun Jahwe man bangku, “Kai si idahndu, Jeremia?” Ngaloi aku, “Buah ara. Buah ara si mejile kel. Tapi si sada nari lanai terpan perban mejinna.”+
4 Nina Jahwe ka man bangku,
5 “Bagenda nina Jahwe Dibata Israel, ‘Bagi buah ara si mejile e, mehuli pagi Kuanggap tabanen arah Juda si Kupelawes arah ingan enda nari ku taneh kalak Kaldea.
6 Kuperdiateken pagi kalak e, Kuulihken pagi kalak e ku negri enda.+ Kubangun pagi kalak e, labo Kuruntuhken. Kusuan pagi kalak e, labo Kucabut.+
7 Kubereken pagi man kalak e pusuh si nggit nandai Aku, maka Aku kap Jahwe.+ Kalak e pagi jadi umatKu, Aku jadi Dibatana,+ sebap mulihken pagi kalak e man bangKu alu bulat ukur.+
8 “‘Tapi kerna buah ara si mejin e, si lanai terpan perban mejinna,+ bagenda nina Jahwe, “Bage me Kuanggap Sedekia raja Juda,+ pejabat-pejabatna, penduduk Jerusalem si tading denga i negri enda, bage pe kalak si tading i Mesir.+
9 Mbiar pagi Kuban kerina kerajan i doni ngidah bencana si terjadi man kalak e.+ Ku ja pe kalak e Kumerapken, ihina pagi kalak e,+ jadi kuan-kuanen kalak, itokohi, ras isumpahi.+
10 Kuhukum pagi kalak e alu pedang,+ kelihen, ras wabah penakit,+ seh ngasa kernep kalak e bas negri si Kubereken man bana ras nini bulangna.”’”
Cataten i teruh
^ Igelari ka ia Joyakin ras Konia.
^ Ntah banci saja “si mbangun tembok pertahanen.”
^ As. “Nebukadresar,” penggelaren si deban.
