Jeremia 25:1-38
25 Bas tahun si peempatken pemerentahen Joyakim+ anak Josia raja Juda, eme tahun si pertama pemerentahen Nebukadnesar* raja Babilon, dat Jeremia berita kerna kerina kalak Juda.
2 Bagenda nina Nabi Jeremia kerna* kerina kalak Juda ras kerina penduduk Jerusalem,
3 “Sedekah 23 tahun enda, ikirim Jahwe kata-kataNa man bangku, mulai tahun si pe-13-ken pemerentahen Josia+ anak Amon raja Juda, seh wari enda. Lalap aku ngerana man kena tapi la kena nggit megikenca.+
4 Utus Jahwe nabi-nabiNa man kena, lalap utusNa kalak e. Tapi la kena nggit megikenca, la perdiateken kena.+
5 Nina nabi-nabi e, ‘Robahlah kena arah dalan geluh kena ras perbahanen kena si jahat,+ gelah banci kena ndekah tading bas negri si mbarenda ibereken Jahwe man kena ras man nini bulang kena.
6 Ula ikutken dibata-dibata si deban, ula layani dibata-dibata e ntah pe sujud man bana. Ula ban kena Aku sakit hati alu erban berhala. Adi ban kena bage, Kuban pagi reh bencana man kena.’
7 “‘Tapi la begiken kena Aku,’ nina Jahwe. ‘Ban kena berhala si erban Aku sakit hati, si erban reh bencana man kena.’+
8 “Emaka bagenda nina Jahwe penguasa malekat, ‘“Perban la kena nggit matuhi kata-kataKu,
9 Kulebuh pagi kerina bangsa arah utara nari,+ Kulebuh Nebukadnesar* raja Babilon pelayanKu,”+ nina Jahwe. “Kusuruh kalak e reh guna nyerang negri enda,+ bage pe pendudukna ras kerina bangsa i sekelilingna.+ Kukernepken pagi kalak e, ngeri pagi keadan kalak e, ihina pagi kalak e, janah hancur seh rasa lalap.
10 Kupengadi pagi sora ermeriah ukur kalak e ras surak ermeriah ukurna,+ bage pe sora penganten si dilaki ras penganten si diberu,+ ras sora gilingen tan janah Kumateken sinar lampu.
11 Kerina negri e jadi reruntuhen pagi ras erban ngeri. Bangsa-bangsa enda arus pagi ngelayani raja Babilon 70 tahun dekahna.”’+
12 “‘Tapi kenca 70 tahun,+ Kuhukum pagi raja Babilon ras bangsa e perban kesalahen kalak e,’+ nina Jahwe, ‘Kuban pagi negri kalak Kaldea jadi ingan si gersang ras la lit si ngianisa seh rasa lalap.+
13 Kulakoken pagi kerina si enggo Kukataken kerna negri enda, eme kerina si itulis bas buku enda si inubuatken Jeremia kerna kerina bangsa e.
14 Iban melala bangsa ras raja-raja si hebat+ pagi kalak e jadi budak.+ Kubalas pagi kalak e menurut lagu langkah ras perbahanenna.’”+
15 Bagenda nina Jahwe Dibata Israel man bangku, “Buatlah calung* arah tanKu nari si isina anggur rawaKu. Ku bangsa si apai pe kam Kuutus, arus suruhndu gelah inem kalak e anggur e.
16 Inem kalak e pagi anggur e seh mbewat-mbewat. Bagi kalak adon pagi kalak e sanga Kuban musuh nyerang kalak e alu pedang.”+
17 Emaka kubuat calung* e arah tan Jahwe. Ku bangsa si apai pe aku isuruh Jahwe, kusuruh kalak e nginemsa:+
18 mulai Jerusalem nari seh ku kota-kota Juda,+ raja-rajana, ras pejabat-pejabatna. Kena sumpah pagi kalak e janah hancur. Kalak e jadi kai si erban mela, ras jadi kuan-kuanen,+ bagi si nandangi terjadi bas wari enda.
19 Kenca si e raja Mesir,* pelayan-pelayanna, pejabat-pejabatna, kerina rakyatna,+
20 ras kerina si tading bas negri e, kerina raja i Us, kerina raja i negri kalak Pilisti,+ Askelon,+ Gasa, Ekron, ras kalak si tading i Asdot,
21 Edom,+ Moap,+ ras kalak Ammon,+
22 kerina raja Tirus, kerina raja Sidon,+ ras raja-raja bas pulau-pulau i laut,
23 Dedan,+ Tema, Bus, ras kerina kalak si cukurna buk perdempakenna,+
24 kerina raja kalak Arab,+ janah kerina raja-raja arah erbage bangsa si tading i taneh mesawang,*
25 kerina raja Simri, kerina raja Elam,+ kerina raja Media,+
26 kerina raja arah utara si ndeher ras si ndauh pe nginemsa. Kudahi kalak e sada per sada, kudahi kerina kerajan si deban i doni, bage pe raja Seshak*+ ikut pagi nginemsa.
27 “Kataken bagenda man kalak e, ‘Bagenda nina Jahwe penguasa malekat, Dibata Israel, “Inemlah seh ngasa mabuk, mutahlah. Ndabuhlah janah ula nai tedis.+ Sebap Kusuruh musuh-musuh kena nyerang kena alu pedang.”’
28 Adi la kalak e nggit nginem lau tare calung* arah tanndu e, kataken man kalak e, ‘Bagenda nina Jahwe penguasa malekat, “Arus inem kena!
29 Nenlah! Kota si maba gelarKu saja pe enggo Kuban kena bencana,+ me la mungkin kena la ihukum?”’+
“‘Pasti pagi kena ihukum, Kuban pagi terjadi perang i tengah-tengah kerina penduduk doni,’ nina Jahwe penguasa malekat.
30 “Peseh kata-kata nubuat enda man kalak e, kataken bagenda,‘Erngaung pagi Jahwe arah ingan si meganjang,Terbegi pagi soraNa arah inganNa si badia.
Megang pagi soraNa erngaung man inganNa tading i doni,Erlebuh pagi Ia bagi kalak si merjaki anggur bas ingan meras anggur,EndekenNa lagu kemenangen man kerina penduduk doni.’
31 ‘Terbegi sora gerupuh ku ujung-ujung doni,Sebap lit perubaten Jahwe ras bangsa-bangsa.
Ia pagi si erban hukumen man kerina manusia.+
Kalak jahat ibunuh pagi alu pedang,’ nina Jahwe.
32 Bagenda nina Jahwe penguasa malekat,
‘Terjadi pagi bencana arah bangsa ku bangsa,+Terjadi pagi badai si megegeh arah ingan-ingan si ndauhna i doni.+
33 “‘Bas wari e, amparen pagi kalak si ibunuh Jahwe i belang-belang doni, arah ujung ku ujung. La pagi lit si rate ceda perban kalak e, labo pagi lit si mpepulungsa ras nguburkenca. Bali pagi kalak e bagi pupuk i taneh.’
34 O permakan-permakan, megang ban sora kena nderkuh, serkolah!
O peminpin asuh-asuhen, guling-gulinglah,Sebap enggo seh waktuna kena igeleh ras imerapken,Ndabuh pagi kena, pecah bagi kudin taneh si merga!
35 Permakan-permakan la banci kiam ku japa pe,Peminpin asuh-asuhen la banci pulah.
36 Begikenlah! Permakan-permakan nderkuh,Peminpin asuh-asuhen megang sorana tangis,Sebap hancurken Jahwe mbalmbalna.
37 La lit kegeluhen bas ingan-ingan tading si dem kedamen,Perban rawa Jahwe si gara.
38 Ia bagi singa si nguda denga si ndarat arah asarna,+Negri kalak e jadi ingan si erban ngeri.
Kerina e perban pedang si kejamRas rawaNa si gara.”
Cataten i teruh
^ As. “Nebukadresar,” penggelaren si deban.
^ Ntah “man.”
^ As. “Nebukadresar,” penggelaren si deban.
^ Ntah “cangkir.”
^ Ntah “cangkir.”
^ As. “Paro; Firaun.” Penggelaren man raja Mesir.
^ Taneh si mbelang si jarang iingani.
^ Banci saja enda gelar rahasia man Babilon.
^ Ntah “cangkir.”
