Jeremia 3:1-25
3 Nina kalak, “Adi lit dilaki si mpelawes diberuna jenari lawes diberuna e, erjabu ia ras dilaki si deban, cocok denga kin buat dilakina ndai ia?”
La kin enggo najis kel negri enda?+
“Kam enggo erlua-lua ras enterem dilaki,+Cocok denga kin gundari kam mulihken man bangKu?” nina Jahwe.
2 “Nenlah ku bukit-bukit.
Bas ingan si apai nari kin kam lenga pernah erlua-lua?
Kundul kam nimai kalak e i pinggir dalan,Bagi kalak Arab i taneh mesawang.*
Lalap banndu najis negri endaAlu kejahatenndu ras pelacurenndu.+
3 E me sebapna udan la nusur-nusur,+La lit udan bas musim semi.*
Perbahanenndu la meteh mela, bagi ndehara si erlua-lua.
La tehndu mela.+
4 Tapi gundari erlebuh kam man bangKu, nindu,‘Bapakku, Kam kap temanku sanga aku nguda!+
5 Lalap nge Kam rate segat?
Lalap nge nembeh ateNdu?’
Bage nindu,Tapi lalap lakokenndu kerina kejahaten si banci lakokenndu.”+
6 Bas jaman Raja Josia+ nina Jahwe man bangku, “‘Idahndu nge kai si lakoken Israel si la setia e? Lawes ia ku tiap gunung si meganjang, lawes ia ku teruh batang kayu si melala bulungna guna erlua-lua.+
7 Amin pe lakokenna kerina e, Kusuruh ia mulih man bangKu.+ Tapi la ia mulihken, lalap perdiateken Juda seninana si la setia e.+
8 Sanga Kuidah si e, Kupelawes kalak Israel si la setia. Kubereken surat cerai+ man bana perban erlua-lua ia.+ Tapi si e la erban Juda seninana si la setia e mbiar. Juda pe mulai ka lawes erlua-lua.+
9 Sepele akapna pelacurenna. Lalap banna najis negri e. Erlua-lua ia ras batu bage pe batang kayu.+
10 Amin gia bage, Juda seninana si la setia e, la mulihken man bangKu alu bulat ukur. Pura-pura ngenca ia,’ nina Jahwe.”
11 Kenca si e nina Jahwe man bangku, “Kepeken Israel si la setia e, ulin denga asangken Juda si erhianat.+
12 Laweslah, umumken enda ku utara,+
“‘“O Israel si mberontak, mulihlah,” nina Jahwe.’+ ‘“Labo pagi Aku merawa man bandu sanga Kunen ku teruh,+ sebap Aku setia,” nina Jahwe.’ ‘“Labo pagi lalap Aku nembeh man bandu.
13 Tapi akuilah salahndu, sebap enggo mberontak kam man Jahwe Dibatandu. Lalap bagi-bagikenndu atendu ngena man dibata-dibata si deban* i teruh batang-batang kayu si mbue bulungna, tapi kata-kataKu la patuhindu,” nina Jahwe.’”
14 Nina Jahwe, “Mulihlah kena, o anak-anak si mberontak. Sebap Aku enggo jadi tuan kena si sah.* Kubuat pagi kena mulihi, sekalak arah tiap kota, dua kalak arah tiap keluarga. Jenari Kubaba pagi kena ku Sion.+
15 Kubere pagi man kena permakan-permakan si ngelakoken peratenKu.+ Berekenna pagi man kena pemeteh ras pengangkan.
16 Paksa si e, reh teremna pagi kena bas negri e janah reh buena.” Nina Jahwe,+ “Lanai pagi cakapken kena kerna Peti Perjanjin* Jahwe. Lanai pagi ukuri kena Peti e, inget kena pe lang, lanai ate kena tedeh. Peti Perjanjin e lanai pagi iban mulihi.
17 Paksa si e pagi, gelari kena Jerusalem tahta Jahwe.+ Ipepulung pagi kerina bangsa guna ngergai gelar Jahwe i Jerusalem.+ Lanai pagi kena mekeng ngikutken pusuh kena si jahat.”
18 “Paksa si e ras-ras pagi kena erdalan, kalak Juda ras kalak Israel.+ Ras-ras pagi kena ndarat arah negri utara nari ku negri si Kubereken man nini bulang kena jadi warisen.+
19 Mbarenda ningKu, ‘Meriah kel Kuakap erban kena i tengah anak-anakKu janah mereken negri si mejilena jadi warisen kena i tengah bangsa-bangsa!’+ Kuakap lebuh kena Aku Bapak janah terus ikutken kena Aku.
20 ‘Tapi hianati kena Aku o Israel, bagi diberu si erhianat si nadingken dilakina,’+ nina Jahwe.”
21 Terbegi sora bas bukit-bukit,Sora tangis ras pemindon kalak Israel,Sebap enggo nilah kalak e arah dalanna.
Enggo lupaken kalak e Jahwe Dibatana.+
22 “Mulihlah kena, o anak-anak si mberontak.
Kupepalem pagi pusuh kena si mberontak.”+
“O Jahwe, enda kami!
Enggo reh kami man baNdu, sebap Kam kap Dibata kami.+
23 Sia-sia kap kami gejek bas bukit-bukit ras gunung-gunung e.+
Situhuna, Jahwe Dibata kami ngenca si banci nelamatken Israel.+
24 Mulai kami kitik denga, dibata si erban mela e enggo mangani hasil kerja keras nini bulang kami seh ngasa keri,+ eme,Kambing, biri-biri, ras lembu kalak e,Bage pe anak kalak e si dilaki ras si diberu.
25 Emaka arusna mela akap kami,Terhina akap kami,Sebap mulai kin kami kitik denga seh ngasa gundari,+Kami ras nini bulang kami enggo erdosa man Jahwe Dibata kami,+La patuhi kami kata-kata Jahwe Dibata kami.”
Cataten i teruh
^ Taneh si mbelang si jarang iingani.
^ Ntah “dibata-dibata asing.”
^ Ntah banci saja “jadi dilaki kena.”
^ Ntah “Peti Perpadanen.”
