Jeremia 31:1-40
31 Nina Jahwe, “Bas paksa si e, Aku pagi jadi Dibata kerina keluarga Israel, jadi umatKu pagi kalak e.”+
2 Bagenda nina Jahwe,
“Kalak Israel si selamat arah pedang, ndatken perkuah ate pagi i taneh mesawang.*
Erdalan pagi Israel ku inganna istrahat.”
3 Dahi Jahwe aku arah ndauh nari, nina,
“KekelengenKu man bandu eme kekelengen si tahan rasa lalap.
E me sebapna lalap Kucidahken kekelengenKu si setia man bandu.+
4 Kubangun pagi kam mulihi janah ibangun pagi kam mulihi.+
O anak Israel si diberu, buatndu pagi rebanandu mulihi,Landek pagi kam alu ermeriah ukur.+
5 Suanindu ka pagi mulihi kebun anggurndu i pegunungen Samaria.+
Pan kalak si nuanca pagi buahna.+
6 Seh pagi waktuna, ersurak penjaga-penjaga i pegunungen Eperaim, nina,
‘Ersikaplah, ota kita nangkih ku Sion, sidahi Jahwe Dibatata.’”+
7 Sebap bagenda nina Jahwe,
“Ersuraklah alu meriah ukur man Jakup.
Ersuraklah alu meriah ukur sebap kam si minpin bangsa-bangsa.+
Beritakenlah, pujilah Dibata, katakenlah,‘O Jahwe, selamatkenlah umatNdu Israel si nggeluh denga.’+
8 Kubaba kalak e mulih arah negri utara nari.+
Kupepulung pagi kalak e arah ingan si ndauhna bas doni.+
I tengah-tengah kalak e, lit kalak si pentang, kalak si lumpuh,+Diberu si hamil ras diberu si melahirken, kerina kalak e ras-ras.
Mulih pagi kalak e ku jenda selaku umat si mbelin.+
9 Reh pagi kalak e janahna ngandung.+
Kubabai pagi kalak e sanga pindona perkuah ate.
Kubabai pagi kalak e ku lau si maler,*+Ku dalan si rata gelah la kalak e tertutuk.
Perban Aku kap Bapak man Israel, Eperaim kap anakKu sintua.”+
10 O bangsa-bangsa, begikenlah kata-kata Jahwe,Katakenlah man pulau-pulau si ndauh,+
“Ia si enggo erban Israel merap, Ia ka pagi si mpepulungsa mulihi.
JagaNa pagi kalak e bagi permakan njagai rarasenna.+
11 Sebap tebus Jahwe pagi Jakup+Janah bebaskenNa ia arah tan si gegehen asangken ia.+
12 Reh pagi kalak e janah ersurak alu meriah ukur i Sion si meganjang,+Teridah bas ayo kalak e meriah ukurna perban kiniulin Jahwe,Perban biji-bijin,* anggur si mbaru,+ minak saitun,Bage pe perban anak kambing, biri-biri, ras lembu.+
Bali pagi kalak e bagi kebun si la kurang lau,+Lanai pagi kalak e lemah.”+
13 “Sanga si e landek pagi singuda-nguda alu ermeriah ukur,Anak perana ras si enggo metua pe ikut ermeriah ukur.+
Kuubah pagi ceda ate kalak e jadi keriahen ukur.+
Kuapuli pagi kalak e janah Kubereken keriahen ukur ganti ceda ate kalak e.+
14 Kuban pagi besur imam-imam alu mbue pangan,Puas pagi umatKu alu kiniulinKu,”+ nina Jahwe.
15 “Bagenda nina Jahwe,
‘Lit terbegi sora nderkuh ras tangis i Rama.+
Tangisi Rahel anak-anakna.+
La ia nggit iapuli,Sebap anak-anakna enggo lanai lit.’”+
16 Bagenda nina Jahwe,
“‘Ula kam tangis, ula pediat mambur iluhndu,Sebap si lakokenndu pasti pagi iupahi,’ nina Jahwe.
‘Mulih nge pagi kalak e arah negri musuh nari.’+
17 ‘Lit nge arapen man masa depanndu,’+ nina Jahwe.
‘Anak-anakndu si dilaki mulih nge pagi ku negrina.’”+
18 “Jelas kel kubegi Eperaim erceda ate, nina,‘PersingetiNdu aku janah erlajar aku je nari,Bagi anak lembu si lenga iajar.
Babalah aku mulih, gelah mis aku mulih,Sebap Kam kap Jahwe Dibataku.
19 Menyesal aku janah mulih aku man baNdu.+
Kenca enggo banNdu kuangkai, kupekpek pahaku janahku erceda ate.
Mela kel kuakap,+Perban kai si kulakoken sanga aku nguda denga.’”
20 “La kin Eperaim anak si Kukelengi, anak kesayangenKu?+
Amin pe rusur ia Kurawai, lalap pagi Kuinget ia.
E me sebapna lalap ia Kuukuri.+
Pasti pagi mekuah ateKu man bana,” nina Jahwe.+
21 “Pasanglah tanda-tanda bas dalan.
Ban tiang-tiang petunjuk dalan.+
Perdiateken pasar si galang eme dalan si arus dalanindu.+
Mulihlah, o anak Israel si diberu, mulihlah ku kota-kota enda.
22 O anak diberu si la setia, asa ndigan kam ragu?
Sebap enggo ciptaken Jahwe kai si mbaru i doni,Sekalak diberu ngayaki sekalak dilaki.”
23 Bagenda nina Jahwe penguasa malekat, Dibata Israel, “Sanga Kupepulung pagi mulihi kalak si itaban, bagenda pagi ning kalak e bas negri Juda ras kota-kotana, ‘O ingan ndatken kebenaren+ ras gunung si badia,+ mbera-mbera ipasu-pasu Jahwe kam.’
24 Juda ras kerina kota-kotana iingani pagi, perjuma ras permakan ringan pagi i je.+
25 Sebap Kuban pagi kalak si latih jadi segar, kalak si lemah perban kelihen jadi besur.”+
26 Medak aku, kubuka mataku, entabeh kel pertunduhku.
27 Nina Jahwe, “Bas paksana, reh teremna pagi Kuban keturunen Israel ras Juda. Asuh-asuhenna pe reh buena Kuban.”+
28 “Mbarenda Kuperdiateken kalak e gelah banci Kucabut, Kuruntuhken, Kukernepken, Kuhancurken, janah Kuban kena cilaka.+ Pagi pe Kuperdiateken kalak e gelah banci Kubangun ras Kusuan,”+ nina Jahwe.
29 “Sanga si e, lanai pagi ikataken kalak e, ‘Perbapan nge si man anggur si macem, tapi ipen anakna si ngilu.’+
30 Tapi pagi, kalak si man anggur si macem nge si ngilu ipenna. Kalak si mate, mate perban dosana.”
31 Nina Jahwe, “Bas waktuna pagi, Kuban sada perjanjin si mbaru ras kalak Israel bage pe kalak Juda.+
32 Perjanjin e la seri ras perjanjin si enggo Kuban ras nini bulang kalak e sanga Kutegu-tegu kalak e ndarat arah Mesir,+ ‘langgar nini bulang kalak e perjanjin si Kuban+ amin gia Aku kap situhuna tuan* kalak e,’ nina Jahwe.”
33 “Enda perjanjin si Kuban pagi ras kalak Israel kenca masa e,” nina Jahwe. “Kutama pagi undang-undangKu bas perukuren kalak e+ janah Kutulis bas pusuhna.+ Aku pagi jadi Dibata kalak e, kalak e pagi jadi umatKu.”+
34 “Lanai pagi lit sekalak pe arah kalak e si ngajari temanna ras seninana guna nandai Jahwe,+ sebap kerina pagi kalak e nandai Aku, mulai si kitik seh ku si galang,”+ nina Jahwe. “Kuampuni pagi kesalahen kalak e, lanai pagi Kuinget dosa kalak e.”+
35 Bagenda nina Jahwe,Si erban matawari nerangi paksa ciger wari,Si netapken undang-undang* man bulan ras bintang-bintang guna nerangi sanga berngi,Si erban laut ergelombang janah gelombangna ergeruhguh,Si gelarNa Jahwe penguasa malekat,+
36 “‘Bagi undang-undang enda tetap lit rasa lalap,Keturunen Israel pe lalap lit selaku sada bangsa i lebe-lebeKu,’+ nina Jahwe.”
37 Bagenda nina Jahwe, “‘Bagi langit la banci iukur janah pondasi doni la banci idalani, Aku pe la banci Kutulak kerina keturunen Israel, la soal kai si enggo lakokenna,’ nina Jahwe.”+
38 Nina Jahwe, “Bas waktuna pagi, kota enda ibangun mulihi+ man Jahwe, mulai Menara Hananel+ nari seh ku Gerbang Suki.+
39 Nali pengukur+ ipegedang pagi arah Bukit Garep, jenari belok ku Goa.
40 Jadi badia pagi man Jahwe+ kerina lembah* ingan mayat ras abu,* bage pe kerina juma seh ku Lembah Kidron,+ seh ku suki Gerbang Kuda+ i sebelah timur. Kerina e la pagi icabut ntah pe iruntuhken mulihi.”
Cataten i teruh
^ Taneh si mbelang si jarang iingani.
^ Ntah banci saja “dilaki.”
^ Ntah “peraturen.”
^ Ntah “baluren.”
^ Ntah “abu si erlemak,” eme abu si enggo campur ras lemak korban.
