Jeremia 4:1-31
4 Nina Jahwe, “O Israel, adi nggit kam mulih,Adi nggit kam mulih man bangKu,Adi ambekkenndu berhala-berhalandu si erban ciga ate arah lebe-lebeKu,Lanai pagi kam jadi buronen.+
2 Adi ersumpah kam, ‘I lebe-lebe Jahwe si nggeluh,’Bas kebenaren ras keadilen,Dat bangsa-bangsa pagi pasu-pasu arah Ia nari,Banggaken kalak e pagi Ia.”+
3 Sebap bagenda nina Jahwe man kalak Juda ras Jerusalem,
“Bajaklah juma si subur,Ula nai amburken kena benih i tengah-tengah peren duri.+
4 O kalak Juda ras penduduk Jerusalem,Sunatlah kena guna Jahwe,+Sunatlah pusuh kenaGelah la gara rawaKu bagi api,Ntah pe la gurlah janah la banci imatekenPerban perbahanen kena si jahat.”+
5 Kataken man Juda, umumken bas Jerusalem.
Erlebuhlah, embus trompet tanduk i belang-belang negri e.+
Meganglah kena erlebuh, kataken, “Mari kita pulung,Ota kita kiam ku kota-kota si erbenteng.+
6 Angkatlah tanda* ku arah Sion.
Daramilah ingan erlindung, ula sinik saja,”
Sebap Kuban pagi terjadi bencana arah utara nari+ eme kehancuren si mbelin.
7 Musuh enggo ndarat bagi singa si ndarat arah peren nari.+
Si ngancurken bangsa-bangsa enggo berkat.+
Enggo lawes ia arah inganna guna erban negrindu jadi ingan si erban mbiar.
Jadi reruntuhen pagi kota-kotandu, la lit si ngianisa.+
8 Emaka pakelah uis guni,+Erceda atelah,* nderkuhkenlah,Sebap lenga kita pulah arah rawa Jahwe si gara.
9 Nina Jahwe, “Sanga si e, lanai pagi pang raja,+Bage pe peminpin-peminpin.
Imam-imam pe mbiar pagi, nabi-nabi pe sengget.”+
10 Jenari ningku, “O Jahwe Tuhan si Meganjangna! Tuhu-tuhu enggo bualiNdu kalak Juda+ ras Jerusalem. KatakenNdu, ‘Dat kena pagi dame,’+ padahal pedang enggo bas kerahung kami.”
11 Sanga si e, ikataken pagi man kalak e ras man Jerusalem,
“Rembus pagi angin si melas arah bukit-bukit i gurun pasirKu arah anak bangsaKu si diberu.*
Rembus pagi angin e labo guna miari ntah pe mbersihken biji-bijin.*
12 Reh pagi angin si meter arah ingan-ingan e perban Kusuruh.
Gundari Kuumumken hukumen si nandangi dat kalak e.
13 Reh pagi musuh bagi embun si mbiring,Gereta-gereta kudana bagi angin badai.+
Kuda-kudana teren asangken kuliki.+
Cilaka kita, sebap kita enggo ihancurken!
14 O Jerusalem, bersihken pusuhndu arah kejahaten, gelah banci kam iselamatken.+
Ngasa ndigan simpanndu perukuren si jahat e?
15 Lit sora si mpeseh berita kerna Dan,+Bage pe mpebetehken kerna bencana i daerah pegunungen Eperaim.
16 Kataken kerna si e man bangsa-bangsa.
Beritaken man Jerusalem.”
“Mata-mata* enggo reh arah negri si ndauh nari,Surakken kalak e surak perang man kota-kota Juda.
17 Kepung kalak e Jerusalem arah kerina bagin, bagi penjaga-penjaga bas juma,+Sebap enggo mberontak kalak e man bangKu,”+ nina Jahwe.
18 “Nanamindu pagi akibat perbahanenndu ras lagu langkahndu.+
Hukumenndu e erban mesui kel pagi kapndu,Sebap pemberontakenndu e enggo seh ku pusuhndu!”
19 Andiko sedih kuakap, seh kel sedihna!
Mesui kel pusuhku.
Bet-beten jantungku.
Lanai aku banci kem,Sebap enggo kubegi sora trompet tanduk,Sora tanda perang.*+
20 Laporen kerna bencana reh la erngadi-ngadi,Sebap kerina negri enggo ihancurken.
Kemah-kemahku rempet hancur,Bage pe kain-kain kemahku.+
21 Ngasa ndigan lalap kuidah tanda* e,Ngasa ndigan kubegi sora trompet tanduk?+
22 Nina Dibata, “Sebap umatKu motu.+
La perdiatekenna Aku.
Kalak e anak-anak si motu, la angkana kai pe.
Beluh* kalak e ngelakoken si jahat,Tapi la tehna uga cara ngelakoken si mehuli.”
23 Kutatap negri e, kosong janah la iurus.+
Kutatap ku langit, lanai lit sinar.+
24 Kutatap gunung-gunung, kuidah mugur-ugur,Bukit-bukit pe mugur-ugur.+
25 Kunen tapi ise pe la kuidah,Perik i langit enggo ndauh kabangen.+
26 Kunen kebun buah-buahen enggo jadi taneh mesawang,*Kerina kotana enggo iruntuhken.+
Kerina enda perban Jahwe,Perban rawaNa si gara.
27 Sebap bagenda nina Jahwe, “Kerina negri e la pagi iurus,+Tapi labo pagi Kuhancurken seh ngasa keri.
28 E me sebapna erceda ate pagi negri e,+Langit i datas pe gelap pagi.+
Sebap Aku si enggo ngatakenca, Aku si mutuskenca,Labo pagi Aku berubah pikiren,* ras labo Kubatalken.+
29 Sanga megi sora kalak si nangkih kuda ras pemanah,Kiam kerina penduduk kota e.+
Masuk kalak e ku peren-peren,Nangkihi kalak e gunung-gunung batu.+
Tiap kota itadingken,La lit ise pe si tading i je.”
30 Gundari kam enggo ihancurken, emaka kai atendu si lakokenndu?
Sebap kam biasa make uis megara,Make perhiasen emas,Make celak mbiring gelah matandu teridah galang.
Tapi sia-sia pejilendu bandu,+Sebap kalak si rate ngena man bandu, enggo nulak kam.
Merhat kalak e munuh kam.+
31 Sebap kubegi sora bagi sora diberu si suin,Suin ia bagi diberu si melahirken anak si pertama,Sora anak Sion si diberu si sangana sesak napas.
Janahna ngangkat tanna, nina,+
“Cilaka kel aku, sebap enggo latih kuakap ban kalak si atena munuh aku!”
Cataten i teruh
^ Ntah “tiang tanda.”
^ Ntah “Pekpekilah dadandu.”
^ Enda perumpaman si mungkin ncidahken perkuah ate ntah pe ermediate.
^ Maksudna, kalak si mperdiateken kota guna nentuken ndigan waktuna nyerang.
^ Ntah banci saja “Sora surak perang.”
^ Ntah “tiang tanda.”
^ Ntah “Pentar.”
^ Taneh si mbelang si jarang iingani.
^ Ntah “menyesal.”
