Jeremia 45:1-5
-
Pesan Jahwe man Baruh (1-5)
45 Enda me si kataken Nabi Jeremia man Baruh+ anak Neria sanga tulis Baruh kai si belasken Jeremia+ man bana bas buku enda, bas tahun peempatken pemerentahen Joyakim+ anak Josia raja Juda, nina,
2 “Bagenda nina Jahwe Dibata Israel kerna kam, Baruh,
3 ‘Nindu, “Cilaka kel aku, perban enggo tambahken Jahwe ceda ate bas kesusahenku! Enggo latih kel kuakap mengeluh, janah lanai aku tenang.”’
4 “Arus katakenndu man bana, ‘Bagenda nina Jahwe, “Nenlah! Kuruntuhken pagi kai si enggo Kubangun, janah Kucabut kai si enggo Kusuan i belang-belang negri.+
5 Enggo ayakindu* kai si luar biasa guna bandu. Ula nai ayakindu si bage.”’
“‘Perban Kuban ateKu bencana man kerina kalak,+ tapi ku ja pe kam lawes, Kuselamatken pagi geluhndu,’ nina Jahwe.”+
Cataten i teruh
^ Ntah “daramindu.”
