Jeremia 5:1-31
5 Dalanilah dalan-dalan bas Jerusalem.
Nenlah ku sekeliling janah perdiatekenlah.
Daramilah i lapangen-lapangenna.
Lit kin sekalaklah gia si adil perbahanenna,+Si erusaha gelah setia?
Adi lit, Kuampuni pagi kota e.
2 Amin pe nina kalak e, “Ersumpah kami i lebe-lebe Jahwe si nggeluh!”
Tetap nge kalak e ersumpah palsu.+
3 O Jahwe, kalak si setia kap si daramiNdu.+
PekpekNdu kalak e tapi la gejapna.*
KernepkenNdu kalak e, tapi la kalak e erlajar arah kesalahenna.+
Ban kalak e piher ukurna,* piheren asangken tebing batu.+
La kalak e nggit robah.+
4 Tapi nina ukurku, “Kalak e pasti kalak si lemah.
Bodoh perbahanen kalak e perban la tehna dalan Jahwe,La teh kalak e undang-undang Dibatana.
5 Lawes pagi aku ndahi kalak si penting, ngerana aku ras kalak e,Sebap pasti perdiateken kalak e dalan-dalan Jahwe,Bage pe undang-undang Dibatana.+
Tapi enggo penggelken kalak e kerina pasangenna,*Peltepkenna pengiketna.”
6 E me sebapna reh singa arah kerangen nyerang kalak e,Srigala bas gurun pasir ngerigatken kalak e,Macan tutul nimai guna nyergap bas kota-kota kalak e.
Tiap kalak si ndarat je nari icabik-cabik pagi.
Sebap melala kel pelanggaren kalak e.
Perbahanen kalak e si la setia seh buena.+
7 Emaka uga ningKu ngampuni kam?
Anak-anakndu nadingken Aku,Ersumpah kalak e guna dibata si palsu.+
Aku si ncukupi keperlun kalak e seh ngasa puas,Tapi lalap kalak e erlua-lua,Enterem-enterem kalak e lawes ku rumah pelacur.
8 Kalak e bagi kuda si galang napsuna.
Tiap kalak ngayaki diberu kalak.+
9 Nina Jahwe, “La kin cocok nge Kuhukum kalak e perban kerina e?”
“La kin cocok nge Kubalas bangsa si bage?”+
10 “Rehlah, cedai kebun-kebun anggurna,Tapi ula ngasa keri.+
Potong tunas-tunasna si nguda denga,Sebap kerina e labo jang Jahwe.
11 Sebap kalak Israel ras kalak JudaTuhu-tuhu enggo erhianat man bangKu,” nina Jahwe.+
12 “Kataken kalak e si la tuhu kerna Jahwe, lalap nina,‘Labo pagi lakokenNa kai pe.*+
Labo pagi kita kena bencana,Labo pagi siidah perang ntah pe kelihen.’+
13 Kai si kataken nabi-nabina la tuhu,Kata Dibata la lit bas kalak e.
Pediatlah kalak e la erguna bagi kata-kata kalak e!”
14 E me sebapna, nina Jahwe Dibata penguasa malekat,
“Perban bage ning kalak e,Kuban pagi kata-kataKu jadi api bas babahndu,+Kalak e jadi rantingna,Emaka keri pagi kalak e ipan api e.”+
15 Nina Jahwe, “O kalak Israel,+ Kuban pagi reh sada bangsa arah ingan si ndauh nari guna nyerang kena.
Bangsa e enggo lit mbarenda nari.
Bangsa e enggo metua.
La teh kena bahasana,La angka kena si katakenna.+
16 Ingan anak panah kalak e bagi kuburen si nganga.
Kerina kalak e prajurit.
17 Keri pagi ban kalak e hasil ranindu ras panganndu,*+Bunuh kalak e anak-anakndu si dilaki ras si diberu,Bage pe kerina kambing, biri-biri, ras lembundu.
Keri ban kalak e batang anggur ras batang arandu.
Kota-kotandu si erbenteng si andalkenndu, hancurken kalak e pagi alu pedang.”
18 “Tapi sanga si e pe, labo pagi Kuhancurken kena seh asa keri,” nina Jahwe.+
19 “Sanga sungkun kalak e, ‘Engkai maka bagenda ban Jahwe Dibatata man banta?’ Kataken man kalak e, ‘Perban tadingken kena Dibata guna ngelayani dibata si deban i negri kena, emaka kena pe pagi ngelayani kalak asing i negri si labo negri kena.’”+
20 Beritakenlah enda man keturunen Jakup,Beritaken enda bas Juda, nindu,
21 “Begikenlah, o kena bangsa si motu ras si la erpengertin,+Lit mata kena, tapi la erpengidah,+Lit cuping kena, tapi la erpemegi.+
22 Nina Jahwe, ‘La nge kena mbiar man bangKu?
La kin arusna nggirgir kena i lebe-lebeKu?
Aku kap si erban kersik jadi batas laut.
Aku si erban peraturen e seh rasa lalap gelah laut la banci ngelewati batas e.
Amin pe galang gelombangna, la ia banci menang,Amin pe terus ergeruhguh, tetap la ia banci ngelewati batas e.+
23 Tapi pusuh bangsa e la nggit patuh, meriah akapna mberontak.
Enggo nilah kalak e, siban-ban dalanna ia.+
24 Labo nina kalak e bas pusuhna,
“Mbiarlah kita man Jahwe Dibatata,Si mpenusur udan bas musimna,Udan bas musim gugur ras udan bas musim semi.*
Dibata si mastiken gelah lit lalap musim rani.”+
25 Kerina si ndai la terjadi perban kesalahen kena,La dat kena kai si mehuli perban dosa-dosa kena.+
26 Sebap lit kalak jahat i tengah-tengah umatKu.
Lalap kalak e cebuni janahna nimai, bagi kalak si cebuni guna nangkap perik.
Pasang kalak e perangkap si banci munuh.
Si tangkap kalak e eme manusia.
27 Rumah kalak e dem tipun,+Bagi asar si dem i je perik.
E me si erban kalak e erkuasa ras bayak.
28 Kalak e jadi mbur, kulitna gesteng,Melala kel si la mehuli bas kalak e.
Guna kemakmuren kalak e,La bela kalak e perkara anak si la erbapa,+La tegakken kalak e keadilen man kalak mesera.’”+
29 Nina Jahwe, “La kin cocok nge Kuhukum kalak e perban kerina si e?
La kin cocok nge Kubalas bangsa si bage?
30 Enggo terjadi bas negri e kai si erban sengget ras ngeri eme:
31 Nabi-nabi ernubuat kerna si la tuhu,+Imam-imam make kuasana guna nindas kalak si deban.
Meriah akap umatKu ngidah si e kerina.+
Tapi sanga reh pagi kedungen e, kai si lakoken kena?”
Cataten i teruh
^ As. “tapi la kalak e jadi lemah.”
^ As. “ayona.”
^ Pasangen eme alat si biasa itama ku kuduk manusia ntah pe binatang guna maba baban.
^ Ntah banci saja “Labo Ia lit.”
^ As. “roti.”
