Jeremia 50:1-46
50 Bagenda nina Jahwe kerna Babilon,+ kerna negri kalak Kaldea, arah Nabi Jeremia,
2 “Beritakenlah i tengah bangsa-bangsa ras umumkenlah.
Umumkenlah janah banlah tanda.*
Ula buniken kai pe!
Kataken bagenda, ‘Babilon enggo irebut.+
Bel enggo ipermelaken.+
Merodak enggo mbiar.
Patung-patungna enggo ipermelaken.
Berhala-berhalana si erban ciga ate* enggo mbiar.’
3 Sebap sada bangsa enggo nyerang ia arah utara nari,+Emaka negrina jadi ingan si ngeri,La lit si tading i je.
Manusia ras binatang enggo kiamen,Enggo lawes kalak e.”
4 Nina Jahwe, “Bas paksana pagi, kalak Israel ras kalak Juda reh ras-ras.+ Erdalan pagi kalak e janahna tangis+ janah ras-ras kalak e ndarami Jahwe Dibatana.+
5 Sungkun kalak e pagi arah ja dalan ku Sion, alaken kalak e pagi ku dalan e+ janah nina, ‘Ota kita ersada ras Jahwe bas sada perjanjin si rasa lalap si la pagi ilupaken.’+
6 UmatKu enggo jadi rarasen biri-biri si papak.+ Permakan kalak e enggo erban kalak e papak.+ Kalak e itegu ku gunung-gunung, ku jah ku je kalak e arah gunung nari ku bukit-bukit. Lanai inget kalak e inganna tading.
7 Kerina si jumpa ras kalak e enggo erban kalak e jadi mangsa,+ janah nina musuh kalak e, ‘Kami la ersalah, sebap kalak e enggo erdosa man Jahwe, janah Jahwe kap sumber kebenaren ras arapen nini bulang kalak e.’”
8 “Kiamlah arah tengah-tengah Babilon,Ndaratlah arah tengah-tengah negri kalak Kaldea,+Bagi binatang si jadi peminpin i tengah rarasen asuh-asuhen.
9 Sebap guna ngelawan Babilon, Kuban pagi rehBangsa-bangsa si hebat arah negri utara.+
Serang kalak e pagi ia bas barisen perang,Janah itangkap pagi ia.
Anak panah kalak e bagi sekalak prajurit,Si erban orang tua kebenen anak,+Si la pernah la kena sasaren.
10 Ijarah pagi Kaldea.+
Puas pagi akap kerina si njarah ia,”+ nina Jahwe.
11 “Sebap lalap kam ermeriah ukur+Sanga jarahndu warisenKu.+
Lalap perjak-perjakkenndu nahendu bagi lembu si nguda bas peren,Janah lalap kam erngih-ngih bagi kuda jantan.
12 Mamakndu enggo ipermelaken.+
Si ngelahirken kam enggo kecewa.
Ia jadi si la mergana i tengah bangsa-bangsa,Jadi taneh mesawang* ras gurun pasir.+
13 Perban rawa Jahwe, lanai lit si ngiani kota e,+Ingan e tuhu-tuhu itadingken.+
Ise pe si lewat arah Babilon, ngeri akapna ngidahsa,Hina kalak ia perban bencana si terjadi man bana.+
14 O kerina si mbengkokken busur panah,Seranglah Babilon arah kerina arah bas barisen perang.
Panahlah ia, ula pediat lit anak panah si sisa,+Sebap enggo erdosa ia man Jahwe.+
15 Surakkenlah surak-surak perang arah kerina arah.
Sebap enggo nyerah ia.
Tiang-tiangna enggo runtuh, tembok-tembokna enggo runtuh,+Sebap enda pembalasen arah Jahwe.+
Balaslah ia.
Banlah man bana bagi perbahanenna man kalak.+
16 Kernepkenlah kalak si ngamburken benih arah Babilon nari,Bage pe kalak si make sabi-sabi bas musim rani.+
Mulih pagi kalak e kerina ku bangsana perban pedang si kejam,Kiam pagi kalak e ku negrina masing-masing.+
17 “Kalak Israel kap biri-biri si merap.+ Singa-singa enggo erban kalak e merap.+ Si pertama ngkarati kalak e eme raja Assur.+ Jenari si ngkarati tulan-tulan kalak e eme Nebukadnesar* raja Babilon.+
18 Bagenda nina Jahwe penguasa malekat, Dibata Israel, ‘Kuhukum pagi raja Babilon ras negrina, bagi sanga Kuhukum raja Assur.+
19 Kubaba pagi Israel mulih ku mbalmbalna,+ man dukut pagi ia i Karmel ras i Basan.+ Besur pagi ia i daerah pegunungen Eperaim+ ras Gileat.’”+
20 Nina Jahwe, “Sanga si e,Idarami pagi kesalahen Israel,Kepeken la lit salahna.
Dosa-dosa Juda pe la lit idat,Sebap Kuampuni pagi kalak si Kupediat nggeluh.”+
21 “Seranglah negri Marataim ras penduduk Pekod.+
Pediatlah kalak e ibunuhi ras ikernepken,” nina Jahwe,
“Lakoken kerina si Kuperentahken man bandu.
22 Lit sora perang bas negri e,Sada bencana si mbelin.
23 Martel si ngentam belang-belang doni enggo ipenggelken ras ihancurken!+
Ngeri akap bangsa-bangsa ngidah si terjadi man Babilon!+
24 O Babilon, Kupasang jerat man bandu janah enggo tertangkap kam,Tapi la tehndu kerna si e.
Kam enggo idat ras itangkap,+Sebap Jahwe kap si lawanndu.
25 Enggo buka Jahwe gudangNa,PedaratNa senjata-senjata rawaNa.+
Sebap lit pendahin Tuhan Si Meganjangna, Jahwe penguasa malekat,I negri kalak Kaldea.
26 Seranglah ia arah ingan-ingan si ndauh.+
Buka gudang-gudangna.+
Pepulung jarahen bagi mpepulung gandum.
Kernepken ia.+
Ula pediat sada pe si tading.
27 Bunuhi kerina lembu jantan si nguda denga.+
Pediat kalak e lawes ku ingan penggelehen.
Cilaka me kalak e sebap enggo seh paksanaWari penghukumen man kalak e!
28 Lit sora kalak si kiam,Si melariken diri arah Babilon,Guna mberitaken pembalasen Jahwe Dibatata i Sion,Pembalasen guna rumah pertotonNa.+
29 Pepulunglah pemanah guna nyerang Babilon,Pepulung kerina si mbengkokken busur panah.+
Erkemahlah kerina i sekelilingna, ula pediat lit si pulah.
Balaslah ia menurut perbahanenna.+
Banlah man bana bagi perbahanenna man kalak.+
Sebap enggo sombong ia man Jahwe,Man Dibata Israel Si Badia.+
30 E me sebapna, anak-anak peranana mate pagi bas lapangen-lapangen kota,+Kernep* pagi kerina tenterana bas wari e,” nina Jahwe.
31 “O Babilon si mberontak,+ Aku kap si lawanndu,”+ nina Tuhan Si Meganjangna, Jahwe penguasa malekat,“Enggo seh paksana Kuhukum kam.
32 O Babilon si mberontak, tertuktuk pagi kam janah ndabuh,La lit si nampati kam tedis.+
Kututung pagi kota-kotandu,Janah kerina si lit i sekelilingndu keri pagi ipan api.”
33 Bagenda nina Jahwe penguasa malekat,
“Kalak Israel ras kalak Juda itindas,Kerina si naban kalak e enggo nahan kalak e.+
La kalak e nggit mulahisa.+
34 Tapi Si Nebus kalak e megegeh kap.+
Gelarna eme Jahwe penguasa malekat.+
Pasti pagi perjuangkenNa perkara kalak e,+Guna erban dame negri kalak e,+Ras erban susah penduduk Babilon.”+
35 Nina Jahwe, “Lit pedang nyerang kalak Kaldea,Ngelawan penduduk Babilon, peminpin-peminpin, ras kalak si pentar.+
36 Lit pedang si ngelawan kalak si ngataken si la tuhu* janah bodoh pagi perbahanen kalak e.
Lit pedang si ngelawan prajurit-prajurit janah mbiar pagi kalak e.+
37 Lit pedang si ngelawan kuda ras gereta perang kalak e,Si ngelawan kalak arah erbage bangsa si tading i tengah-tengahna.
Bali pagi kalak e bagi diberu.+
Lit pagi pedang si ngelawan ertana janah ijarah pagi ertana e.+
38 Lit kehancuren i sekeliling launa si maler janah kerah pagi launa e.+
Sebap negri e dem alu patung ukiren,+Janah adon kalak e perban idah kalak e pengenehenen* si erban ngeri.
39 E me sebapna tading pagi i je binatang gurun ras binatang si erngaung,Burung unta pe tading pagi i je.+
Lanai pagi lit jelma si tading i je,Janah lanai lit si ngianisa arah jaman ku jaman.”+
40 “La pagi lit si tading ntah pe ringan i je,+ bagi Sodom ras Gomora+ bage pe kota-kota si lit i sekelilingna si enggo ihancurken Dibata,”+ nina Jahwe.
41 Nenlah! Lit sada bangsa si reh arah utara.
Bangsa si hebat ras raja-raja si mulia+Si reh arah bagin-bagin si ndauhna i doni.+
42 Senjata kalak e eme panah ras lembing.+
Kalak e kejam janah la lit perkuah atena.+
Sanga nangkihi kalak e kudana,Sorana bagi laut si ergeruhguh.+
Ersada kalak e bas barisen perang guna ngelawan kam, o kota Babilon.+
43 Begi raja Babilon berita kerna kalak e,+Emaka lemas tanna.+
Latih kapna.
Mesui kapna bagi diberu si sangana melahirken.
44 “Nenlah! Lit pagi kalak si reh janah serangna mbalmbal si aman bagi singa si ndarat arah rambah bas gedang-gedang Lau Jordan. Kiam pagi kalak e arah negri e. Kulantik pagi kalak si ipilih e guna nguasai negri e.+ Ise kin si bagi Aku, ise kin si ngasup ngelawan Aku? Permakan si apai kin si ngasup ngelawan Aku?+
45 Emaka begikenlah keputusen* Jahwe kerna Babilon+ ras kai si lit bas perukurenNa kerna kalak Kaldea:
Isaren pagi asuh-asuhen kalak e.
BanNa pagi ingan tading kalak e jadi gersang perban kai si lakokenna.+
46 Mugur-ugur pagi doni sanga Babilon irebut,Janah terbegi sora serko i tengah bangsa-bangsa.”+
Cataten i teruh
^ Kata enda bas bahasa Heber banci jadi lit hubungenna ras kata “tai” guna ncidahken perasan ciga ate.
^ Ntah “tiang tanda.”
^ Taneh si mbelang si jarang iingani.
^ As. “Nebukadresar,” penggelaren si deban.
^ As. “Ipesinik.”
^ Ntah “ngelawan nabi palsu.”
^ Eme kerna kai pe si cidahken Dibata ku bas pikiren sekalak jelma.
^ Ntah “nasehat.”