Jeremia 51:1-64
51 Bagenda nina Jahwe,
“Kuban pagi reh angin si ngancurkenKu Babilon+ ras penduduk Leb-kamai.*
2 Kusuruh pagi kalak si miari ku Babilon,Piari kalak e pagi kota e janah kosongkenna pagi negrina,Serang kalak e pagi ia arah erbage arah bas wari bencana e.+
3 Lanai pagi bengkokken pemanah Babilon busur panahna.
Lanai pagi lit sekalak pe si tedis make baju perang.
Ula rate mekuah man anak-anak peranana.+
Kernepkenlah kerina pasukenna.
4 Mate pagi kalak e ibunuh i negri kalak Kaldea,Janah itebak i gedang-gedang dalanna.+
5 Sebap Israel ras Juda la tadingken Dibatana, eme Jahwe penguasa malekat.+
Tapi negri kalak Kaldea dem alu kesalahen i lebe-lebe Dibata Israel Si Badia.
6 Kiamlah arah tengah-tengah Babilon,Selamatkenlah geluhndu.+
Ula kam mate perban kesalahenna.
Sebap enggo seh paksana pembalasen Jahwe.
BalasNa ia menurut perbahanenna.+
7 Mbarenda Babilon bagi calung* emas bas tan Jahwe,BanNa mabuk belang-belang doni.
Bangsa-bangsa mabuk perban anggurna,+E me sebapna bangsa-bangsa enggo mehado.+
8 Rempet-rempet pagi Babilon ndabuh ras hancur.+
Serkolah perban ia!+
Buatlah minak balsem* guna lukana, banci saja ia malem.”
9 “Enggo sicubaken mpepalem Babilon, tapi lanai terpepalem.
Tadingkenlah ia, ota kita ku negrita masing-masing.+
Sebap kesalahenna enggo seh ku langit,Enggo seh ku embun.+
10 Enggo tegakken Jahwe keadilen guna kita.+
Mari siceritaken i Sion kerina si lakoken Jahwe Dibatata.”+
11 “Petelaplah anak-anak panah.+ Buatlah perisai-perisai* si kibul.*
Enggo iahken Jahwe pusuh raja-raja kalak Media,+Sebap hancurkenNa ateNa Babilon.
Perban enda kap pembalasen arah Jahwe, pembalasen guna rumah pertotonNa.
12 Angkatlah tanda*+ guna nyerang tembok-tembok Babilon.
Pegegehilah penjaga janah suruhlah penjaga-penjaga ertugas.
Ersikaplah guna nyerang.
Sebap enggo ban Jahwe taktik,Janah lakokenNa kai si enggo janjikenNa kerna penduduk Babilon.”+
13 “O diberu si tading bas ingan si melala lau,+Si melala ertana,+Enggo seh kedungenndu, janah enggo bias untung si datndu.+
14 Jahwe penguasa malekat ersumpah guna diriNa, nina,‘Kuban pagi dem kalak bas kota-kotandu bagi labang.
Ersurak pagi kalak e perban talukenna kam.’+
15 Alu kuasaNa, banNa doni,Alu kepentarenNa, banNa taneh si subur,+Alu pengertinNa, kimbangkenNa langit.+
16 Sanga pedaratNa soraNa,Lau si lit bas langit ergeruhguh,BanNa embun* nangkih arah ujung-ujung doni,BanNa ndarat kilap* sanga udan,PedaratNa angin arah inganNa nimpansa.+
17 Tiap kalak, motu perbahanenna ras la masuk akal.
Tiap tukang logam ipermelaken pagi perban patung si ipahatna,+Sebap palsu kap patung logamna* e,La banci erkesah.+
18 Sia-sia kerina e,+ hasil pendahinna patut itawa-tawai.
Bas wari penghukumenna, kernep pagi kalak e.
19 Tapi Dibata Jakup la bagi patung-patung e.
Sebap Ia kap si erban kerinana,Termasuk tongkat warisenNa.+
GelarNa eme Jahwe, penguasa malekat.”+
20 “Man bangKu, kam bagi tongkat pemekpek, senjata perang,Sebap Kupake pagi kam guna ngancurken bangsa-bangsa.
Kupake pagi kam guna ngancurken kerajan-kerajan.
21 Kupake pagi kam guna ngancurken kuda ras si nangkihisa.
Kupake pagi kam guna ngancurken gereta perang ras si mabasa.
22 Kupake pagi kam guna ngancurken dilaki ras diberu.
Kupake pagi kam guna ngancurken dilaki si enggo metua ras anak dilaki.
Kupake pagi kam guna ngancurken anak perana ras singuda-nguda.
23 Kupake pagi kam guna ngancurken permakan ras asuh-asuhenna.
Kupake pagi kam guna ngancurken perjuma ras asuh-asuhenna.
Kupake pagi kam guna ngancurken gubernur-gubernur ras pejabat-pejabat.
24 Jenari Kubalas pagi Babilon ras kerina penduduk Kaldea i lebe-lebe kena,Perban kerina si lakoken kalak e i Sion,”+ nina Jahwe.
25 Nina Jahwe, “Kam kap gunung penghancur si ngancurken doni.+
Aku kap imbangndu,+Kududurken pagi tanKu janah Kugulingken kam arah tebing-tebing batu.
Kuban pagi kam jadi gunung si keri tertutung.”
26 “Labo pagi lit si muat batu arah kam nari guna jadi batu utama ntah batu pondasi,Sebap jadi ingan si gersang pagi kam seh rasa lalap,”+ nina Jahwe.
27 “Angkatlah tanda* i negri e.+
Embuslah trompet tanduk i tengah bangsa-bangsa.
Sikapken* bangsa-bangsa guna nyerang ia.
Lebuhlah kerajan Ararat,+ Mini, ras Askenas+ guna nyerang ia.
Pilihlah sekalak jelma guna mpepulung pasuken guna nyerang ia.
Sikapken kuda-kuda gelah bali bagi labang-labang si rangap.
28 Sikapken* bangsa-bangsa guna nyerang ia,Raja-raja Media,+ gubernur-gubernurna, kerina pejabatna,Ras kerina negri si kuasaina.
29 Mugur-ugur pagi doni janah nggirgir,Sebap ban Jahwe pagi terjadi rencanaNa man Babilon,Guna erban negri Babilon jadi ingan si erban mbiar, la lit si ngianisa.+
30 Pejuang-pejuang Babilon enggo ngadi erperang.
Kundul pagi kalak e i benteng-bentengna.
Enggo keri gegeh kalak e.+
Kalak e enggo bagi diberu.+
Rumah-rumahna enggo itutung.
Palang-palang pintuna enggo ipenggelken.+
31 Si maba berita reh sada per sada,Janah utusen e peganci reh,Guna ngelaporken man raja Babilon maka tiap bagin kotana enggo irebut,+
32 Ingan-ingan penyebrangen enggo irebut,+Kapal-kapal si iban arah kayu papirus enggo itutung,Janah kerina tentera enggo mbiar.”
33 Bagenda nina Jahwe penguasa malekat, Dibata Israel,
“Kota Babilon bagi ingan ngerik* hasil rani.
Gundari me waktuna merjaki ia seh ngasa padat.
Musim rani enggo ndeher.”
34 “Enggo bendut raja Nebukadnesar* aku.+
Banna mamang ateku.
Banna aku bagi kudin taneh si kosong.
Ia bagi nipe si galang si mbendut aku,+Isina beltekna alu barang-barangku si merga.
Ambekkenna aku.
35 Nina penduduk Sion, ‘Mbera-mbera kekerasen si lakokenna man bangku ras man dagingku, terjadi ka man Babilon!’+
Nina Jerusalem, ‘Pediatlah kalak Kaldea ertanggung jawap nandangi darehku.’”
36 Emaka bagenda nina Jahwe,
“Kuurus pagi perkarandu,+Kuban pagi pembalasen guna kam.+
Kukerahken pagi lautna ras sumur-sumurna.+
37 Babilon jadi batu si ergun-gun pagi,+Jadi asar biang kerangen.+
Jadi ingan si erban ngeri ras ihina kalak.
Janah la lit si ngianisa.+
38 Kerina kalak e erngaung pagi bagi singa si nguda denga.
Erdengum kalak e bagi anak singa.”
39 “Sanga merhat kel kalak e man, Kuban pagi pesta janah Kuban kalak e mabuk,Gelah meriah ukur kalak e.+
Kenca si e, medem kalak e seh rasa lalap,Janah lanai kalak e medak,”+ nina Jahwe.
40 “Kubabai kalak e bagi anak biri-biri si nandangi igeleh,Bagi biri-biri jantan ras kambing jantan.”
41 “O Seshak,* kam enggo irebut,+Kota si ipuji i belang-belang doni enggo irebut!+
Babilon enggo jadi ingan si erban mbiar i tengah bangsa-bangsa!
42 Laut enggo erban gedap Babilon.
Enggo tutupi ombak-ombak ia.
43 Kota-kotana enggo jadi ingan si erban mbiar, gersang ras jadi gurun pasir.
La lit si ngianisa janah la lit si ngelewatisa.+
44 Kuhukum pagi Bel+ i Babilon,Kupedarat pagi arah babahna kai si enggo bendutna.+
Lanai pagi reh bangsa-bangsa ndahi ia.
Runtuh pagi tembok-tembok Babilon.+
45 O umatKu, ndaratlah je nari!+
Selamatkenlah diri kena+ arah rawa Jahwe si gara!+
46 Ula mbiar ntah pe gentar man laporen si terbegi pagi i negri e.
Laporen e reh pagi setahun nari,Janah setahun kenca si e, reh ka laporen si deban,Kerna kekerasen i negri e bage pe kerna penguasa-penguasa si erperang.
47 Emaka bas paksana pagi,Kuhukum patung-patung ukiren Babilon!
Ipermelaken pagi kerina negrina,Janah pendudukna si ibunuh ndabuh pagi i je.+
48 Langit ras doni bage pe kerina isinaErsurak pagi alu ermeriah ukur perban Babilon,+Sebap si ngancurken ia reh pagi arah utara nari,”+ nina Jahwe.
49 “Labo kalak Israel ngenca si terbunuh iban Babilon,+Tapi kerina kalak i belang-belang doni pe terbunuh i Babilon.
50 O kena si pulah arah pedang, teruslah erdalan, ula ngadi!+
Ingetlah Jahwe arah ingan si ndauh nari,Janah ukurkenlah kerna Jerusalem.”+
51 “Kami enggo ipermelaken, sebap begi kami kata-kata hinan.
Mela akap kami,Perban kalak asing enggo reh nyerang ingan-ingan si badia i rumah Jahwe.”+
52 Nina Jahwe, “E me sebapna bas paksana pagi,Kuhukum patung-patung ukirenna,Janah i belang-belang negrina, ndehereng pagi kalak perban lukana si parah.”+
53 “Amin pe Babilon nangkih ku langit,+Amin pe peteguhna benteng-bentengna si meganjang,Si ngancurken ia reh pagi arah Aku nari,”+ nina Jahwe.
54 “Begikenlah! Lit sora nderkuh arah Babilon,+Lit sora bencana si mbelin arah negri kalak Kaldea,+
55 Sebap hancurken Jahwe pagi Babilon,Ipesinik pagi sorana si megang.
Sora musuh-musuhna terbegi bagi sora ombak si ergeruhguh.
Terbegi pagi sora kalak e.
56 Sebap si ngancurken reh pagi ku Babilon,+Itangkap pagi prajuritna-prajuritna,+Ihancurken pagi busur panah kalak e,Sebap Jahwe kap Dibata si ngelakoken pembalasen.+
Pasti pagi ibalasNa.+
57 Kuban pagi mabuk peminpin-peminpinna bage pe kalak si pentar,+Gubernur-gubernurna, pejabatna, ras prajurit-prajuritna,Medem pagi kalak e seh rasa lalap,Lanai pagi kalak e medak,”+ nina Raja si gelarNa Jahwe penguasa malekat.
58 Bagenda nina Jahwe penguasa malekat,
“Amin pe tembok Babilon seh kel kapalna, pasti pagi ihancurken,+Amin pe gerbangna seh kel ganjangna, pasti pagi itutung.
Sia-sia pagi kerja keras enterem kalak,Kerina hasil kerja keras bangsa-bangsa keri pagi pan api.”+
59 Enda me kata-kata Nabi Jeremia man Seraya anak Neria+ kempu Mahsea. Kata-kata enda pesehna sanga Seraya lawes ku Babilon radu ras Sedekia raja Juda bas tahun peempatken pemerentahenna. Seraya e si ngaturken keperlun raja.
60 Tulisken Jeremia bas sada buku kerina bencana si nandangi terjadi man Babilon, eme kerina kata-kata kerna Babilon.
61 Selain si e, nina Jeremia man Seraya, “Sanga seh pagi kam i Babilon janah idahndu kota e, arus bacakenndu kerina kata-kata enda alu sora si megang.
62 Jenari kataken bagenda, ‘O Jahwe, enggo katakenNdu maka ingan enda ihancurken pagi, la pagi iingani manusia ntah pe binatang, janah la pagi lit si ngianisa seh rasa lalap.’+
63 Kenca dung bacakenndu buku enda, iketken buku e ku sada batu janah benterken ku Lau Eprat.
64 Jenari katakenlah, ‘Bagenda me pagi pergedap Babilon janah lanai ia teridah+ perban bencana si nandangi Kuban man bana, latih pagi akap kalak e.’”+
Sibar enda me kata-kata Jeremia.
Cataten i teruh
^ Banci saja enda gelar rahasia man Kaldea.
^ Ntah “cangkir.”
^ Minak si merim si iban arah sinuan-sinuan ntah pe batang kayu tertentu. E ipake guna jadi tambar ntah pe parfum.
^ Ntah “ampang-ampang.”
^ Ntah banci saja “Demilah ingan anak panah.”
^ Ntah “tiang tanda.”
^ Ntah “uap.”
^ Ntah banci saja “BukaNa pintu-pintu lau.”
^ Ntah “patung tuangenna.”
^ Ntah “tiang tanda.”
^ As. “Pebadialah.”
^ As. “Pebadialah.”
^ As. “Nebukadresar,” penggelaren si deban.
^ Banci saja enda gelar rahasia man Babilon.
