Jesaya 10:1-34
10 Cilaka me kalak si erban peraturen si ncilakai kalak,+Si lalap erban undang-undang si nyusahi kalak,
2 Gelah banci tulakna pengadun kalak mesera,Gelah banci ia la adil man kalak mesera si lit bas bangsaKu.+
Rampasna barang-barang diberu si enggo janda,Bage pe barang anak-anak si la erbapa.*+
3 Kai nge pagi si lakoken kena bas wari penghukumen,+Sanga reh kehancuren arah ingan si ndauh nari?+
Man ise kena kiam mindo penampat?+
I ja titipken kena erta* kena?
4 La lit si banci lakoken kena selain mungkuk radu ras kalak si ipenjaraken,Ntah pe mate i tengah-tengah kalak si ibunuh.
E me sebapna tetap Ia merawa,Tetap dudurkenNa tanNa guna ngukum.+
5 “Nenlah kalak Assur.+
Ia kap tongkat si Kupake guna ncidahken rawaKu,+Janah Kupake tongkat bas tanna guna ngukum.
6 Kuutus pagi ia ngelawan bangsa si murtad,+Ngelawan bangsa si erban Aku merawa.
Kuperentahken pagi ia muat barang rampasen ras barang jarahen,Bage pe merjaki bangsa e bagi kubang bas dalan.+
7 Tapi sura-surana labo bage,Sura-sura bas pusuhna labo pagi bage.
Sebap sura-surana eme engkernepken,Engkernepken enterem bangsa, labo sitik ngenca.
8 Nina,‘Raja kap kerina pejabatku!+
9 Kai kin bedana Kalno+ ras Karkemis?+
Kai kin bedana Hamat+ ras Arpad?+
Kai kin bedana Samaria+ ras Damaskus?+
10 Enggo kutaluken kerajan-kerajan si nembah dibata-dibata si la erguna,Si patung ukirenna buen asangken si lit i Jerusalem ras Samaria!+
11 Kuban pagi man Jerusalem ras berhala-berhalanaBagi si kulakoken man Samaria ras dibata-dibatana si la erguna.’+
12 “Kenca dungi Jahwe kerina dahinNa i Gunung Sion ras Jerusalem, hukumNa* pagi raja Assur sebap raja e meganjang rukur, tual, ras sombong.+
13 Sebap nina raja e,‘Kulakoken pagi si e alu gegehkuRas kepentarenku, sebap aku pentar.
Kumasapken pagi batas bangsa-bangsa+Janah kurampas erta kalak e,+Bagi kalak si megegeh, kutaluken pagi pendudukna.+
14 Bagi kalak si masukkenna tanna ku asar perik,Bage me pagi nukahna kuakap ngerampas kerina erta bangsa-bangsa,Bagi muat telor si la ijaga,Bage me pagi nukahna kuakap mpepulung kerina erta si lit i sebelang doni,Sada pe la pagi erkepek kabengna, la nagut, ras la ersora.’”
15 Banci kin belinen akap kapak bana asangken si makesa?
Banci kin belinen akap gergaji bana asangken si makesa?
Banci kin perpalu+ ngayunken kalak si ngangkatsa?
Banci kin tongkat ngangkat kalak si nagangisa?
16 E me sebapna Tuhan si benar eme Jahwe penguasa malekat,Erban kalak si mbur jadi kertang pagi,+Lanai pagi lit kemulian Assur. Keri pagi kemulianna e bagi itutung api.+
17 Terang Israel+ jadi api si gara pagi,+Janah apina eme kap Si Badia arah Israel.
Gara pagi api e janah bas sada wari saja tutungna rambah ras peren duri.
18 Keri pagi kerangenna ras kebunna si mejile ikernepken Dibata,Keri pagi e bagi kalak si sakit si reh dekahna reh lemahna.+
19 Sitik ngenca pagi batang kayu si tading bas kerangenna,Sitik kel ngenca, seh ngasa anak kitik pe banci nulisken piga jumlahna.
20 Bas wari e, kalak Israel si nggeluh denga,Bage pe keturunen Jakup si selamat,Lanai pagi andalkenna bangsa si ngancurken ia.+
Tapi alu setia andalkenna pagi Jahwe,Dibata Israel Si Badia.
21 Kalak si nggeluh denga ngenca pagi si mulih,Keturunen Jakup si nggeluh denga, mulihken pagi ku Dibata Si Megegeh.+
22 O Israel, amin pe pendudukndu mbueBagi kersik i laut buena,Sitik ngenca pagi arah kalak e si mulih.+
Bangsa e lanai banci lang ikernepken pagi,+Hukumen si engkenai kalak e, bagi banjir pagi.+
23 Kehancuren si itetapken Tuhan Si Meganjangna eme Jahwe penguasa malekat,Ilakoken pagi i sebelang negri.+
24 E me sebapna, bagenda nina Tuhan Si Meganjangna eme Jahwe penguasa malekat, “O umatKu si tading i Sion, ula kena mbiar man kalak Assur, si nyerang ras mekpek kena alu tongkat,+ bagi si lakoken Mesir mbarenda.+
25 Lanai ndekah, ngadi pagi rawaKu, janah man kalak e pagi Aku merawa gelah hancur kalak e.+
26 Aku, Jahwe penguasa malekat, ngeligas kalak e+ bali bagi sanga Kutaluken Midian i Batu Oreb.+ Kuangkat pagi tongkatKu janah Kududurken ku datas laut bagi si Kulakoken man kalak Mesir.+
27 Bas wari e, babanna iangkat pagi arah bara kena,+Pasangenna* iangkat arah kerahung kena,+Janah penggel pagi pasangenna+ perban minak.”
28 Seh ia i Ai,+Lewatina Migron,Simpanna barangna i Mikmas.+
29 Nyebrang ia,Erberngi ia i Geba,+Nggirgir penduduk Rama, penduduk Gibea+ si lit i kota Saul pe kiam.+
30 O anak kuta Gallim si diberu, tangis ras serkolah kena!
O penduduk Laisa, hati-hatilah kena!
O penduduk Anatot,+ mekuah kel ate ngidah kena!
31 Penduduk Madmena enggo kiam.
Penduduk Gebim enggo ngungsi.
32 Bas wari e, ngadi ia i Nop.+
Ayunkenna tinju-tinjuna ku gunung kota Sion,Ku bukit Jerusalem.
33 Nenlah! Tuhan si benar eme Jahwe penguasa malekat,Sangana motong cabang-cabang ras terbegi sora si erban mbiar.+
Batang-batang kayu si meganjangna pe enggo ipotong,Janah si meganjang pe ipeteruk.
34 RambasNa rambah kerangen alu alat besi,*BanNa pagi sekalak si megegeh ngeruntuhken Libanon.
Cataten i teruh
^ Ntah “anak melumang.”
^ Ntah “kemulian.”
^ As. “Kuhukum.”
^ Pasangen eme alat si biasa itama ku kuduk manusia ntah pe binatang guna maba baban.
^ Ntah “alu kapak.”
