Jesaya 11:1-16
11 Ndarat pagi sada cabang+ arah tongkeh Isai,+Erbuah pagi tunas+ si turah arah uratna.
2 Dem pagi kesah si badia Jahwe bas ia,+E me sebapna ia jadi pentar,+ erpengangka kel ia,Mejile kel nasehat si iberekenna, megegeh ia,+Melala kel pemetehna, janah ergaina kel Jahwe.
3 Keriahenna eme mbiar man Jahwe.+
La hakimina kalak menurut kai si idahna saja,La persingetina kalak menurut kai si begina saja.+
4 Hakimina pagi kalak mesera alu adil,Berena persinget menurut kai si benar guna kalak si meteruk ukur i doni.
Hukumna doni alu tongkat si ndarat arah babahna,+Janah bunuhna kalak jahat alu kesah si ndarat arah babahna.+
5 Kebenaren jadi ikat pinggang pagi bas awakna,Kesetian pe jadi ikat pinggang bas awakna.+
6 Erteman pagi srigala ras anak biri-biri,+Medem-medem pagi anak kambing ras macan tutul,Ras-ras pagi anak lembu, singa, bage pe binatang si mbur.*+
Si minpinsa eme anak si kitik denga.
7 Lembu ras beruang ras-ras pagi man,Anak-anakna pe ras-ras medem-medem.
Singa pagi man nggala* bagi lembu.+
8 Anak si ipepinemken* denga main-main pagi deher asar kobra.
Tama anak si kitik denga pagi tanna ku lubang nipe si erbisa.
9 Lanai pagi lakoken kalak e kai si erban cilaka,+Janah lanai pagi kalak e ncedai bas sebelang gunungKu si badia,+Perban dem pagi doni alu pemeteh kerna JahweBagi lau ndemi laut.+
10 Bas wari e, sekalak arah keturunen* Isai+ jadi tanda* pagi man bangsa-bangsa.+
Man bana pagi bangsa-bangsa mindo petunjuk,*+Janah mulia pagi inganna tading.
11 Bas wari e, cidahken Jahwe kuasaNa pedua kaliken guna nampati bangsaNa si nggeluh denga. BabaNa pagi kalak e mulih arah Assur nari,+ arah Mesir,+ Petros,+ Kus,+ Elam,+ Sinar,* Hamat, ras arah pulau-pulau si lit i laut.+
12 BanNa pagi sada tanda* man bangsa-bangsa janah pepulungNa pagi kalak Israel si enggo merap,+ pepulungNa ka pagi kalak Juda si enggo merap arah empat ujung doni nari.+
13 Bene pagi perasan cemburu Eperaim,+Kernep pagi kerina si rate segat man Juda.
Lanai pagi Eperaim cemburu man Juda,Janah Juda pe lanai segat atena Eperaim.+
14 Meter pagi kalak e lawes ku barat guna nyerang lereng-lereng kalak Pilisti.
Radu pagi kalak e njarah kalak arah Timur.
Taluken* kalak e pagi kalak Edom+ ras kalak Moap,+Janah patuh pagi kalak Ammon man kalak e.+
15 Belah* Jahwe pagi teluk Mesir,+AyunkenNa tanNa ku datas Lau Eprat.+
PekpekNa pagi pitu anak lau maler si lit i je* alu gegehNa,Selain si e, banNa pagi kalak erdalan make selop sanga nyebrangisa.
16 Lit pagi dalan si galang+ guna ndarat arah Assur man umatNa si nggeluh denga,+Bali bagi sanga kalak Israel ndarat arah Mesir.
Cataten i teruh
^ Ntah banci saja “Anak lembu ras singa ras-ras pagi man.”
^ Ntah “jerami.”
^ Ntah “minem ASI.”
^ Ntah “Darami bangsa-bangsa pagi ia.”
^ Ntah “tiang tanda.”
^ As. “urat.”
^ Dungna igelari Babilon.
^ Ntah “tiang tanda.”
^ Ntah “Kuasai.”
^ Ntah banci saja “Kerahken.”
^ Ntah banci saja “PekpekNa jadi pitu anak lau maler.”
