Jesaya 12:1-6
12 Bas wari e, pasti pagi ning kena,
“Bujur melala o Jahwe,Amin pe merawa Kam man bangku,Dungna lanai Kam merawa, janah apuliNdu aku.+
2 Dibata kap si nelamatken aku.+
Tek aku man baNa janah la aku mbiar,+Sebap Jahwe,* Jahwe kap gegehku ras si ngelindungi aku,Janah enggo selamatkenNa aku.”+
3 Meriah pagi ukur kena nimba lauArah mata lau keselamaten.+
4 Bas wari e, kataken kena pagi,
“Katakenlah bujur man Jahwe, lebuhlah gelarNa,Ceritaken perbahanenNa man kerina kalak!+
Umumkenlah uga muliana gelarNa.+
5 Endekenlah pujin* man Jahwe,+ sebap luar biasa si enggo lakokenNa.+
Beritakenlah e ku sebelang doni.
6 O penduduk Sion* ersuraklah, ersuraklah alu ermeriah ukur,Sebap mulia kap Dibata Israel Si Badia si lit i tengah-tengah kena.”
Cataten i teruh
^ As. “Jah.” Jah eme singkaten gelar Jahwe.
^ Ntah “Mainkenlah musik.”
^ As. “penduduk Sion si diberu.”