Jesaya 15:1-9
-
Penghukumen man Moap (1-9)
15 Berita penghukumen man Moap:+
Ar+ i Moap enggo ipesinik,Sebap enggo ihancurken ia bas sada berngi.
Kir+ i Moap enggo ipesinik,Sebap enggo ihancurken ia bas sada berngi.
2 Ia enggo lawes ku Rumah Pertoton* ras ku Dibon,+Bage pe ku ingan-ingan ersembah* guna ngandung.
Tangis Moap perban Nebo+ ras Medeba.+
Kerina takal icukur ngasa botak,+ kerina janggut ipotong.+
3 Pake kalak e uis guni bas dalan-dalanna.
Nderkuh kerina kalak e bas atapna bage pe bas lapangen kotana.
Nusur kalak e janahna ngandung.+
4 Serko Hesbon ras Eleale.+
Terbegi sora kalak e seh ku Jahas.+
E me sebapna prajurit Moap lalap serko.
Nggirgir ia perban biarna.
5 Tangis pusuhku perban Moap.
Pendudukna kiam seh ku Soar+ ras Eglat-Selisia.+
Ngandung kalak e janahna nangkih ku puncak Luhit.
Ngandung kalak e bas dalan ku Horonaim perban bencana e.+
6 Kerah Lau Nimrim.
Kerah dukut si meratah.
Lanai lit dukut, lanai lit si meratah.
7 E me sebapna baba kalak e sisa barang si simpanna bage pe ertana.
Sebrangi kalak e lembah* batang-batang poplar.*
8 Sora kalak e serko terbegi ku belang-belang daerah Moap.+
Sora kalak e nderkuh seh ku Eglaim.
Sora kalak e nderkuh seh ku Beerelim.
9 Dem dareh bas Lau Dimon,Janah reh lalana ka si tambahken Dibata man Dimon:
Kalak Moap si selamat iserang sada singa,Si nggeluh denga bas negri e pe iserangna.+
Cataten i teruh
^ As. “ingan-ingan si meganjang.”
^ Ntah “Rumah e.”
^ Ntah “batang dalu-dalu.” Eme batang kayu si biasa turah i deher lau maler i Timur Tengah.
