Jesaya 16:1-14
-
Berita seterusna kerna Moap (1-14)
16 Kirimlah sada biri-biri jantan man penguasa negri e,Arah Sela nari ngelewati taneh mesawang*Ku gunung kota Sion.
2 Bagi perik si kiam arah asarna,+Bage me penduduk Moap bas ingan penyebrangen i Lau Arnon.+
3 “Berekenlah nasehat, dalankenlah keputusen si enggo ibanndu.
Banlah bayangenndu bas ciger wari bagi bas berngi wari.
Bunikenlah kalak si merap janah ula hianatindu kalak si melariken diri.
4 O Moap, mbera-mbera umatKu si merap tading bas negrindu.
Jadi ingan cebunilah kam man kalak e arah penghancur e.+
Lanai pagi lit penyiksan,Lanai pagi lit penghancuren,Kalak si merjaki kalak si deban masap pagi arah doni.
5 Jenari alu kekelengen si setia, ipajekken pagi sada tahta alu paguh.
Setia pagi kalak si kundul i je, i kemah Daud.+
Adil pagi ia ngakimi janah mis lakokenna kai si benar.”+
6 Enggo sibegi kerna kesombongen Moap, seh kel ia sombongna.+
Meganjang ukurna, tual ia, janah merawa.+
Tapi kata-katana si la erguna, lanai pagi lit ertina.
7 Emaka tangis pagi Moap perban dirina sendiri.
Tangis pagi kalak e kerina.+
Nderkuh pagi kalak si ihukum perban ingetna kue kismis arah Kir Hareset.+
8 Enggo kerah kebun-kebun Hesbon,+Batang anggur Sipma+ pe melus,Penguasa bangsa-bangsa merjaki cabang-cabangna si seh kel garana.*
Mbarenda njoler ia seh ku Jaser,+Seh ku taneh mesawang.*
Mbarenda cabang-cabangna njoler seh ku laut.
9 E me sebapna bagi perngandungku man Jaser, bage me aku ngandung perban batang anggur Sipma.
O Hesbon ras Eleale, litap pagi kena perban iluhku,+Perban enggo ngadi surak-surak meriah ukur bas musim buah ras musim rani kena.*
10 Keriahen ras surak-surak meriah ukur enggo ngadi bas kebun anggur,Lanai lit ende-enden keriahen ras surak-surak meriah ukur bas kebun anggur.+
Lanai lit kalak si merjaki anggur bas ingan meras anggur,Sebap enggo kupengadi surak-surak e.+
11 E me sebapna nggirgir pusuhku bagi senar harpa* si ergetar,Perban mekuah ateku man Moap,+Janah sedih kel kuakap perban Kir Hareset.+
12 Amin pe latih akap Moap nembah bas ingan ersembah* ras ertoto bas inganna si badia, si e labo pagi lit ertina.+
13 Enda ndai me si enggo leben kataken Jahwe kerna Moap.
14 Gundari nina Jahwe, “Bas telu tahun, bali bagi tahun-tahun kalak upahen,* ihina pagi kemulian Moap alu erbage-bage kemamangen. Sitik kel ngenca pagi kalak si tading janah kalak e lemah.”+
Cataten i teruh
^ Taneh si mbelang si jarang iingani.
^ Taneh si mbelang si jarang iingani.
^ Ntah “si dem anggur megara.”
^ Ntah banci saja “Perban sora surak-surak perang enggo terbegi bas musim buah ras musim rani kena.”
^ Harpa eme alat musik si ersenar bagi gitar, tapi bentukna beda.
^ As. “ingan si meganjang.”
^ Maksudna, pas telu tahun.
