Jesaya 17:1-14
17 Berita penghukumen kerna Damaskus:+
“Nenlah! Damaskus lanai pagi jadi kota,Jadi reruntuhen pagi ia.+
2 Kota-kota Aroer+ itadingken pagi.
Medem-medem pagi asuh-asuhen i je,La lit si erbanca mbiar.
3 Kota-kota si erbenteng bene pagi arah Eperaim,+Bage pe kerajan arah Damaskus.+
Kalak Siria si nggeluh dengaBali pagi kemulianna bagi kalak Israel,”* nina Jahwe penguasa malekat.
4 “Bas wari e, kemulian Jakup reh urakna pagi,Janah dagingna si sehat reh kertangna.
5 Bali pagi Jakup bagi juma bas Lembah* Repaim+Si biji-bijinna* enggo iperani,Sitik ngenca biji-bijin si tading guna ipepulung.
6 Biji-bijin si ipepulung ngenca si tading,Bali bagi sanga mekpek batang saitun:
Dua ntah telu ngenca buahna si tasak bas cabangna si arah datasna kel,Empat ntah lima ngenca bas cabangna si erbuah,”+ nina Jahwe Dibata Israel.
7 Bas wari e, ngarap pagi kalak man Si Nciptaken ia, janah tatapna Dibata Israel Si Badia.
8 La pagi idahna ingan nutung* persembahen+ si banna.+ La pagi tatapna kai si enggo banna, eme tiang si badia* ntah pe ingan nutung kemenyan.
9 Bas wari e, kota-kotana si ertembok bali pagi bagi ingan si la iurus bas kerangen,+Bagi cabang si itadingken i lebe-lebe Israel.
Ingan e jadi gersang pagi.
10 Enggo lupakenndu Dibata+ si nelamatken kam.
Lanai ingetndu Gunung Batu,+ eme bentengndu.
E me sebapna banndu kebun si mejile,Janah suanndu tunas arah kalak si la itandai.*
11 Bas ciger wari, mejile pagarindu sinuan-sinuanndu,Bas erpagi-pagi banndu benihna ertunas,Tapi hasil arah peranin bene sanga kam sakit perban penakit si la banci malem.+
12 Begikenlah! Lit sora si gejek bagi sora jelma si enterem,Si bali bagi sora laut si ergeruhguh!
Lit sora gejek bas bangsa-bangsa,Sorana bagi sora lau si deras!
13 Ban bangsa-bangsa pagi sora gejek bagi sora lau si deras.
SergangNa pagi kalak e, kiam kalak e ku ingan si ndauh,Kiam bagi segal* i gunung si iembusken angin,Bagi bola peren si kerah si megulang iembus badai.
14 Bas berngi wari, lit si man kebiaren.
Sope erpagi-pagi lanai lit.
E me bagin kalak si njarah kita,Janah e kap bagin kalak si ngerampok kita.
Cataten i teruh
^ As. “bagi keturunen Israel.”
^ Ntah “Baluren.”
^ Ntah “arah dibata kalak asing.”
^ Ntah “kulit page; kulit gandum; kulit barli.”
