Jesaya 18:1-7
-
Berita penghukumen man Etiopia (1-7)
18 Cilaka me negri si dem sora serangga si erkabengBas daerah lau maler Etiopia!+
2 Kirim negri e utusen arah laut nari,Nyebrang ia alu perahu si iban arah batang papirus, janah nina,
“Laweslah, o utusen si meter erdalanKu bangsa si gedang ras si mulus kulitna,Ku bangsa si i japa pe jadi kebiaren,+Ku bangsa si megegeh, si naluken* bangsa si deban,Si negrina ombakken lau.”
3 O kena kerina penduduk negri ras kena si tading i doni,Idah kena pagi si bagi tanda* si iangkat bas gunung-gunung,Janah begi kena pagi sora si bagi sora trompet tanduk.
4 Sebap bagenda nina Jahwe man bangku,
“Terus pagi Aku tenang janah Kunen* inganKu si paguh,Bali bagi las matawari si nderngit,Bali bagi embun bas musim rani si melas.
5 Sebap sope rani,Sanga bunga-bunga enggo mekar janah enggo jadi buah si tasak,Tunas-tunasna ipotong alu sabi-sabi,Ras cabang-cabangna itektek jenari iambekken.
6 Kalak e itadingken pagi jadi pangan perik si man daging bas gunung-gunung,Ras jadi pangan man binatang-binatang i doni.
Kalak e jadi pangan perik si man daging bas musim perlego,Janah jadi pangan kerina binatang si lit i doni bas musim mbergeh.
7 Sanga si e, ibaba pagi sada hadiah man Jahwe penguasa malekat,Arah bangsa si gedang ras si mulus kulitna,Arah bangsa si i japa pe jadi kebiaren,Arah bangsa si megegeh, si naluken* bangsa si deban,Si negrina ombakken lau,Janah ibaba ku Gunung Sion eme ingan si pilih Jahwe penguasa malekat guna gelarNa.”+
Cataten i teruh
^ Ntah “si meriah kapna merjaki.”
^ Ntah “tiang tanda.”
^ Ntah banci saja “Kunen arah.”
^ Ntah “si meriah kapna merjaki.”