Jesaya 19:1-25
19 Berita penghukumen kerna Mesir:+
Nenlah! Nangkih Jahwe i datas embun si meter janah lawes Ia ku Mesir.
Dibata-dibata Mesir si la erguna, nggirgir pagi i lebe-lebeNa,+Janah mbiar pagi kalak Mesir.
2 “Kuban pagi kalak Mesir ngelawan kalak Mesir,Silawanen pagi kalak e,Tiap kalak ngelawan seninana ras temanna,Kota ngelawan kota, kerajan ngelawan kerajan.
3 Bingung pagi kalak Mesir,Kacau pagi Kuban rencana kalak e.+
Mindo penampat pagi kalak e man dibata-dibatana si la erguna,Man kalak si beluh nabas-nabasi, si beluh ngelebuh begu kalak mate, ras peramal.+
4 Kuserahken pagi kalak e man sekalak tuan si kejam,Kejam pagi raja si merentah kalak e,”+ nina Tuhan si benar eme Jahwe penguasa malekat.
5 Kerah pagi laut,Lau maler jadi gersang ras kerah.+
6 Bau macik pagi lau maler.
Saluren-saluren Lau Nil si lit i Mesir reh urakna janah kerah.
Macik pagi rambah ras dukut-dukut.+
7 Kerah pagi sinuan-sinuan si lit i tepi Lau Nil+ eme bas babah Lau Nil,Ras kerina negri bas tepi Lau Nil si enggo iambur benih.+
Kerina e iembus angin pagi, janah lanai lit.
8 Erceda ate pagi nelayan-nelayan,Tangis pagi kalak si ngkawil bas Lau Nil,Janah reh sitikna kalak si ngkimbangken jalana ku lau.
9 Ipermelaken pagi kalak si erban uis arah linenBage pe kalak si nenun kain mbentar.+
10 Putus asa pagi kalak si nenun.
Erceda ate kerina kalak upahen.
11 Motu kap peminpin-peminpin Soan.+
Penasehat-penasehat raja Mesir* mereken nasehat si la masuk akal.+
Pang kel kena ngataken bagenda man raja Mesir,
“Aku kap keturunen kalak si pentar,Keturunen raja-raja si mbarenda”!
12 I ja dage kalak pentar kena?+
Adi tuhu kin iteh kalak e, suruh katakenna keputusen si ban Jahwe penguasa malekat kerna Mesir.
13 Peminpin-peminpin Soan, perbahanenna enggo motu.
Peminpin-peminpin Nop*+ enggo itipu.
Kepala-kepala suku Mesir enggo erban bangsana jadi papak.
14 Ban kalak e Mesir papak alu perbahanenna,Ban Jahwe Mesir bingung,+Bagi kalak mabuk si celus bas utahna.
15 La lit dahin kai pe bas Mesir,La soal takal ntah pe ekor, tunas ntah pe cabang.*
16 Bas wari e, bali pagi Mesir bagi diberu, nggirgir janah mbiar, sebap Jahwe penguasa malekat ngayunken tinju-tinjuNa man bana.+
17 Mbiar pagi Mesir man taneh Juda. Megi gelarna ibelasken pe, enggo mbiar kalak Mesir perban keputusen si iban Jahwe penguasa malekat man kalak e.+
18 Bas wari e, lit pagi lima kota i negri Mesir ngerana bas bahasa Kanaan+ janah ersumpah setia man Jahwe penguasa malekat. Salah sada kota e igelari pagi Kota Reruntuhen.
19 Bas wari e, lit pagi ingan nutung* persembahen man Jahwe i tengah-tengah negri Mesir bage pe tiang man Jahwe bas perbatasenna.
20 Enda jadi tanda ras saksi man Jahwe penguasa malekat bas negri Mesir. Kalak e itindas, emaka serko pagi kalak e man Jahwe. UtusNa pagi penyelamat si mulia guna nelamatken kalak e.
21 Bas wari e teh kalak Mesir pagi kerna Jahwe, janah tandai kalak Mesir pagi Jahwe. Persembahken kalak e pagi persembahen ras hadiah. Erjanji pagi kalak e man Jahwe janah tepatina.
22 Serang Jahwe pagi Mesir,+ pekpekNa jenari pepalemNa. Mulihken pagi kalak e man Jahwe, janah begiNa pemindon kalak e jenari pepalemNa.
23 Bas wari e, lit pagi pasar si mbelang+ arah Mesir ku Assur. Kenca si e reh pagi Assur ku Mesir, janah Mesir reh ku Assur. Ras-ras pagi Mesir ras Assur ngelayani Dibata.
24 Bas wari e, ersada pagi Israel ras Mesir bage pe Assur,+ janah jadi pasu-pasu man doni.
25 Sebap Jahwe penguasa malekat masu-masu kalak e pagi. Nina, “Ipasu-pasulah umatKu eme Mesir, ras ciptanKu eme Assur, bage pe warisenKu eme Israel.”+
Cataten i teruh
^ As. “Paro; Firaun.” Penggelaren man raja Mesir.
^ Ntah “Mempis.”
^ Ntah banci saja “cabang kurma ntah pe rambah.”
