Jesaya 2:1-22
2 Enda me si idah Jesaya anak Amos kerna Juda ras Jerusalem:+
2 Bas wari-wari pendungi,*Gunung ingan rumah Jahwe,Pajek pagi alu paguh ganjangen asangken gunung-gunung,+Janah ganjangen asangken bukit-bukit,Kerina pagi bangsa-bangsa reh ku je.+
3 Melala pagi kalak lawes janah ngataken,
“Ota kita naik ku gunung Jahwe,Ku rumah Dibata Jakup.+
AjariNa pagi kita dalan-dalanNa,Janah erdalan pagi kita ngikutken dalan-dalanNa.”+
Lit pagi undang-undang* ndarat arah Sion,Bage pe kata-kata Jahwe arah Jerusalem.+
4 HakimiNa pagi bangsa-bangsa,Janah dungiNa pagi persoalen melala bangsa.
Ban kalak e pagi pedang jadi piso bajak,Janah tombak jadi sabi-sabi.+
Bangsa lanai pagi ngangkat pedang ngelawan bangsa.
Lanai pagi kalak e erlajar perang.+
5 O keturunen Jakup,Mari kita erdalan bas terang Jahwe.+
6 TadingkenNdu umatNdu eme keturunen Jakup,+Sebap bas negri kalak e dem alu kai si rehna arah Timur nari.
Lakoken kalak e ilmu sihir+ bagi kalak Pilisti,Janah enterem keturunen bangsa si deban tading i tengah-tengah kalak e.
7 Negri kalak e dem alu pirak ras emas,Erta kalak e la lit batasna.
Negri kalak e dem alu kuda,Gereta perang kalak e lanai terkira buena.+
8 Negri kalak e dem dibata-dibata si la erguna.+
Sujud kalak e man berhala-berhala si ban kalak e,Si banna alu tanna ras jari-jarina.
9 Perban sujud manusia, manusia e jadi rendah.
Janah kalak e la banci ampuniNdu.
10 Masuk kalak e ku gunung batu janah cebuni kalak e bas taneh,Sebap mbiar kalak e man rawa JahweBage pe man kemulianNa si luar biasa.+
11 Kalak si meganjang rukur, ipeteruk pagi,Janah kalak si sombong, sujud pagi.*
Jahwe ngenca pagi si imuliaken bas wari e.
12 Sebap wari e wari Jahwe penguasa malekat.+
Reh pagi wari e engkenai kerina kalak, kalak si sombong ras si meganjang rukur,Kalak si terpandang ntah pe si lang,+
13 Kerina batang kayu aras si meganjang ras si galang arah Libanon,Kerina batang kayu si galang kel i Basan pe kena,
14 Kerina gunung si meganjang,Ras kerina bukit si meganjang pe kena,
15 Kerina menara si meganjang ras benteng si megegeh pe kena,
16 Kerina kapal Tarsis,+Ras kerina perahu si mejile pe kena.
17 Kalak si meganjang rukur, ipeteruk pagi,Kalak si sombong, sujud pagi,*Jahwe ngenca pagi si imuliaken bas wari e.
18 Dibata-dibata si la erguna tuhu-tuhu pagi ikernepken.+
19 Masuk pagi kalak ku gua batuRas ku lubang taneh,+Perban rawa Jahwe si erban mbiarBage pe kemulianNa si luar biasa,+Sanga tedis Ia guna erban doni nggirgir janah mbiar.
20 Bas wari e, buat kalak pagi berhalana si la erguna si banna arah pirak ras emas,Si banna guna isembah.
Kerinana e benterkenna pagi man menci ras kelelawar.+
21 Jenari masuk pagi kalak e ku celah-celah batuRas ku celah-celah tebing,Perban rawa Jahwe si erban mbiarBage pe kemulianNa si luar biasa,Sanga tedis Ia guna erban doni nggirgir janah mbiar.
22 Guna kiniulin kena, ula nai kena tek man manusia,Si perlu kesah gelah banci nggeluh.
Kai gunana tek kena man bana?
Cataten i teruh
^ Ntah “Bas pendungi jaman e.”
^ Ntah “petunjuk.”
^ Ntah “iban pagi patuh.”
^ Ntah “iban pagi patuh.”
