Jesaya 20:1-6
-
Tanda man Mesir ras Etiopia (1-6)
20 Bas tahun sanga Sargon raja Assur ngutus peminpin pasuken* ku Asdot,+ erperang ia ngelawan Asdot janah talukenna Asdot.+
2 Sanga si e, ngerana Jahwe arah Nabi Jesaya+ anak Amos, nina, “Laweslah, tangtangi uis guni si lit bas awakndu janah lepasken selopndu.” Lakokenna bage, erdalan ia la erselop janah la metunggung uis si pakena.*
3 Kenca si e nina Jahwe, “Bali bagi umatKu Jesaya si erdalan la erselop ras la metunggung uis si pakena sedekah telu tahun guna jadi tanda+ ras persinget man Mesir+ ras Etiopia,+
4 bage me raja Assur maba kalak Mesir,+ kalak Etiopia, anak-anak, kalak si enggo metua, si enggo itaban alu la erselop janah la metunggung uis si pakena. Buta-butana pe teridah. Ipermelaken pagi Mesir.
5 Mela janah mbiar pagi akap kalak si ngarap man Etiopia ras si mbanggaken Mesir.
6 Bas wari e, bagenda pagi nina penduduk si tading i daerah pantai, ‘Cuba nen kai si terjadi man si arapken kami, padahal enggo kiam kami mindo penampat man bana gelah selamat arah raja Assur! Gundari uga carana kami banci selamat?’”
