Jesaya 22:1-25
22 Berita penghukumen kerna Lembah Pengenehenen:*+
Kena kai kam e, maka nangkih kerina pendudukndu ku atap?
2 Kacau kel kam,Gejek kotandu janah ersenang-senang.
Pendudukndu si mate labo mate perban pedang,Ntah pe mate perban perang.+
3 Kerina penguasandu si kejam enggo radu kiam.+
La perlu panah guna naban kalak e.
Kerina si terdat, itaban pagi,+Amin pe enggo ndauh kalak e kiam.
4 Emaka bagenda ningku, “Ula nenndu aku,Ula apulindu aku.+
Nderkuh kel pagi aku ngandungPerban bangsaku enggo hancur.+
5 Sebap e wari si kacau, wari si guntar, ras wari kehancuren+Arah Tuhan Si Meganjangna eme Jahwe penguasa malekat,Bas Lembah Pengenehenen.
Tembok enggo iruntuhken+Janah terbegi sora serko bas gunung.
6 Buat Elam+ ingan panahBage pe gereta-gereta perang ras kuda-kuda,*Sikapken Kir+ perisai.*
7 Lembah-lembahndu* si mejilena,Dem pagi i je gereta-gereta perang,Janah ersikap pagi pasuken si erkuda i gerbang.
8 Lanai pagi lit pelindung Juda.
“Bas wari e, tatapndu pagi senjata-senjata i Rumah Kerangen Libanon,+
9 idahndu pagi melala lubang bas tembok Kota Daud.+ Janah buatndu lau arah kolam si arah teruh.+
10 Kirandu pagi rumah-rumah bas Jerusalem, janah runtuhkenndu rumah-rumah e guna mpepaguh tembok.
11 Banndu pagi sada ingan antara dua tembok guna ingan lau arah kolam si ndekah, tapi la andalkenndu Pencipta Si Mulia, janah la perdiatekenndu Ia si mbentuksa nai-nai nari.
12 Bas wari e, Tuhan Si Meganjangna eme Jahwe penguasa malekat,Nuruh kam pagi guna ngandung ras erceda ate,+Guna ncukur takal ras make uis guni.
13 Tapi lit ka si ermeriah ukur ras erpesta-pesta,Gelehna lembu ras biri-biri,Man daging ras minem anggur.+
Nindu pagi, ‘Mari kita man ras minem, sebap pagi mate kap kita.’”+
14 Kenca si e, Jahwe penguasa malekat ngerana man bangku, nina, “‘Kesalahen enda la pagi iampuni ngasa kena mate,’+ nina Tuhan Si Meganjangna eme Jahwe penguasa malekat.”
15 Bagenda nina Tuhan Si Meganjangna eme Jahwe penguasa malekat, “Dahilah Sepna+ pengurus istana e, janah kataken man bana,
16 ‘Erkai kam ku jenda? Lit kin hakndu mbangun kuburen i jenda?’ Bas ingan si meganjang bangunna kuburenna. Bas tebing batu, ukirna kuburen man bana.
17 ‘Nenlah! O manusia, Aku, Jahwe, asa gegehKu Kubenterken pagi kam ku teruh janah keskes pagi kam Kutagangi.
18 Keskes pagi kam Kubungkus janah Kubenterken pagi kam bagi bola ku taneh si mbelang. I je pagi kam mate, janah i je pagi gereta perangndu si mulia itadingken, jadi kemelan man keluarga tuanndu.
19 Kupecat janah Kupenusur pagi kam arah jabatenndu.
20 “‘Bas wari e, Kulebuh pagi pelayanKu Eliakim+ anak Hilkia,
21 Kubereken pagi jubahndu man bana ras keskes pagi Kuiketken ikat pinggangndu man bana,+ Kubereken ka pagi kekuasanndu man bana. Jadi bapak penduduk Jerusalem pagi ia bage pe keturunen Juda.
22 Kutama pagi kunci rumah Daud+ bas barana. Ia pagi si mbukasa janah la lit si banci nutupsa. Ia pagi si nutupsa janah la lit si banci mbukasa.
23 Kupantukken pagi ia alu paguh bas ingan si rasa lalap. Bagi tahta kemulian pagi ia man keluarga bapakna.
24 Gantungken kalak e pagi man bana kerina kemulian keluarga bapakna, keturunenna ras kempu-kempuna, kerina mangkok si kitik, kudin si bentukna bagi mangkok, bage pe kerina guci si galang.’
25 “Nina Jahwe penguasa malekat, ‘Bas wari e, ibuat pagi pantuk si ipantukken bas ingan si rasa lalap,+ jenari ipotong janah ndabuh. Ihancurken pagi baban si lit i datasna, sebap enggo bage nina Jahwe.’”
Cataten i teruh
^ Mungkin maksudna Jerusalem.
^ Ntah “ampang-ampang.”
^ Ntah “ras si nangkih kuda.”
^ Ntah “Baluren-balurenndu.”
