Jesaya 23:1-18
-
Berita peghukumen kerna Tirus (1-18)
23 Berita penghukumen kerna Tirus:+
Nderkuhkenlah, o kapal-kapal Tarsis!+
Pelabuhen enggo ihancurken, lanai banci imasuki.
Si e enggo ikataken arah taneh Kitim nari.+
2 Sinikkenlah, o penduduk si tading i pinggir pantai.
Perbinaga arah Sidon nari+ si nyebrangi laut enggo nambahi kebayakenndu.
3 Biji-bijin* arah Sihor,*+Ras hasil rani arah Lau Nil eme sumber penghasilenna, ibaba arah laut nari,Janah e maba keuntungen man bangsa-bangsa.+
4 O Sidon, benteng laut, arusna mela akapndu,Sebap nina laut,
“La pernah kugejapken mesui perban melahirken, janah la aku pernah melahirken,Aku la pernah mpebelin anak perana ntah pe singuda-nguda.”+
5 La pagi tenang kalak megi laporen kerna Tirus,+Bagi sanga begi kalak laporen kerna Mesir.+
6 Nyebranglah ku Tarsis!
Nderkuhkenlah, o penduduk si tading i pinggir pantai!
7 Enda kin kotandu si lalap ersenang-senang mbarenda nari, mulai kin ia ibangun?
Nahena enggo biasa maba ia ku ingan si ndauh guna tading i je.
8 Ise kin si erban keputusen kerna si e man Tirus,Kota si mbagi-bagiken mahkota,Si pebisnisna eme peminpin-peminpin,Si perbinagana eme kalak si ihamati i doni?+
9 Jahwe penguasa malekat kap si erban keputusen kerna si e,Ihina pagi kerina kejilen si banggakenna,Janah ipermelaken pagi kalak si ihamati i sebelang doni.+
10 O penduduk Tarsis, sebrangilah negrindu bagi nyebrangi Lau Nil.
Lanai pagi lit ingan erban kapal.*+
11 Dudurken Dibata tanNa ku laut,Ugur-ugurNa kerajan-kerajan.
Perentahken Jahwe gelah tembok-tembok Punike ihancurken.+
12 Nina, “O penduduk Sidon si isiksa,Lanai pagi kam ersenang-senang.+
Tediskenlah, nyebranglah ku Kitim.+
I je pe pagi labo datndu ketenangen.”
13 Nenlah negri Kaldea!+
Kalak Kaldea kap e, labo Assur+Si erban ia jadi ingan tading man binatang gurun pasir.
Kalak e kap si majekken menara-menara guna ngepung.
Kalak e si ngeruntuhken benteng menara-menarana,+Ibanna jadi reruntuhen.
14 O kapal-kapal Tarsis, nderkuhkenlah,Sebap tembok-tembok kotandu enggo ihancurken.+
15 Bas wari e, ilupaken pagi Tirus 70 tahun dekahna,+ bagi umur sekalak raja. Bas pendungi 70 tahun e, Tirus bali pagi bagi lagu pelacur enda:
16 “O pelacur si ilupaken, buatlah harpa* janah kelilingilah kota.
Mainken harpandu alu mehuli,Endekenlah melala lagu,Gelah inget kalak e kam.”
17 Bas pendungi 70 tahun e, perdiateken Jahwe pagi Tirus. Mulihi pagi kota e jadi kalak upahen janah dayakenna bana man kerina kerajan i belang-belang doni.
18 Untung ras upah kalak e, jadi si badia pagi man Jahwe. Si e labo pagi isimpan ntah pe ipepulung, sebap upahna ibereken pagi man umat Jahwe, gelah banci kalak e man seh ngasa besur ras lit bajuna si mejile.+
Cataten i teruh
^ As. “Benih.”
^ Maksudna, salah sada cabang Lau Nil.
^ Ntah banci saja “lit pelabuhen.”
^ Harpa eme alat musik si ersenar bagi gitar, tapi bentukna beda
