Jesaya 24:1-23
24 Nenlah! Kosongken Jahwe negri e* janah banNa la iurus.+
JungkirbalikkenNa negri e+ janah banNa pendudukna merap.+
2 Seri pagi si terjadi man kerina kalak:
Umat bage pe imam,Budak bage pe tuan,Budak bage pe tuanna si diberu,Si nukur ras si erbinaga,Si minjam ras si mereken pinjamen,Si rutang ras si jadi ingan perutangen.+
3 Kosong kel pagi negri e.
Keri pagi ijarah,+Sebap enggo bage nina Jahwe.
4 Negri e erceda ate*+ ras susah.
Taneh si subur jadi gersang ras kerah.
Pejabat-pejabat negri e pe reh sitikna.
5 Kotor pagi negri e iban pendudukna,+Sebap langgar kalak e undang-undang,+Ubahna peraturen,+Janah la tepatina perjanjin si rasa lalap.*+
6 E me sebapna hancur negri e perban kena sumpah,+Janah pendudukna ianggap ersalah.
E me sebapna penduduk negri e reh sitikna,Janah sitik nari ngenca si tading.+
7 Anggur si mbaru erceda ate,* batang anggur melus,+Janah kerina kalak si meriah ukurna, mengeluh.+
8 Sora ermeriah ukur perban rebana enggo ngadi.
Surak-surak ermeriah ukur lanai lit.
Sora harpa* si meriah pe enggo ngadi.+
9 Minem anggur kalak e tapi la lit ende-enden,Inemen alkohol pagit akap kalak si nginemsa.
10 Kota si la iurus enggo runtuh.+
Kerina rumah itutup gelah la lit si banci masuk.
11 Serko kalak e mindo anggur bas dalan-dalan.
Kerina keriahen ukur enggo bene.
Keriahen ukur negri e enggo lanai lit.+
12 Kota e ipediat jadi reruntuhen.
Gerbangna enggo hancur jadi batu si ergun-gun.+
13 Bagenda me keadan negri e pagi i tengah bangsa-bangsa:
Bagi sanga batang saitun ipekpeki,+Bagi sisa peranin sanga musim rani anggur enggo dung.+
14 Ersurak pagi kalak e,Ersurak pagi kalak e alu ermeriah ukur.
Umumken kalak e pagi kemulian Jahwe arah barat* nari.+
15 E me sebapna muliaken kalak e pagi Jahwe arah daerah timur.*+
Muliaken kalak e pagi gelar Jahwe Dibata Israel i pulau-pulau si lit i laut.+
16 Arah ujung-ujung doni nari begi kami lagu enda,
“Imuliakenlah Dibata Si Adil!”+
Tapi ningku, “Latih kel kuakap janah lanai aku ergegeh!
Cilaka kel aku! Penghianat enggo erhianat.
Berhianat kalak e alu licik.”+
17 Kebiaren, lubang, ras jerat nimai kam, o penduduk negri.+
18 Kalak si kiam arah sora si erban mbiar, ndabuh pagi ku lubang,Kalak si ndarat arah lubang kena jerat pagi.+
Terbuka pagi pintu-pintu lau i langit,Janah mugur-ugur pagi pondasi-pondasi taneh.
19 Terbelah pagi taneh,Mugur-ugurRas nggirgir.+
20 Mbewat-mbewat negri e bagi kalak mabuk,Mugur-ugur ku jah ku je bagi sapo si embus angin.
Kesalahenna si mberat ndehken ia,+Emaka ndabuh pagi ia janah lanai banci tedis.
21 Bas wari e, perdiateken Jahwe pagi pasuken si i surga,Bage pe raja-raja si lit i doni.
22 Ipepulung pagi kalak eBagi tabanen si ipepulung ku bas sada lubang.
Ipenjaraken pagi kalak e i teruh taneh.
Ndekah pagi maka kalak e iperdiateken.
23 Mela pagi akap bulan purnama,Bage pe matawari si ersinar,+Sebap Jahwe penguasa malekat enggo jadi Raja+ i Gunung Sion+ ras i Jerusalem,Imuliaken pagi Ia i lebe-lebe kalak si enggo metua bas umatNa.+
Cataten i teruh
^ Ntah “doni.”
^ Ntah banci saja “kerah.”
^ Ntah “si mbarenda.”
^ Ntah banci saja “kerah.”
^ Harpa eme alat musik si ersenar bagi gitar, tapi bentukna beda.
^ Ntah “laut.”
^ Ntah “terang.”
