Jesaya 26:1-21
26 Bas wari e iendeken pagi lagu enda+ i negri Juda,+
“Kotata paguh.+
Ban Dibata pagi keselamaten jadi tembokta ras jadi tembok pertahanenta.+
2 Bukalah gerbang-gerbang+ gelah bangsa si bujur banci masuk,Bangsa si lalap setia perbahanenna.
3 LindungiNdu pagi kalak si ngandalken Kam.*
Lalap pagi bereNdu kedamen man kalak e,+Perban tek kalak e baNdu.+
4 Teklah man Jahwe seh rasa lalap,+Sebap Jahwe,* Jahwe kap Gunung Batu seh rasa lalap.+
5 PenusurNa kalak si tading bas ingan si meganjang, kota si tual.
PenusurNa kota e,PenusurNa seh ku doni.
SampetkenNa ku abu.
6 Iperjaki pagi kota e,Kalak si mesera ras kalak si tersiksa pagi si merjakisa.”
7 Pinter kap dalan kalak si bujur.
BanNdu pagi dalanna rata,Sebap Kam bujur.
8 O Jahwe, sanga ikutken kami dalanNdu si adil,Ngarap kami man baNdu.
Merhat kel kami nginget Kam bage pe gelarNdu.*
9 Paksa berngi, tedeh kel ateku Kam,Kudaram-darami kel Kam.+
Sebap sanga hakimiNdu doni,Pelajari pendudukna pagi kerna kai si benar.+
10 Amin pe kalak jahat ndatken perkuah ate,Labo pagi ia erlajar kerna kai si benar.+
Bas negri kebenaren pe, lakokenna pagi si jahat,+Labo pagi idahna kemulian Jahwe.+
11 O Jahwe, angkatNdu tanNdu, tapi la idah kalak e.+
Mela pagi akap kalak e ngidah kekelengenNdu si mbelin man umatNdu.
BanNdu pagi keri imbang-imbangNdu ipan api.
12 O Jahwe, berekenNdu pagi kedamen man kami,+Sebap kerina si lakoken kamiIpasu-pasu perban Kam.
13 O Jahwe Dibata kami, tuan-tuan si deban nguasai kami,+Tapi gelarNdu ngenca si puji kami.+
14 Mate kalak e, lanai pagi kalak e nggeluh.
Lanai kalak e ergegeh bas kematen, lanai pagi kalak e keke.+
Sebap enggo banNdu keputusen guna engkernepken kalak e,Emaka lanai pagi kalak e iinget.
15 O Jahwe, banNdu bangsa enda reh teremna,BanNdu bangsa enda reh teremna,BanNdu Kam mulia.+
BanNdu batas-batas negri e reh belangna.+
16 O Jahwe, darami kalak e Kam sanga susah,Ertoto kalak e alu erkusik nuriken isi pusuhna sanga disiplinNdu kalak e.+
17 O Jahwe, bagi diberu hamil si nandangi melahirken,Mesui kapna janah serko ia perban suina,Bage me si nanami kami perban Kam.
18 Hamil kami, mesui akap kami sebap nandangi melahirken,Tapi kami bagi ngelahirken angin.
La baba kami keselamaten man negri e,Janah la lit si lahir guna ngiani negri e.
19 Nina Dibata, “Kalak si mate arah tengah-tengah kena, nggeluh ka pagi.
Mayat-mayat umatKu keke pagi.+
O kena si tading bas abu!+
Kekekenlah janah ersuraklah alu meriah ukur!
Namur kena bagi namur erpagi-pagi,*Janah pediat doni pagi kalak si la ergegeh bas kematen nggeluh mulihi.
20 O umatKu, masuklah ku kamar-kamarndu si arah bas,Janah tutuplah pintu.+
Cebunilah ntisikSeh ngasa ngadi rawa Dibata.+
21 Nenlah! Aku, Jahwe, ndarat arah inganKu nari,Guna ngukum penduduk negri e perban kesalahenna.
Pembunuhen bas negri e, tereteh pagiJanah pembunuhen si lit i je, lanai pagi itutupi.”
Cataten i teruh
^ Ntah banci saja “kalak si paguh tekadna.”
^ As. “Jah.” Jah eme singkaten gelar Jahwe.
^ Maksudna, merhat gelah Dibata ras gelarNa iteh kalak.
^ Ntah banci saja “Namur bas sinuan-sinuan si jadi tambar (malow).”
