Jesaya 29:1-24
29 “Cilaka me Ariel,* kota ingan Daud erkemah!+
Tahun ku tahun,Teruslah rayaken perayan tahunen.+
2 Kuban pagi terjadi kesusahen man Ariel,+Janah terjadi pagi ceda ate ras tangis,+Bali pagi ia ras ingan mpegara api bas ingan nutung* persembahen Dibata.+
3 Erkemah pagi Aku i sekelilingndu guna ngelawan kam,Kukepung kam alu tiang-tiang kayu si ntelap,Janah Kupajekken pagar-pagar guna ngepung kam.+
4 Irendahken pagi kam,Ngerana pagi kam arah taneh nari,Janah kai si katakenndu arah abu nari, menam la terbegi.
Terbegi pagi sorandu arah taneh nari,+Bagi sora kalak si beluh ngelebuh begu kalak mate,Janah kata-katandu bagi sora kusik-kusik arah abu nari.
5 Musuh-musuhndu si melala bali pagi bagi abu,+Gerombolen kalak si kejam bali bagi segal* si embus angin.+
Rempet pagi si e terjadi, la iarap.+
6 Jahwe penguasa malekat ngelindungi kam pagi,LindungiNa alu lenggur, gempa, ras sora si megang,Alu angin meter, badai, ras api si gara si engkernepken.”+
7 Kenca si e kerina bangsa si pulung guna ngelawan Ariel,+Kerina si erperang ngelawan ia,Menara-menara guna ngepung ia,Kalak si erban ia susah,Bali pagi bagi nipi sanga berngi.
8 E bali bagi kalak si melihe si ernipi sangana man,Tapi kenca ia medak melihe denga ia,Bagi kalak si muas si ernipi sangana minem,Tapi kenca ia medak latih kapna janah muas denga ia.
Bage me pagi si terjadi man kerina bangsaSi erperang ngelawan Gunung Sion.+
9 Sengget janah mamanglah ate kena,+Pepentang-pentanglah diri kena gelah lanai banci erpengidah.+
Mabuk kalak e labo perban minem anggur,Mbewat-mbewat kalak e labo perban alkohol.
10 Sebap enggo iban Jahwe entabeh perpedem kena,+TutupNa mata kena, o nabi-nabi,+TutupNa takal kena, o kalak si lit pengenehenenna.*+
11 Kerina pengenehenen e bagi kata-kata bas buku si isegel man kena.+ Sanga pindo kena man kalak si beluh mbaca, “Tolong bacakenndu,” nina pagi, “La banci sebap isegel denga.”
12 Sanga pindo kena man kalak si la beluh mbaca guna mbacakenca, katakenna pagi maka la banci bacana perban la ia beluh mbaca.
13 Nina Jahwe, “Kataken kalak e maka deherina pagi Aku,Janah kataken kalak e maka hamatina Aku,+Tapi pusuhna ndauh arah Aku nari,Mbiar kalak e man bangKu perban ngikutken perentah manusia ngenca.+
14 E me sebapna, Kulakoken pagi kai si erban mamang ate kalak e,+Kuban pagi kai si luar biasa man kalak e.
Masap pagi kepentaren kalak si pentar,Janah bene pagi pengertin kalak si lit pengertinna.”+
15 Cilaka me kalak si usahakenna muniken rencanana* arah Jahwe nari.+
Ertindak kalak e bas ingan si gelap,Janah nina, “Labo lit si ngidah kita.
Labo kari kita tereteh!”+
16 Licik kel kena!
Banci kin ipeseri taneh liat ras kalak si erban kudin?+
Banci kin nina barang si iban e man si erbanca,
“Labo ia si erban aku”?+
Janah barang si iban e ngataken kerna si erban ia,
“Labo tehna kai pe”?+
17 Ntisik nari, iubah me Libanon jadi kebun buah-buahen,+Janah kebun buah-buahen ianggap pagi bagi kerangen.+
18 Bas wari e, begi kalak pasek pagi kata-kata bas buku enda,Mata kalak pentang erpengidah pagi arah kegelapen nari.+
19 Kalak si meteruk rukur, ermeriah ukur kel pagi perban Jahwe,Janah kalak mesera, ermeriah ukur pagi perban Dibata Israel Si Badia.+
20 Sebap kalak si kejam lanai pagi lit,Kalak si tual ikernepken,Janah kerina kalak si ndarami kesempaten ngelakoken si jahat ihancurken,+
21 Bage pe si ngataken kai si la tuhu gelah kalak si deban ersalah,Si njebak kalak si mereken persinget i gerbang kota,+Bage pe si ngataken kai si la tuhu gelah kalak si benar la ndatken keadilen.+
22 Emaka bagenda nina Jahwe si nebus Abraham,+ man keturunen Jakup,
“Lanai pagi mela akap Jakup,Janah lanai pagi pucat ayona.*+
23 Sebap sanga inenna anak-anakna,Eme hasil pendahin tanKu si lit i tengah-tengahna,+Pebadia kalak e pagi gelarKu,Puji kalak e Dibata Jakup Si Badia,Janah hamatina Dibata Israel.+
24 Kalak si salah perukurenna, datna pagi pengertin,Janah kalak si mengeluh, datna pagi petunjuk.”
Cataten i teruh
^ Mungkin maksudna “Ingan Mpegara Api bas Ingan Nutung Persembahen man Dibata,” mungkin maksudna Jerusalem.
^ Ntah “kulit page; kulit gandum; kulit barli.”
^ Eme kerna kai pe si cidahken Dibata ku bas pikiren sekalak jelma.
^ Ntah “nasehatna.”
^ Maksudna, perban mela ras kecewa.
