Jesaya 3:1-26
3 Nenlah! Jahwe Tuhan si benar, penguasa malekat,AmbekkenNa kerina penampat arah Jerusalem ras Juda,Eme pangan ras inemen,+
2 Dilaki si megegeh, prajurit,Hakim, nabi,+ peramal, ras peminpin,
3 Peminpin man 50 kalak,+ pejabat, penasehat,Si beluh ilmu sihir ras tukang mantra.+
4 Anak si kitik denga pagi Kuban jadi peminpin kalak e,Janah kalak si la tetap ukurna pagi si nguasai kalak e.
5 Sitindasen kalak e,Tiap kalak pagi nindas temanna.+
Kalak si enggo metua iserang kalak si nguda denga,Kalak si ihamati ilawan kalak si irendahken pagi.+
6 Tiap kalak pagi nagangi seninana i rumah bapakna janah nina,
“Kam lit kap jubahndu, kamlah si minpin kami.
Uruslah reruntuhen enda.”
7 Tapi erpenulak ia bas wari e, nina,
“Aku la nggit mpepalem luka kena,La lit pangan ras baju i rumahku.
Ula ban kena aku jadi peminpin bangsa enda.”
8 Jerusalem enggo tertuktuk,Janah Juda enggo ndabuh,Perban ranan ras perbahanen kalak e ngelawan Jahwe,Meriah akap kalak e mberontak i lebe-lebe Dibata si mulia.+
9 Arah ayona teridah uga kin situhuna kalak e,Umumkenna dosana bali bagi Sodom,+La bunikenna.
Cilaka kalak e, sebap hancurkenna bana!
10 Kataken man kalak bujur maka labo pagi kalak e kaden pe,Iupahi pagi kalak e perban kai si lakokenna.+
11 Cilaka kalak jahat!
Reh pagi bencana man kalak e,Sebap kai si lakoken kalak e, bage ka pagi terjadi man bana!
12 Tapi bangsaku, isiksa mandorna,Janah diberu si erkuasa nandangi kalak e.
O bangsaku, papak kena iban peminpin kena,Janah ibanna la teh kena kerna dalan si man dalanen kena.+
13 Enggo ersikap Jahwe guna nuntut,Tedis Ia guna ngataken hukumen man bangsa-bangsa.
14 Hakimi Jahwe pagi peminpin-peminpin ras pejabat-pejabat umatNa.
“Tutung kena kebun anggur,Janah kerina si tangko kena arah kalak si mesera lit bas rumah kena.+
15 Pang kel kena erban umatKu hancurJanah tindas kena kalak mesera!”+ nina Tuhan Si Meganjangna, Jahwe penguasa malekat.
16 Nina Jahwe, “Perban sombong anak-anak Sion si diberu,Jurgak kalak e erdalan,Main mata kalak e, lebih-lebihkenna perdalannaGelah ersora gelang nahena,
17 Emaka ban Jahwe pagi takal anak-anak Sion si diberu e ugahen,Ban Jahwe takal kalak e botak.+
18 Bas wari e, buat Jahwe pagi perhiasen kalak e,Gelangna, perhiasen takalna, ras perhiasen si bentukna bagi bulan sabit,+
19 Anting-anting, gelang, ras penutup ayona,
20 Tutup takal, gelang nahe, ikat pinggang,Ingan minak wangi ras jimat,
21 Cincin ras anting-anting bas igung,
22 Paken pesta, baju si arah darat, jubah, ras tas kitik,
23 Cermin tan+ ras baju linen,*Penutup takal ras penutup ayona.
24 Minak wangi+ kalak e iganti jadi bau macik,Ikat pinggang kalak e iganti jadi nali,Bukna si mejile jadi botak,+Bajuna si merga iganti jadi kain guni,+Janah rupana si mejile jadi bekas luka.*
25 Mate pagi dilaki-dilaki perban pedang,Janah dilaki si megegeh pe mate pagi bas peperangen.+
26 Gerbang-gerbang Sion erceda ate pagi janah tangis,+Kundul pagi ia bas taneh.”+
