Jesaya 30:1-33
30 Nina Jahwe, “Cilaka me anak-anak si keras kepala enda,+Si ndalanken rencana tapi labo rencanaKu,+Si banna kerja sama* tapi la cocok ras sura-suraKu,Emaka dosa kalak e terus reh buena.
2 Lawes kalak e ku Mesir+ tapi la sungkunna lebe Aku,+Darami kalak e perlindungen arah raja Mesir,*Janah erlindung kalak e i teruh bayangen Mesir!
3 Mela pagi kena perban perlindungen arah Mesir nari,Ihina pagi kena perban erlindung i teruh bayangen Mesir.+
4 Peminpin-peminpin enggo lit i Soan,+Janah utusen-utusen enggo seh i Hanes.
5 Ipermelaken pagi kalak e kerina,Si mpermelaken kalak e eme bangsa si la erguna,Bangsa si la nampati kalak e ras si la mereken keuntungen man kalak e,Tapi mela janah terhina ngenca si dat kalak e.”+
6 Enda me berita penghukumen man binatang-binatang buas i selatan:
Ilewati pagi negri si susah ras dem ate ceda,Ingan singa, eme singa si erngaung,Nipe bage pe nipe si kabang si lit racunna,Baba kalak e pagi erta kalak e i gurung kelede,Janah persedian kalak e i gurung unta.
Tapi kerina e la erguna man bangsa e.
7 Sebap penampat Mesir labo lit gunana.+
Kugelari ia, “Rahap+ si kundul-kundul saja.”
8 “Laweslah, tulislah kerina e bas sada batu i lebe-lebe kalak e,Janah tulisken kerina e bas sada buku,+Gelah kai si itulis e erguna bas wari si pepagi,Jadi saksi seh rasa lalap.+
9 Sebap kalak e bangsa pemberontak,+ anak-anak si nggit nipu,+Si la nggit megiken undang-undang* Jahwe.+
10 Nina kalak e man kalak si banci dat pengenehenen,* ‘Ula kam ngenen,’
Janah man nabi-nabi, ‘Ula katakenndu pengenehenen* si benar man kami.+
Si meriah sajalah kataken man kami, janah ceritaken pengenehenen si la tuhu.+
11 Nilahlah arah dalan si benar, beloklah ku dalan si deban.
Ula nai cakapken kerna Dibata Israel Si Badia man kami.’”+
12 Emaka enda me si kataken Dibata Israel Si Badia,
“Perban la begiken kena kataKu,+Tapi tek kena man bual ras tipun,Janah andalken kena si e kerina,+
13 Kesalahen kena bagi tembok si retak,Tembok si meganjang si reh belangna retakna,Janah tembok e rempet pagi runtuh, la iarap-arap.
14 Hancur pagi e bagi kudin taneh si galang,Perper seh ngasa lanai lit pecahenna si tadingGuna mindahken rara arah ingan mpegara apiNtah pe guna njaruk lau arah kubang.”*
15 Bagenda nina Jahwe Tuhan Si Meganjangna, Dibata Israel Si Badia,
“Adi mulih kena man bangKu janah tetap kena tenang, selamat pagi kena,Adi tetap kena tek janah la kena mbiar, megegeh pagi kena.”+
Tapi la kena nggit.+
16 Ning kena, “Kiam pagi kami nangkih kuda!”
Emaka kiamken dage.
Ning kena ka, “Nangkihi kami pagi kuda si meter!”+
Emaka kalak si ngayaki kena pe meter ka nge.+
17 Ancamen sekalak jelma erban kiam seribu kalak,+Ancamen arah lima kalak erban kena kiam,Seh ngasa si tading arah kena bagi sada tiang i puncak gunung ngenca,Bagi tiang si jadi tanda i datas bukit.+
18 Tapi sabar Jahwe nimai guna ncidahken perkuah ateNa man kena.+
Ertindak pagi Ia guna ncidahken perkuah ateNa man kena.+
Sebap Jahwe eme Dibata si adil.+
Ermeriah ukur kap kalak si ngarap man baNa.*+
19 Sanga tading bangsa e i Sion eme Jerusalem,+ lanai pagi kam tangis.+ Mekuah pagi ateNa kam sanga kam mindo penampat. Kenca begiNa kam, mis kam aloiNa.+
20 Amin gia bereken Jahwe kesusahen jadi panganndu janah bereNa penindasen jadi inemenndu,+ Gurundu Si Mulia lanai pagi buang muka. Idahndu pagi Gurundu Si Mulia.+
21 Adi nilah kam ku kanan ntah ku kiri,+ begindu pagi sora arah pudindu si ngataken, “Enda dalanna,+ arah endalah kam erdalan!”
22 Najis pagi ban kena patung-patung si lapisi kena alu emas ras pirak.+ Ambekken kena pagi si e bagi ngambekken uis si kena dareh haid, jenari ning kena, “Ciga kel ateku!”+
23 PenusurNa pagi udan guna benih si isuan kena,+ janah hasilken taneh pagi mbue pangan.+ Bas wari e, man pagi asuh-asuhen kena bas mbalmbal si mbelang.+
24 Pangan si mejile pagi si pan lembu ras kelede si ipake guna mbajak taneh. Pangan e segalna* enggo ipisahken.*
25 I datas tiap gunung ras bukit si meganjang lit pagi lau maler.+ Bas wari e terjadi pagi melala pembunuhen sanga runtuh menara-menarana.
26 Sinar bulan purnama bali pagi bagi sinar matawari. Sinar matawari pitu kali lipat pagi terangna+ bagi sinar guna pitu wari, sanga baluti Jahwe luka umatNa+ janah pepalemNa luka si parah bekas pemekpekNa.+
27 Nenlah! Reh pagi Jahwe* arah ingan si ndauh nari,Alu rawa si gara ras embun-embun si mekapal.
Dem pagi rawa bas babahNa,Janah dilahNa bagi api si engkernepken.+
28 KesahNa bagi lau si deras, si launa seh ku kerahung,Guna miari bangsa-bangsa alu ndiru seh ngasa lanai lit si tading.
I rahang bangsa-bangsa lit pagi nali kekang+ si maba kalak e ku dalan si salah.
29 Tapi lagu kena bali pagi bagi lagu si iendeken sanga berngi,Sanga ersikap kena* guna perayan.+
Ermeriah ukur pagi kena,Bagi kalak si erdalan janah iiringi sora sulingKu gunung Jahwe, Gunung Batu Israel.+
30 Ban Jahwe pagi terbegi soraNa si mulia,+Janah nusur pagi tanNa+ bas rawaNa si gara+Alu api si gara si engkernepken,+Udan meder,+ udan badai, bage pe udan es.+
31 Sebap mbiar kel pagi kalak Assur perban sora Jahwe,+PekpekNa pagi kalak e alu tongkat.+
32 Tiap pekpek Jahwe kalak AssurAlu tongkat penghukumenNa,Lit sora rebana ras harpa*+Janahna ngangkat tanNa+ ngelawan kalak e bas peperangen.
33 Enggo isikapken pagi Topet*+ man bana,Bage pe man raja-rajana.+
SikapkenNa ingan kayu si mbages ras mbelang,Bas ingan e lit kayu si ergun-gun ras api si gara.
Kesah Jahwe bagi belerang si maler,Emaka tertutung pagi ingan e.
Cataten i teruh
^ As. “Si nuangken persembahen inemen,” mungkin maksudna erban kesepakaten.
^ As. “perlindungen i benteng raja Mesir.”
^ Ntah “petunjuk.”
^ Eme kerna kai pe si cidahken Dibata ku bas pikiren sekalak jelma.
^ Bas bahasa Heber, kata enda ngertiken kengasupen sekalak jelma si bereken Dibata guna meteh sura-suraNa.
^ Ntah banci saja “sumur.”
^ Ntah “si terus nimai Ia.”
^ Ntah “kulit pagena; kulit gandumna; kulit barlina.”
^ Ntah “ipisahken alu sekop ntah pe garpu si galang.”
^ As. “gelar Jahwe.”
^ Ntah “Sanga pebadia kena diri kena.”
^ Harpa eme alat musik si ersenar bagi gitar, tapi bentukna beda.
^ Bas ayat enda “Topet” ipake guna nggambarken ingan nutung-nutung, si maksudna pengkernepen.
