Jesaya 31:1-9
31 Cilaka me kalak si lawes ku Mesir guna ndarami penampat,+Si ngandalken kuda-kuda,+Si tek man gereta perang perban buena,Si tek man kuda* perang perban megegeh,Tapi la andalkenna Dibata Si Badia Israel,Janah la daramina Jahwe.
2 Tapi Dibata pentar janah banNa pagi reh bencana,LakokenNa pagi si katakenNa.
LawanNa pagi kelompok kalak jahat,Bage pe kalak si nampati kalak jahat.+
3 Kalak Mesir manusia ngenca, labo Dibata,Kuda kalak e pe binatang ngenca, labo mahluk roh.+
Sanga dudurken Jahwe tanNa,Ise pe si nampati, tertuktuk pagi,Ise pe si isampati, ndabuh pagi,Radu pagi kalak e kernep.
4 Sebap bagenda nina Jahwe man bangku,
“Jahwe penguasa malekat nusur pagi janah erperangGuna Gunung Sion ras bukitna,Bali bagi singa si erngaung, singa nguda si megegeh i datas mangsana,Si la mbiar sanga kelompok permakan ilebuh guna mpelawessa,La ia mbiar man sora kalak e,La ia mundur perban serko kalak e.
5 Jahwe penguasa malekat ngelindungi Jerusalem pagi bagi perik si kabang i deher anak-anakna.+
LindungiNa ras selamatkenNa ia.
BebaskenNa ras selamatkenNa ia.”
6 “O umat Israel, mulihlah kena ku Dibata. Enggo jelas kel kena mberontak man baNa.+
7 Sebap bas wari e pagi, kerina kalak ngambekken dibata-dibatana si la erguna ras sia-sia, si iban arah emas ras pirak, si iban alu tan kena janah si erban kena erdosa.
8 Mate pagi kalak Assur alu pedang, tapi labo alu pedang manusia.
Pedang si labo pedang manusia e pagi si engkernepken kalak e.+
Kiam pagi kalak e perban pedang e,Janah kerja paksa pagi anak muda kalak e.
9 Bene pagi tebing batu kalak e perban biarna,Mbiar pagi peminpin-peminpin kalak e perban tiang si jadi tanda,” nina Jahwe,Si apiNa* lit i Sion, si ingan mpegara apiNa lit i Jerusalem.
