Jesaya 32:1-20
32 Nenlah! Sekalak raja+ merentah pagi guna kai si benar,+Janah peminpin-peminpin erkuasa guna kai si adil.
2 Tiap peminpin bali pagi bagi ingan cicio arah angin si meter,Bagi ingan erlindung arah udan badai,Bagi lau si maler i taneh si kerah,+Bagi bayangen tebing batu si galang i taneh si gersang.
3 Mata kalak si banci ngidah labo pagi itutup,Janah cuping kalak si megi tetap pagi terbuka.
4 Pusuh kalak si buru-buru, ukurina pagi pemeteh,Janah dilah kalak si gagap, lancar pagi ngerana ras jelas.+
5 Kalak motu lanai pagi ianggap kalak si nggit mere,Janah kalak si la jujur labo pagi ianggap kalak si ihamati.
6 Sebap icakapken kalak motu pagi kai si la tuhu,Janah pusuhna ngerencanaken kai si jahat,+Gelah kalak jadi murtad janah ncakapken kai si la tuhu kerna Jahwe,Gelah kalak si melihe tetap melihe,Janah la pediatna kalak si muas minem.
7 Kalak si la jujur lit cara-carana si jahat,+Dukungna perbahanen si erban melaGuna ncilakai kalak si susah alu bual,+Amin pe benar kai si ikataken kalak si mesera.
8 Tapi kalak si nggit mere meriah ukurna mere,Janah lalap pagi ia mere.
9 “O diberu-diberu si entabeh pergeluhna, kekeken janah begiken aku!
O anak diberu si tenang pergeluhna,+ perdiateken kai si kukataken!
10 Bas sada tahun lewat sitik, kena si tenang pergeluhna, nggirgir pagi perban biarna,Sebap lanai lit anggur si ipepulung sanga keri musim rani.+
11 O diberu si entabeh pergeluhna, nggirgirlah kena!
O diberu si tenang pergeluhna, mbiarlah kena!
Tangtangi uis kena,Janah pakelah kain guni bas awak kena.+
12 Pekpeki dada kena janah ngandunglah,Tangisi juma kena bage pe batang anggur kena si erbuah.
13 Sebap tutupi peren duri ras sinuan-sinuan si erduri pagi taneh bangsaku,Tutupina pagi kerina rumah si sedekah enda dem alu keriahen ukur,Tutupina kota si dem i je keriahen.+
14 Menara si lit bentengna ipediat pagi la iingani,Kota si gejek enggo itadingken.+
Opel+ ras menara penjaga jadi ingan si gersang seh rasa lalap,Jadi ingan si meriah akap kelede kerangen,Ras jadi mbalmbal ingan biri-biri,+
15 Seh ngasa bereken Dibata kesah si badiaNa man banta,+Janah taneh mesawang* jadi kebun buah-buahen,Janah kebun buah-buahen ianggap jadi kerangen.+
16 Jenari lit pagi keadilen i taneh mesawang,*Janah lit pagi kebenaren i kebun buah.+
17 Hasil kebenaren situhu-tuhu eme kedamen,+Janah buah kebenaren situhu-tuhu eme keamanen ras ketenangen seh rasa lalap.+
18 Tading pagi bangsaku bas ingan si lalap dame,Bas ingan si aman ras dame.+
19 Tapi hancur pagi kerangen iban udan es,Janah kota-kota irataken pagi.
20 Ermeriah ukurlah kalak si nuan benih bas gedang-gedang lau si maler,Si mulahi lembu ras kelede.”+
