Jesaya 34:1-17
34 O bangsa-bangsa, rehlah kena janah begikenlah,O bangsa-bangsa, perdiatekenlah.
Pediatlah doni ras kerina isina megiken,Bage pe taneh ras kerina hasilna.
2 Sebap merawa pagi Jahwe man kerina bangsa,+Ngilas pagi ateNa kerina pasuken kalak e.+
KernepkenNa pagi kalak e,BunuhNa pagi kalak e.+
3 Kalak si terbunuh iambekken pagi,Nangkih pagi bau mayat kalak e.+
Melengas pagi gunung-gunung perban dareh kalak e.+
4 Macik pagi kerina pasuken langit,Igulung pagi langit bagi gulungen buku.
Nartar pagi kerina pasuken langit,Bagi bulung si melus si nartar arah batang anggur,Bagi buah ara si kerah si nartar arah batangna.
5 “Litap pagi pedangKu perban dareh i langit.+
Nusur pagi e ngakimi Edom,+Bangsa si enggo Kutetapken guna ikernepken.
6 Aku kap Jahwe si mpuna pedang e,Dem pagi pedang e alu dareh ras lemak,+Eme dareh biri-biri jantan si nguda denga ras kambing,Bage pe lemak ras ginjal biri-biri jantan.
Sebap sikapken Jahwe pagi korban i Bosra,Terjadi me pembunuhen si mbelin i negri Edom.+
7 Ndabuh pagi lembu jantan liar radu ras kalak e,Lembu jantan si nguda denga pe ndabuh ras kalak si megegeh,Dem pagi dareh bas negri kalak e,Janah taneh kalak e itutupi lemak pagi.”
8 Enggo tetapken Jahwe wari pembalasen,+Tahun penghukumen guna kepentingen Sion.+
9 Launa* si maler iubah pagi jadi ter,Tanehna jadi belerang pagi.
Janah negrina bagi ter si tertutung.
10 Api e la pagi mate suari ras berngi,Asapna terus erdipul seh rasa lalap.
Hancur pagi ia arah jaman ku jaman,La lit ise pe si mentas je nari seh rasa lalap.+
11 Burung pelikan ras landak pagi si tading i je,Burung hantu ras burung gagak pagi si ringan i je.
Sibari Dibata pagi ia alu nali pengukur ras alat pengukur tegak lurus*Guna mbuktiken maka hancur pagi ia janah la lit si ngianisa.
12 La sada pe bangsawanna jadi raja,Janah kerina peminpinna lanai pagi lit.
13 Peren duri pagi si turah bas menarana si erbenteng,Peren ras dukut si erduri pagi si lit bas kota-kotana si erbenteng.
Jadi asar biang kerangen pagi ia,+Ras ingan burung unta.
14 Binatang si tading bas gurun jumpa pagi ras binatang si erngaung,Ras lebuh kambing liar* pagi temanna.
Perik berngi* pe istrahat janah tading i je.
15 Rasar ras naruhen pagi nipe i je,Naper naruhna janah lindungina anak-anakna.
Pulung pagi i je kuliki, masing-masing ras pasangenna.
16 Daramilah kerina e bas buku Jahwe janah bacakenlah.
La pagi lit sada pe si bene,Kerina pagi lit pasangenna,Sebap Jahwe kap si enggo mereken perentah,Janah kesah si badiaNa kap si mpepulung kalak e.
17 Ia kap si erban undi man kalak e,Janah tanNa si enggo netapken ingan kalak e.*
E me si jadi jang kalak e seh rasa lalap.
I je pagi kalak e tading arah jaman ku jaman.
Cataten i teruh
^ Mungkin maksudna Bosra, ibu kota Edom.
^ Ntah “ras unting-unting.”
^ Ntah banci saja “malekat-malekat jahat si rupana bagi kambing.”
^ Perik si mirip ras burung hantu.
^ As. “si enggo mbagi-mbagiken ingan e man kalak e alu nali pengukur.”
