Jesaya 38:1-22
38 Bas sada wari, sakit Hiskia ras nandangi mate.+ Reh Nabi Jesaya+ anak Amos ndahi ia janah nina, “Bagenda nina Jahwe, ‘Berekenlah petunjuk man keluargandu, sebap kam nandangi mate. Labo pagi kam malem.’”+
2 Emaka alaken Hiskia ku dingding, jenari ertoto ia man Jahwe,
3 “O Jahwe, mindo kel aku man baNdu, inget min+ uga aku alu setia janah bulat kel ukur ngikutken dalan-dalanNdu,+ kulakoken kai si mehuli akapNdu.” Jenari tangis kel Hiskia.
4 Kenca si e nina Jahwe man Jesaya,
5 “Dahi ka mulihi Hiskia+ janah kataken bagenda, ‘Bagenda nina Jahwe Dibata nini bulangndu Daud, “Enggo Kubegi totondu.+ Enggo Kuidah mambur iluhndu.+ Emaka Kutambahi umurndu 15 tahun nari,+
6 janah Kuselamatken pagi kam ras kota enda arah tan raja Assur nari. Kupertahanken pagi kota enda.+
7 Enda tanda arah Jahwe guna mbuktiken maka pasti lakoken Jahwe kai si enggo katakenNa:+
8 Kuban pagi bayangen tangga* Ahas mundur sepuluh langkah.”’”+ Emaka mundur me bayangen arah matawari sepuluh langkah bas tangga e.
9 Enda me tulisen Hiskia raja Juda sanga sakit ia janah ipepalem arah penakitna.
10 Nina, “Lenga pe aku metua,Arus aku masuk ku gerbang Kuburen.*
Janah ibuat me arah aku tahun-tahunku si tading.”
11 Ningku, “Lanai pagi kuidah Jahwe,* Jahwe* bas negri kalak si nggeluh.+
Lanai pagi kuidah manusia,Sebap ras penduduk negri kematen pagi aku tading.
12 Inganku tading bali bagi kemah permakan,Si ibongkar janah ibaba lawes.+
Bagi tukang tenun, kugulung kegeluhenku,Ipotong aku bagi benang arah alat tenun.
Ciger nari seh berngi, ibanNdu keri geluhku alu manjar-anjar.+
13 Kupetenang bangku seh erpagi-pagi.
Bali bagi singa, ripukkenNa tulan-tulanku.
Ciger nari seh berngi, ibanNdu keri geluhku alu manjar-anjar.+
14 Ciak-ciak aku bagi perik layang-layang ras burung anis,*+Ndehereng aku bagi merpati.+
Latih kuakap natap ku ingan si meganjang,+‘O Jahwe, susah kel kuakap,Sampati min aku!’+
15 Uga narilah ningku?
Enggo ngerana Ia man bangku janah ertindak Ia.
Sedekah aku nggeluh, terus pagi aku meteruk ukurPerban kesusahen si kunanami.
16 ‘O Jahwe, perban si e* maka tiap kalak tetap nggeluh,Perban si e me aku erkesah.
PepalemNdu pagi aku janah banNdu aku tetap nggeluh.+
17 Nenlah! Dame enggo berubah jadi ate mesui,Tapi perban keleng ateNdu aku,SelamatkenNdu aku arah lubang kehancuren nari.+
BenterkenNdu kerina dosaku ku pudiNdu.*+
18 Sebap Kuburen* la banci erban Kam mulia,+Kematen la banci muji Kam.+
Kalak si nusur ku bas kuburen la banci ngarapken kesetianNdu.+
19 Kalak si nggeluh, kalak si nggeluh nge si banci muji Kam,Bagi si kulakoken wari enda.
Sekalak bapak banci mereken pemeteh man anakna kerna kesetianNdu.+
20 O Jahwe, selamatken min aku,Gelah imainken kami lagu-laguku alu alat musik si ersenar,+Segedang geluh kami i rumahNdu, o Jahwe.’”+
21 Kenca si e nina Jesaya, “Buatlah buah ara si kerah si enggo ipihpihken janah olesken ku bisul e, gelahna malem.”+
22 Sope si e, nungkun Hiskia, “Kai tandana maka banci pagi aku lawes ku rumah Jahwe?”+
Cataten i teruh
^ Mungkin tangga e igunaken guna ngenen waktu, bagi jam matawari.
^ As. “Jah.” Jah eme singkaten gelar Jahwe.
^ As. “Jah.” Jah eme singkaten gelar Jahwe.
^ Ntah banci saja “burung bangau.”
^ Maksudna, kata Dibata ras perbahanenNa.
^ Ntah “SasapkenNdu kerina dosaku arah lebe-lebeNdu.”
