Jesaya 4:1-6
4 Bas wari e, lit pitu diberu nagangi sada dilaki+ janah nina,
“Roti kami pagi si pan kami,Baju kami pagi si pake kami,Tapi pediatlah kami ilebuh alu gelarnduGelah kami la ipermelaken.”*+
2 Bas wari e, ban Jahwe pagi sinuan-sinuan ertunas mejile janah mulia. Meriah pagi ukur kalak Israel si selamat janah bangga kalak e man hasil negri e.+
3 Ise pe si tading i Sion ras Jerusalem eme kerina kalak i Jerusalem si icatat gelah tetap nggeluh, ianggap pagi badia.+
4 Gara pagi rawa Jahwe man Jerusalem janah hakimiNa pagi ia.+ Alu bage, bersihkenNa pagi kai si kotor bas anak-anak Sion si diberu+ ras bekas dareh Jerusalem.
5 Kenca si e, ban Jahwe ka embun ras asap sanga ciger bage pe api si gara i datas Gunung Sion ras ingan perpulungenna,+ sebap i datas kerina ingan si mulia e lit pagi si ngelindungisa.
6 Lit ka pagi sapo ingan cicio sanga las ciger wari,+ bage pe ingan erlindung arah angin si meter ras udan.+
Cataten i teruh
^ Maksudna, ipermelaken perban la sereh janah la lit anakna.
