Jesaya 40:1-31
40 Nina Dibata kena, “Apuli, apulilah bangsaKu.+
2 Petenanglah Jerusalem,Kataken man bana maka kesusahenna enggo dung,Kesalahenna enggo ilunasi.+
Enggo alokenna kerina* hukumen arah tan Jahwe perban kerina dosana.”+
3 Lit si erlebuh i taneh mesawang,*
“Sikapkenlah dalan man Jahwe!+
Pepinterlah dalan-dalan+ arah gurun pasir man Dibatata.+
4 Timbunlah tiap lembah,Ratakenlah tiap gunung ras bukit.
Ratakenlah taneh si erbatu-batu,Banlah taneh si la rata jadi lembah si rata.+
5 Ipebetehken pagi kemulian Jahwe,+Janah kerina pagi manusia ngidahsa,+Sebap Jahwe si enggo ngatakenca.”
6 Begikenlah! Lit si ngataken, “Ersuraklah!”
Nina si deban nungkun, “Kai si arus kusurakken?”
“Kerina manusia bagi dukut si meratah.
Kerina kekelengen kalak e si setia bagi bunga i juma.+
7 Dukut-dukut si meratah kerah,Bunga-bunga pe melus,+Sebap kesah Jahwe rembus engkenai ia.+
Payo tuhu, manusia bagi dukut si meratah ngenca.
8 Dukut-dukut si meratah kerah,Bunga-bunga pe melus,Tapi kata Dibatata tahan rasa lalap.”+
9 O diberu si maba berita si meriah man Sion,+Nangkenglah ku gunung si meganjang!
Ersuraklah asa gegeh kena!
O diberu si maba berita si meriah man Jerusalem,Ersuraklah, ula kena mbiar!
Umumkenlah i kota-kota Juda, “Enda kap Dibata kena!”+
10 Nenlah! Jahwe Tuhan Si Meganjangna, reh pagi alu kuasaNa,Tan kananNa pagi si erkuasa guna Ia.+
Nenlah! Lit babaNa upah,Janah enggo ersikap Ia guna mereken upah.+
11 Bagi permakan, urusNa* rarasenNa.+
Alu tanNa, pepulungNa anak biri-biri,Alu dadaNa, babaNa anak biri-biri e.
Alu lembut, babaiNa indung biri-biri si minem denga anakna.+
12 Ise si banci namaken lau kerina laut ku bas tapak-tapak tanna,+Janah ngukur langit alu jengkalna?*
Ise si ngasup namaken kerina taneh si lit i doni ku bas tumba?+
Ise si banci nimbang gunung-gunungRas bukit-bukit alu timbangen?
13 Ise si pernah nibari* kesah si badia Jahwe,Janah ise si banci jadi penasehatNa ras mereken petunjuk man baNa?+
14 Man ise Ia mindo nasehat gelah banci ngangkai,Ntah, ise si ngajari Ia dalan keadilen,Ntah, ise si ngajarken pemeteh man baNa,Ntah, ise si nuduhken dalan pengertin si benar man baNa?+
15 Bangsa-bangsa bagi sentaktak lau i bas timba,Bagi lapisen abu si halus bas timbangen.+
AngkatNa pulau-pulau bagi abu si halus.
16 Batang-batang kayu Libanon pe la bias erban api lalap gara,*Janah binatang-binatang liar la bias jadi persembahen tutungen.
17 I lebe-lebeNa, bangsa-bangsa tempa-tempa la lit,+Kalak e bagi si la lit janah labo akapNa lit ertina.+
18 Ras ise banci bandingkenndu Dibata?+
Ras ise banci peserindu Ia?+
19 Tukang pahat erban berhala,*Tukang logam ngelapisisa alu emas,+Janah banna rante pirak.
20 Pilihna batang kayu si jadi sumbangenna,+Batang kayu si la banci macik.
Daramina kalak si beluhGuna erban patung pahaten si la banci mbulak.+
21 La kin teh kena?
Lenga kin begi kena?
Lenga kin ikataken man kena tangtangna nari?
Ntah lenga kin angka kena mulai kin lit pondasi-pondasi doni enda?+
22 Dibata tading i datas lingkaren doni,+Si pendudukna bali bagi labang.
KimbangkenNa langit bagi uis si menipes,KimbangkenNa e bagi kemah guna iingani.+
23 BanNa pejabat tinggi la lit ertina,Janah banNa hakim* i doni la erguna.
24 Mbaru denga pe kalak e isuan,Mbaru denga pe benihna isuan,Mbaru denga pe batangna rurat i taneh,Kalak e enggo iembus jenari kerah,Kalak e bagi nggala* si iembusken angin.+
25 Nina Dibata Si Badia, “Ras ise kin peseri kena Aku? Ise kin si seri ras Aku?
26 Tataplah ku langit janah nenlah.
Ise si nciptaken kerina e?+
Ia me Dibata si minpin bintang bagi pasuken tentera.
LebuhNa gelarna sada per sada.+
Perban mbelin kel gegehNa janah luar biasa kel kuasaNa,+La lit sada pe si la reh.
27 Engkai maka ning kena, o Jakup, engkai maka umumken kena, o Israel,‘Labo idah Jahwe dalanku,La bere Dibata keadilen man bangku’?+
28 La kin tehndu? La kin pernah begindu?
Jahwe kap Dibata si rasa lalap, Ia Si Nciptaken belang-belang doni.+
La pernah latih kapNa ntah pe lemah.+
La lit si banci meteh kai si angkaiNa.+
29 BereNa gegeh man kalak si latih,Janah bias bereNa gegeh man kalak si lemah.+
30 Anak-anak dilaki latih pagi akapna janah lemah,Anak perana pe tertuktuk janah ndabuh.
31 Tapi kalak si ngarap man Jahwe, megegeh pagi mulihi.
Meganjang pagi kalak e kabang tempa-tempa lit kabengna bagi kuliki.+
Kiam pagi kalak e janah la kapna latih,Erdalan pagi kalak e janah la kapna ngalah.”+
Cataten i teruh
^ Ntah “2 kali lipat.”
^ Taneh si mbelang si jarang iingani.
^ Ntah “permakaniNa.”
^ Ntah banci saja “ngangkai.”
^ Ntah “bias guna jadi ranting.”
^ Ntah “patung tuangen.”
^ Ntah “penguasa.”
^ Ntah “jerami.”
