Jesaya 41:1-29
41 “O pulau-pulau, begikenlah Aku janah sinikken.
O bangsa-bangsa, megegehlah mulihi,Reh dehernalah ku jenda janah ngeranalah kena.+
Mari kita runggu gelah Kuhakimi kena.
2 Ise si mereken gegeh man sekalak si reh timur nari,+Si ngelebuh kalak e reh ku naheNa,* guna ndalanken keadilen,Guna nyerahken bangsa-bangsa ku tanna,Guna erban ia naluken raja-raja?+
Janah erban kalak e jadi abu alu pedangna,Erban kalak e bagi nggala* si iembus angin alu panahna?
3 Terus ayakina kalak e, maju ia janah la lit si ngambatisaNgelewati dalan si lenga pernah dalanina.
4 Ise si ertindak janah ngelakoken si e?
Ise si ngelebuh keturunen si pertama bage pe keturunen seterusna, mulai tangtangna nari?
Aku, Jahwe, Aku kap Si Pertama+Janah seh ku keturunen si terakhir, Aku la berubah.”+
5 Idah pulau-pulau kerna si e janah mbiar ia,Ujung-ujung doni pe mulai nggirgir.
Emaka reh kalak e janah pulung kalak e.
6 Kerina ia sisampat-sampaten,Janah nina man seninana, “Arus kam megegeh.”
7 Tukang kayu mpegegehi tukang logam,+Kalak si ngerataken logam alu martelMpegegehi kalak si mekpek logam.
Nina, “Mejile hasilndu ngelas.”
Patung e pe iban jadi paguh gelah la ndabuh.
8 “Tapi kam o Israel, kam kap pelayanKu,+O Jakup, kam kap si Kupilih,+Keturunen Abraham temanKu.+
9 Kam kap si Kubaba arah ujung-ujung doni nari,+Si Kulebuh arah ingan-ingan si ndauhna nari.
Kukataken man bandu, ‘Kam kap pelayanKu,+Enggo Kupilih kam, labo kam Kutulak.+
10 Ula mbiar, sebap Aku kap ras kam.+
Ula kuatir, sebap Aku kap Dibatandu.+
Kulindungi kam, Kusampati kam,+Kucikep kam alu tan kananKu si adil.’
11 Nenlah! Kerina kalak si merawa man bandu ipermelaken pagi janah ipeteruk.+
Kalak si ngelawan kam lanai pagi lit ertina janah kernep.+
12 Daramindu pagi kalak si ngelawan kam tapi la pagi datndu,Kalak si erperang ras kam tempa-tempa la pagi lit ertina, janah lesap kerina.+
13 Sebap Aku kap Jahwe Dibatandu, si ncikep tan kanannduSi ngataken man bandu, ‘Ula mbiar. Kusampati kam.’+
14 O Jakup, amin pe kam cacing si lemah, ula kam mbiar.+
O kalak Israel, Kusampati pagi kam,” nina Jahwe Si Nebus kam,+ Dibata Israel Si Badia.
15 “Enggo Kuban kam jadi papan ngerik,+Papan ngerik si mbaru si ergigi bas dua sisina.
Perjakindu pagi gunung-gunung ras hancurkenNdu,Janah banndu pagi bukit-bukit bali bagi segal.*
16 Piarindu pagi kalak e,Janah baba angin pagi kalak e lawes,Merap pagi kalak e perban badai.
Meriah pagi ukurndu perban Jahwe,+Janah bangga kam perban Dibata Israel Si Badia.”+
17 “Kalak susah ras kalak mesera, ndarami lau tapi la lit datna.
Dilah kalak e kerah perban muas.+
Aku, Jahwe, si njawap kalak e pagi.+
Aku, Dibata Israel, labo pagi Kutadingken kalak e.+
18 Lau si maler Kuban pagi maler ku bukit si kerah,+Janah mata lau Kuban pagi maler ku lembah.+
Taneh mesawang* Kuban pagi jadi kolam,Janah taneh si gersang jadi mata lau.+
19 Bas gurun pasir Kusuan pagi batang aras,Akasia, mirtel, ras batang pinus.+
Bas gurun pasir Kusuan pagi batang juniper,Radu ras batang as* bage pe cemara,+
20 Gelah kerina kalak ngidah janah meteh,Mperdiateken janah ngangkai,Maka tan Jahwe kap si ngelakokenca,Janah Dibata Israel Si Badia kap si njadikenca.”+
21 Nina Jahwe, “Turiken perkara kena.
Turiken pembelan kena,” nina Raja man Jakup.
22 “Buktiken janah kataken man kami kai si nandangi terjadi.
Kataken man kami kerna kai si terjadi mbarenda,*Gelah banci ukuri kami janah teh kami hasilna.
Kataken man kami kerna kai si nandangi terjadi.+
23 Kataken man kami kai si terjadi bas wari si pepagi,Gelah banci teh kami maka tuhu kena dibata.+
Lakokenlah si mehuli ntah pe si la mehuli,Gelah takjup kami ngidahsa.+
24 Kena la erguna,La lit si hasilken kena.+
Kalak si pilihna nembah kena, ciga kel ate.+
25 Enggo Kulebuh sekalak arah utara nari, janah reh pagi ia,+Sekalak arah timur nari+ erlebuh pagi man gelarKu.
Perjakina pagi penguasa-penguasa bagi merjaki taneh liat,+Bagi tukang kudin merjaki taneh liat si litap.
26 Ise si tangtangna nari mpebetehken kerna si enda, gelah teh kami?
Ise si mbarenda nari mpebetehkenca, gelah banci ning kami, ‘Tuhu si katakenna’?+
Pasti la lit!
La lit si mpebetehkenca!
La lit ise pe si megi kai pe arah kena nari!”+
27 Aku kap si tangtangna ngatakenca man Sion, “Enda pagi si terjadi!”+
Kusuruh pagi kalak si maba berita si meriah ku Jerusalem.+
28 Lalap Kudarami, tapi la lit si Kudat,La lit si banci mereken nasehat.
Lalap Kusungkun tapi la lit si ngaloi.
29 Kerina patung e la erguna.
Pendahin kalak e sia-sia.
Patung-patung logam* kalak e la banci mereken si mehuli.+
Cataten i teruh
^ Maksudna, guna ngelayani Ia.
^ Ntah “jerami.”
^ Ntah “kulit page; kulit gandum; kulit barli.”
^ Taneh si mbelang si jarang iingani.
^ Batang kayu si galang si gedangna seh 15 meter. Bulungna warna hijau muda janah batangna warna abu-abu.
^ As. “tangtangna.”
^ Ntah “Patung-patung tuangen.”
