Jesaya 42:1-25
42 Enda kap pelayanKu+ si Kudukung!
Kalak si Kupilih.+ Jadi ateKu man bana!+
Enggo Kubereken kesah si badiaKu man bana,+Tegakkenna pagi keadilen man bangsa-bangsa.+
2 Labo ia pagi serko ntah pe ersurak,Labo pagi terbegi sorana i pasar.+
3 Buluh si enggo bengkok labo pagi penggelkenna,Sumbu lampu si milep-ilep labo matekenna,+Alu setia tegakkenna pagi keadilen.+
4 Labo pagi ia patah semangat ntah pe putus asa seh ngasa tegakkenna keadilen i doni.+
Pulau-pulau lalap pagi nimai undang-undangna.*
5 Bagenda nina Jahwe Dibata si benar,Si Nciptaken langit bage pe Ia si ngkimbangkenca,+Si erban doni ras kerina hasilna,+Si mereken kesah man kalak si lit i je+Bage pe kegeluhen man kalak si erdalan i je.+
6 “Aku Jahwe si ertindak alu benar, enggo ngelebuh kam,Kucikep tanndu,Kulindungi kam janah Kuban kam bagi perjanjinKu ras bangsa-bangsa,+Janah bagi terang man bangsa-bangsa.+
7 Gelah banndu mata kalak pentang erpengidah,+Bebaskenndu tahanen arah penjara teruh taneh,Janah pedaratndu kalak si kundul i bas penjara si gelap.+
8 Aku kap Jahwe. E me gelarKu.
La Kubereken kemulianKu man ise pe,Janah pujin man bangKu la Kubereken man patung berhala.+
9 Nenlah, kai si mbarenda Kukataken enggo terjadi,Gundari, Kukataken ateKu kai si mbaru.
Ope lenga reh kerina e, enggo Kukataken kerna si e man kena.”+
10 O kena kerina si lawes ku laut ras kerina si lit bas laut,Bage pe pulau-pulau ras pendudukna,+Endekenlah lagu si mbaru man Jahwe,+Endeken pujin man baNa arah ujung-ujung doni nari.+
11 Ersuraklah taneh mesawang* ras kota-kotana,+Bage pe perkemahen kalak Kedar.+
Ersuraklah kalak si tading i tebing alu meriah ukur,Ersuraklah kalak e arah puncak gunung-gunung.
12 Muliaken kalak e lah Jahwe,Puji kalak e lah Ia arah pulau-pulau.+
13 Maju pagi Jahwe bagi kalak si megegeh.+
Semangat kel Ia ertindak bagi pejuang.+
Serko pagi Ia, isurakkenNa surak-surak perang,CidahkenNa pagi maka gegehen Ia asangken musuh-musuhNa.+
14 “Enggo ndekah Aku sinik saja.
Sinik Aku lalap janah Kukuasai bangKu.
Bagi diberu si sangana melahirken,Serko Aku, nderkuh, janah kesah-kesahen.
15 Gunung-gunung ras bukit-bukit Kuhancurken pagi,Kerah pagi Kuban sinuan-sinuan.
Kuban pagi lau maler jadi pulau-pulau,*Janah kerah pagi Kuban kolam-kolam.+
16 Kubabai pagi kalak pentang bas dalan si la teh kalak e,+Kuban kalak e erdalan bas dalan si la tandai kalak e.+
Kuban pagi gelap jadi terang i lebe-lebe kalak e,+Janah taneh si la rata jadi taneh si rata.+
E me pagi si Kulakoken man kalak e, janah labo pagi Kutadingken kalak e.”
17 Kalak si tek man berhala,Ras si ngataken man patung,* “Kena kap dibata kami,”+
Tuhu-tuhu pagi italuken ras ipermelaken.
18 O kalak pasek, begikenlah,O kalak pentang, nen janah tataplah.+
19 Ise si pentang bagi pelayanKu,Si pasek bagi kalak si Kusuruh?
Ise si pentang bagi kalak si ibere upah,Si pentang bagi pelayan Jahwe?+
20 Melala si idahndu, tapi la perdiatekenndu.
Erpemegi nge kam, tapi la begikenndu.+
21 Guna keadilenNa,Meriah akap Jahwe ncidahken maka undang-undangNa* luar biasa ras mulia.
22 Tapi enda kap bangsa si irampok ras ijarah,+Kerina kena jerat bas lubang janah bas penjara si terbuni.+
Kalak e irampok tapi la lit si nampati,+Kalak e ijarah tapi la lit si ngataken, “Ulihken ena!”
23 Ise i tengah-tengah kena si megiken enda?
Ise si nggit mperdiateken janah megiken guna wari si pepagi?
24 Ise si mpediat Jakup ijarah,Janah nyerahken Israel man perampok-perampok?
La kin Jahwe, Dibata si man baNa kalak e erdosa?
La kalak e nggit ngikutken dalan-dalanNa,La kalak e nggit patuh man undang-undangNa.*+
25 Emaka lalap reh man kalak eRawaNa, ateNa ngilas, ras perang si kejam.+
Kerina e erban kai pe si lit i sekeliling kalak e keri, tapi la lit si mperdiatekenca.+
Kerina e nutung kalak e, tapi la lit si mperdiatekenca.+
Cataten i teruh
^ Ntah “petunjukna.”
^ Taneh si mbelang si jarang iingani.
^ Ntah “taneh si kerah.”
^ Ntah “patung tuangen.”
^ Ntah “petunjukNa.”
^ Ntah “petunjukNa.”
