Jesaya 44:1-28
44 “Gundari begiken o Jakup, pelayanKu,O Israel, si enggo Kupilih.+
2 Bagenda nina Jahwe,Si Erban kam, Dibata si njadiken kam,+Si nampati kam mulai kam lahir,*
‘Ula mbiar, o pelayanKu Jakup,+Bage pe kam o Jesurun,*+ si enggo Kupilih.
3 Sebap Kucurcurken pagi lau man kalak si muas,*+Kuban pagi lau maler bas taneh si kerah.
Kubereken pagi kesah si badia man keturunenndu,+Janah Kubereken pagi pasu-pasu man anak-anakndu.
4 Turah pagi kalak e bagi dukut si meratah,+Bagi batang-batang poplar* si lit i deher lau maler.
5 Lit si ngataken, “Aku jang Jahwe,”+
Si deban gelarina bana Jakup,Si debanna ka tulisna bas tanna, “Jang Jahwe.”
Pakena pagi gelar Israel.’
6 Bagenda nina Jahwe,Raja+ ras Si Nebus Israel,+ Jahwe penguasa malekat,‘Aku kap si pertama janah Aku kap si terakhir.+
La lit Dibata selain Aku.+
7 Ise kin si seri ras Aku?+
Pediatlah ia ngerana janah buktikenna man bangKu!+
Pediatlah turikenna kai si nandangi rehRas kai si nandangi terjadi,Mulai sanga Kupilih sada bangsa bas jaman si mbarenda.
8 Ula mbiar,Ula lumpuh perban biarna.+
La kin enggo Kukataken ras Kupebetehken kerna si e mbarenda nari?
Kena kap saksi-saksiKu.+
Lit kin Dibata selain Aku?
Lang, la lit Gunung Batu si deban,+ la lit si Kutandai.’”
9 Kalak si erban patung, la erguna.
Barang-barang si jadi ate kalak e la pagi lit ertina.+
Saksi-saksi kalak e,* la idahna kai pe janah la tehna kai pe,+Emaka ipermelaken pagi kalak e.+
10 Lit kin si nggit erban dibata ntah pe erban patung logam*Si la lit gunana?+
11 Kerina temanna pe ipermelaken!+
Manusia kap ngenca si erban ia.
Pediat ia kerina pulung janah buatna inganna.
Ras-ras pagi ia kerina mbiar ras ipermelaken.
12 Tukang besi muat besi jenari panaskenna i datas rara alu alatna.
Bentukna alu martel,Erdahin ia alu tanna si megegeh,+Kenca si e melihe ia jenari keri gegehna,La ia minem dungna latih kapna.
13 Tukang kayu ngukur alu nali pengukur, banna tandana alu kapur megara.
Ibentukna alu pahat jenari banna tanda alu jangka.
Banna jadi bentuk manusia,+Bagi manusia si mejile,Guna itamaken bas rumah.*+
14 Lit kalak si dahinna nabah batang kayu aras.
Pilihna batang kayu tertentu eme batang kayu si galang,*Pediatna kayu e turah reh galangna i tengah kayu-kayu si lit i kerangen.+
Suanna batang kayu salam jenari turah perban udan.
15 Kenca si e, iban kalak kayu e jadi ranting.
Lit ka si banna jadi ranting guna cudu.
Pegarana api janah panggangna roti.
Tapi banna ka kayu e jadi dibata jenari sembahna.
Banna jadi patung pahaten, jenari sujud ia i lebe-lebena.+
16 Setengahna tutungna bas api,Guna manggang daging jenari panna seh asa besur.
Cudu ka ia janah nina,
“Entabeh kuakap, lanai kuakap mbergeh.”
17 Tapi sisana banna jadi dibata, jadi patung pahaten.
Sujud ia man bana janah isembahna.
Ertoto ia man bana janah nina,
“Selamatken aku, sebap kam kap dibataku.”+
18 La tehna kai pe, la angkana kai pe,+Sebap matana tertutup rapat emaka la erpengidah,Janah la angka pusuhna kai pe.
19 La lit sada pe si rukur,La lit sada pe si erpemeteh ras erpengertin, si ngataken,
“Setengahna enggo itutung bas api,I datas rarana kupanggang roti ras daging gelah ipan,Arus kin kuban sisa kayu e jadi kai si erban ciga ate?+
Arus kin kusembah sada potong kayu si kerah?”
20 Kalak si bage bali bagi man abu.
Pusuhna si tertipu erban ia papak.
La banci selamatkenna bana, ntah pe ngataken,
“Si kujemak enda la erguna.”
21 “O Jakup, o Israel, ingetlah kerna si enda,Sebap pelayanKu kap kam.
Enggo Kubentuk kam, janah kam kap pelayanKu.+
O Israel, labo kam Kulupaken.+
22 Kuhapus pagi kesalahenndu tempa-tempa bagi itutupi embun,+Janah Kuhapus dosa-dosandu tempa-tempa itutupi embun si mekapal.
Mulihkenlah man bangKu, gelah Kutebus pagi kam.+
23 O surga, ersuraklah alu meriah ukur,Sebap Jahwe enggo ertindak!
O doni, surakkenlah kemenangen!
O gunung-gunung, ersuraklah alu meriah ukur,+Bage pe kerangen ras kerina batang kayuna!
Sebap enggo tebus Jahwe keturunen Jakup,Janah cidahkenNa kemulianNa arah Israel.”+
24 Bagenda nina Jahwe, Si Nebus kam,+Si njadiken kam mulai arah rahim nari,
“Aku kap Jahwe, si erban kerinana.
Si ngkimbangken langit+Ras si erban doni.+
Ise sange si nampati Aku ngelakokenca?
25 Aku si mbuktiken maka tanda-tanda arah nabi palsu la tuhu,Aku si erban peramal-peramal bagi kalak motu.+
Aku si erban kalak si pentar bingung,Janah Kuubah pemeteh kalak e jadi kebodohen.+
26 Aku si erban ranan pelayanKu terjadi,Janah kerina ramalen arah utusenKu pe terjadi.+
Aku si ngataken man Jerusalem, ‘Iingani pagi ia,’+
Janah ningKu man kota-kota Juda, ‘Kerina pagi ibangun mulihi,+Reruntuhenna Kupajekken pagi mulihi.’+
27 Aku si ngataken man lau si mbages, ‘Kerahlah,Janah kerina lau malerndu Kuban jadi kerah.’+
28 Aku kap si ngataken kerna Kores,+ ‘Ia kap permakan si Kupilih,Janah ia pagi si ngelakoken kerina sura-suraKu,’+
Aku si ngataken kerna Jerusalem, ‘Mulihi pagi ia ibangun,’
Janah kerna rumah pertoton, ‘Ibangun pagi pondasindu.’”+
Cataten i teruh
^ Ntah “mulai bas rahim nari.”
^ Ertina “Kalak si Bujur,” eme gelar kehamaten man Israel.
^ Ntah “man negri si kerah.”
^ Ntah “batang dalu-dalu.” Eme batang kayu si biasa turah i deher lau maler i Timur Tengah.
^ Maksudna, patung-patung.
^ Ntah “patung tuangen.”
^ Ntah “ingan ersembah.”
^ Ntah “batang kayu ek.”
