Jesaya 47:1-15
47 O kota* Babilon,+Nusurlah kam ras kundulken i datas abu.
O kota* kalak Kaldea,Kundullah kam i taneh si la lit tahtana,+Sebap lanai pagi kam ikataken lembut ras manja.
2 Gilinglah tepung alu batu penggilingen.
Agui tudungndu.
Singsing rokndu, pediat nahendu teridah.
Janah sebrangi lau si maler.
3 Tilanjang pagi kam.
Teh kalak pagi kai si erban kam mela.
Kubalas pagi kam+ janah la lit si banci ngambati Aku.*
4 “Dibata Israel Si Badia,+Ia kap si nebus kita,GelarNa eme Jahwe, penguasa malekat.”
5 O kota kalak Kaldea,+Kundul kam janah sinik kam bas kegelapen.
Lanai pagi kam igelari kalak Ratu Kerajan-Kerajan.+
6 Merawa Aku man umatKu.+
Kupediat umatKu jadi najis,+Kuserahken kalak e ku tanndu.+
Tapi la atendu mekuah man kalak e.+
Man kalak si enggo metua pe tamandu ka baban si mberat.+
7 Nindu, “Aku jadi Ratu nge pagi lalap.”+
La ukurindu perbahanenndu,La ukurindu kai akibatna.
8 Gundari begiken enda, o kam si engkelengi kesenangen,+Si kundul alu tenang, janah nindu bas ukurndu,
“Aku kap si pentingna, la lit si bagi aku.+
Labo pagi aku jadi janda,Labo pagi aku pernah kebenen anak.”+
9 Tapi duana enda rempet pagi terjadi man bandu i bas sada wari,+Eme kebenen anak ras jadi janda.
Dung kel pagi kam banna+Sebap* ipakendu melala ilmu sihir ras tabas-tabas si megegeh.+
10 Andalkenndu kejahatenndu.
Nindu, “Labo lit si ngidah aku.”
Kepentaren ras pemeteh si bage me si erban kam papak,Janah nindu bas pusuhndu, “Aku kap si pentingna, la lit si bagi aku.”
11 Tapi reh pagi cilaka man bandu,Janah la lit sada pe tabas-tabasndu si banci mpengadisa.*
Susah pagi akapndu, janah labo terelakkenndu.
La arapndu rempet pagi reh kehancuren.+
12 Cuba pakendu tabas-tabas ras ilmu sihirndu si mbue e,+Si erban kam susah mulai kin kam kitik denga.
Ntah banci kin kari erguna man bandu?
Ntah banci kin kari erban kalak mbiar?
13 Latih kapndu perban buena penasehatndu.
Gundari pediatlah kalak e tedis guna nelamatken kam.
Kalak e kap si nembah langit,* si mperdiateken bintang-bintang,+Si mereken pemeteh paksa bulan baru,Kerna kai pagi si terjadi man bandu.
14 Kalak e bagi nggala.*
Keri pagi kalak e tertutung.
La terselamatkenna bana arah api si gara e.
Rara api e labo gelah ula bergehen,Janah labo api guna cudu.
15 Bage me pagi si terjadi man tukang tabasndu,Si erban kam susah mulai kitik-kitikndu nari.
Merap pagi kalak e ku kerina ingan* janah la lit tujunna.
La pagi lit si nelamatken kam.+
Cataten i teruh
^ As. “singuda-nguda.”
^ As. “singuda-nguda.”
^ Ntah banci saja “janah labo pagi Aku mekacar sanga jumpa ras ise pe.”
^ Ntah banci saja “Amin pe.”
^ Ntah “Janah la tehndu cara mpelawessa alu ilmu sihir.”
^ Ntah banci saja “Kalak e kap ahli-ahli bintang.”
^ Ntah “jerami.”
^ As. “ku daerahna.”
