Jesaya 48:1-22
48 Begikenlah enda, o keturunen Jakup,O kam si gelarindu bandu Israel,+Si rehna arah keturunen Juda,Si ersumpah bas gelar Jahwe,+Si erlebuh man Dibata Israel,Amin pe labo bas kebenaren ras keadilen.+
2 Ngaku-ngaku kam penduduk kota si badia+Andalkenndu Dibata Israel+Si gelarna Jahwe, penguasa malekat.
3 “Enggo ndekah Kukataken kerna kai si mbarenda terjadi.
Aku si ngatakenca,Janah Aku si mpebetehkenca.+
Rempet pagi Aku ertindak janah terjadi pagi kerina e.+
4 Sebap Kuteh uga kam mekengna,Keras kepala janah la nggit patuh.*+
5 Enggo Kukataken kerna si e mbarenda nari.
Ope lenga si e terjadi, enggo Kuban gelah begindu,Gelah ula katakenndu, ‘Berhalaku nge si ngelakoken si e,Patung pahatenku ras patung logam* nge si merentahkenca.’
6 Kerina e enggo begindu janah idahndu.
La kin ceritakenndu?+
Mulai gundari nari Kukataken kerna kai si mbaru man bandu,+Rahasia-rahasia si ibuniken si lenga tehndu.
7 Gundari nge Kuciptaken kerina e, labo mbarenda nari,Eme kerna kai si mbaru denga begindu bas wari enda,Gelah la katakenndu, ‘Enggo kuteh kerina e.’
8 Lenga pernah begindu,+ lenga pernah tehndu,Mbarenda tutupndu cupingndu.
Sebap Kuteh maka licik kel kam,+Lahirndu nari pe enggo ikataken kam pemberontak.+
9 Tapi guna gelarKu, Kutahan pagi rawaKu,+Guna kemulianKu, Kutahan pagi bangKu,Janah la pagi kam Kukernepken.+
10 Nenlah! Enggo Kumurniken Kam, tapi labo bagi erban pirak jadi murni.+
Kupediat kam susah guna erban kam murni, bagi logam si ilebur bas api.+
11 Guna kepentingen gelarKu saja nge maka Aku ertindak,+Labo Kupediat gelarKu iban jadi najis.+
Labo Kubereken* kemulianKu man ise pe.
12 Begikenlah Aku, o Jakup ras Israel, si enggo Kulebuh.
Aku lalap seri.+ Aku kap si pertama, Aku kap si terakhir.+
13 TanKu kap si erban pondasi doni,+Tan kananKu kap si ngkimbangken langit.+
Sanga erlebuh Aku, kerinana reh.
14 Pulunglah kena kerina janah begiken.
Ise arah kalak e* nari si mpebetehken kerna si e?
Aku, Jahwe, keleng ateKu ia.+
Ia pagi si ngelakoken sura-suraKu nandangi Babilon,+Janah tanna pagi ngelawan kalak Kaldea.+
15 Enggo Kukataken man bana janah enggo Kulebuh ia.+
Enggo Kubaba ia janah Kuban pagi berhasil si lakokenna.+
16 Rehlah kam ndahi Aku janah begikenlah enda.
Tangtangna nari labo Aku erbuni-buni ngerana.+
Mulai sanga si e terjadi, Aku enggo i je.”
Gundari, Jahwe Tuhan Si Meganjangna ngutus aku janah bereNa kesah si badiaNa.
17 Bagenda nina Jahwe, Si Nebus kam, Dibata Israel Si Badia,+
“Aku, Jahwe, Aku kap Dibatandu.
Si ngajarken kai si mehulina man bandu,+Si mabai kam bas dalan si arus dalanindu.+
18 Patuh min kam man perentah-perentahKu!+
Gelah dame si gejapkenndu bagi lau si maler,+Janah perbahanenndu si benar bagi gelombang laut.+
19 Keturunenndu bali pagi buena ras kersik.+
Gelar kalak e la pagi pernah kernep,Gelar kalak e la pagi masap arah lebe-lebeKu nari.”
20 Ndaratlah arah Babilon!+
Kiamlah arah negri kalak Kaldea!
Umumkenlah alu surak meriah ukur! Beritakenlah e!+
Pebetehkenlah seh ku ujung doni.+
Kataken, “Enggo itebus Jahwe pelayanNa eme Jakup.+
21 La kalak e muas sanga babaiNa kalak e ngelewati gurun.+
BanNa ndarat lau arah batu si galang man kalak e.
BelahNa tebing batu janah banNa ndarat lau je nari.”+
22 Nina Jahwe, “La lit dame man kalak jahat.”+
Cataten i teruh
^ As. “Kerahungndu bagi besi janah perdempakenndu bagi tembaga.”
^ Ntah “patung tuangen.”
^ Ntah “Kubagiken.”
^ Ntah “dibata-dibata e.”
